ሜቴ ማጻፋ 13:15 - Geeshsha Maxaafa

¹⁵ Hayssa neni xeelliza biitta ubbaa ta neessinne ne zereththas mernaas immana.

ጋሞ ማጻፋ

¹⁵ ሃይሳ ኔኒ ጼሊዛ ቢታ ኡባ ታ ኔሲኔ ኔ ዜሬስ ሜርናስ ኢማና።

ሜቴ ማጻፋ 13:15 Referans Kwoze

2ታሪኬ ማጻፋ 20:7

Abeet nu Xoossawu! Kase ha biittan de7izayta ne dere Isra7eele sinththafe yedeththada ne siiqiza Abrahaame zereththatas mernaas immiday nena!

ሜቴ ማጻፋ 12:7

GODAY Abraames qonccidi, «Ha biittaa tani ne zereththas immana» gides; izi baas qonccida GODAAS he sohon yarsho yarshizaso keexxidi goynnides.

ሜቴ ማጻፋ 35:12

Tani Abrahaamessinne Yisaaqas immida biittaa qasse nees immana; neeppe guyekka tani ha biittaa ne zereththas immana» gides.

ሜቴ ማጻፋ 15:18

He gallas GODAY Abraames, «Gibxe shaafappe doommidi Efiraaxise geetettiza gita shaafaa gakkanaas ha biittaa tani ne zereththaas immadis.

ሃዋሬታ ኦሶ 7:5

Haray attoshin issi tohoy eqqiza gadey izas hayssafe imettibeenna; gido attiin he wode izas issi naykka baynda dishin izinne izappe guyen iza zereththi biittayo laattana mala Xoossi izas caaqqides.

ዬ ማጻፋ 37:29

Xilloti biittayo laattana; izin mernaas de7ana.

ዬ ማጻፋ 37:22

GODAAN anjjettidayti biitta laattana; gido attiin izi qanggidayti coo dhayana.

Maatosa 5:5

Ashketi anjjettidayta; ays giikko istti biitta laattana.

ታይቦ ማጻፋ 34:2

«Isra7eele asaa, ‹Tani inttes immiza Kanaane biittayo intte biidi geliza wode izi yuushon diza dereti hayssafe kaallizayta;

ኬሳ ማጻፋ 33:1

Hessafe guye GODAY Muses, «Neninne ne Gibxeppe kessida asay hayssafe dendidi, ‹Tani intte zereththatas immana› ga woththida biittaa biite. He biittay tani Abrahaames, Yisaaqassinne Yaaqoobes immana gaada kase caaqqa woththidayssa.

ሜቴ ማጻፋ 48:4

Izi tana, ‹Ta nees yelo immana ne yelotakka darsana; tani nena daro dere histtana. Ha biittaa tani neeppe guye ne zereththas mernaas laata biitta histta immana› gides.

ሜቴ ማጻፋ 28:13

Yangarezas bolla xeeran GODAY eqqidi iza, «Tani GODAA ne aawa Abrahaame Xoossa, Yisaaqa Xoossa. Ha ne ichchida biittaa ta neessinne ne zereththas immana.

ሜቴ ማጻፋ 28:4

Abrahaame anjjida mala nenanne ne zereth Xoossi anjjo; hayssa Abrahaamey immida biittanne nekka imaththateththan de7ida biittaa nees immo» azazides.

ሜቴ ማጻፋ 24:7

GODAA salo Xoossay tana ta aawa sohoppenne ta yelettida biittaafe kessidayssi taas, ‹Ne zereththas tani hayssa biittaa immana› gi caaqqidayssi neni ta naas heeppe machcho demmana mala izi ba kiitanchcha neeppe sinththe kiittana.

ኢሳያሳ ቲንቢቴ 63:18

Guuththa wodes ne derey geeshshasohoza laattides; ha7i gidikko nu morkketi ne Keeththaa yedhdhida.

ዛሬ ማጻፋ 34:4

GODAY Muses, «Abraames, Yisaaqassinne Yaaqoobes, ‹Ta intte zereththata laatissana› ga caaqqida biittaya hannoko! Hekko neni ne ayfera be7ana mala ooththadis; gido attiin ne gelakka» gides.

ሜቴ ማጻፋ 18:18

Abrahaamey tumappe gitanne wolqqama kawoteth gidana; ha biitta asi wuri iza baggara anjjettana.

ሜቴ ማጻፋ 13:17

Dendada biitta bolla pudenne duge, yaanne ha yuuya xeella; gaasoykka tani hayssa biittaa nees immana» gides.

ሜቴ ማጻፋ 15:7

Qasseka GODAY iza, «Ne hayssa biittaa laattana mala ta nees immanaas Uure geetettiza Kaladaaweta katamappe nena kessa ehida GODAY tana diikkinaa?» gides.

ሜቴ ማጻፋ 28:14

Ne zereththay biitta ace mala darana; isttika oyddu bagga gakkana; biitta bollan diza asi wuri ne baggaranne ne zereththa baggara anjjettana.

ሜቴ ማጻፋ 50:24

Hessafe guye Yooseefey ba ishata, «Tani hayqqana gays; gido attiin Xoossi inttena maaddanaas tumu wochchana; izi inttena ha biittafe kessidi Abrahaames, Yisaaqassinne Yaaqoobes immana giidi caaqqida biittaa zaari efana» gides.

ኬሳ ማጻፋ 32:13

Ne aylleta Abrahaame, Yisaaqanne Yaaqoobe qoppa; neni isttas, ‹Tani intte zereth salo xoolintte mala darsana; tani inttes immana gida biittaa ubbaaka intte zereththatas immana; istti he biittaa mernaas laattana› gaada neni ne sunththan caaqqida qaalaa yuushsha qoppa» giidi gaannatides.

ዛሬ ማጻፋ 9:5

Intte istta biittaa laattana mala GODAA intte Xoossay isttas aaththi immizay intte xillonne suure ooththida gishshas gidenna; istti iitata gidida gishshassinne Xoossay kase intte aawatas Abrahaames, Yisaaqassinne Yaaqoobes immida hidota qaalaa naaganaas koyida gishshas istta shoddi gooddana.

1ታሪኬ ማጻፋ 16:18

«Kanaaney nees xinxxo gidana mala ta nena laatissana» gides.