ሜቴ ማጻፋ 13:10 - Geeshsha Maxaafa

¹⁰ Looxey yuuyi aadhdhi xeellidi Yordaanoose shoobbay biidi Zo7aare gakkanaas GODAA gannate woykko Gibxe biitta mala daro haaththi dizayssa be7ides. (Hessika GODAY Sodoomenne Gamoora geetettiza katamata dhayssanaappe kase.)

ጋሞ ማጻፋ

¹⁰ ሎጼይ ዩዪ ኣ ጼሊዲ ዮርዳኖሴ ሾባይ ቢዲ ዞኣሬ ጋካናስ ጎዳ ጋናቴ ዎይኮ ጊብጼ ቢታ ማላ ዳሮ ሃ ዲዛይሳ ቤኢዴስ። (ሄሲካ ጎዳይ ሶዶሜኔ ጋሞራ ጌቴቲዛ ካታማታ ይሳናፔ ካሴ።)

ሜቴ ማጻፋ 13:10 Referans Kwoze

ዛሬ ማጻፋ 34:3

Negebenne zambay diza Iyarkko shoobbafe biidi Zo7aare gakkanaas dizaso ubbaa bessides.

ኢሳያሳ ቲንቢቴ 51:3

«GODAY Xiyoono tumu minththeththana; izi laaleteththaa qadhetan xeellana; izi bazzo biittaza Edene mala, izi bazzo biittaza GODAA atakiltesoho mala ooththana; ishaloynne ufayssi, galataynne yeththa cenggurssi izin seetettana.

ሜቴ ማጻፋ 14:8

Hessafe simmiin, Sodoome kawoy, Gamoora kawoy, Adaama kawoy, Xaboyme kawoynne (Zo7aare geetettiza) Beela kawoy dendidi Siidime shoobban olas salfida.

ኢዩኤሌ ቲንቢቴ 2:3

He booleti ba sinththan beettidaazi ubbaa tama mala maana; tama laco mala xuuggana; buro istta gakkontta biittay Edene gannate mala cilila biitta shin istti gakki aadhdhida biittay aykkoy baynda bazzo biitta gidana; booleti mishin attida miishshika beettenna.

ሜቴ ማጻፋ 14:2

Sodoome kawo Beera7era, Gamoora kawo Birshara, Adaama kawo Shin7aabera, Xaboyme kawo Shemebeereynne (Zo7aare geetettiza) Beela kawora olettanaas bida.

ሂዚቄላ ቲንቢቴ 28:13

Neni Edenen, Xoossa atakilte giddon de7adasa; bonchcho shuchchazi issoy issoy nena alleqissides; isttika sardiyoone, tophaaziyoonenne almaaze, margide, iyasphidenne simpere, belure, birillenne al7o inqqu; ne may7otikka xolqiza inqqunne worqqa; hayti neni medhettida gallas oosettida.

1ካዎታ ማጻፋ 7:46

Kawo Solomooney Sukooteppenne Phartaaneppe giddon Yordaanoose dembaan de7iza xarqimala seerisizason hayta ubbaa oosisides.

ሂዚቄላ ቲንቢቴ 31:8

Xoossa gannaten diza zigatikka izara ginattana dandaybeettenna; xiiddatikka iza haggatara ginattettenna; wolatikka iza haggara ginattettenna; Xoossa gannaten diza ay miththika lo7eteththan iza gakkenna.

ኤርማሳ ቲንቢቴ 48:34

«Hasebooneppe biidi El7eelenne Yahaaxe gakkanaas, Zo7aareppe biidi Horonayme, Egilaate-Shalishiya gakkanaas istta waasoy keehi seetettees; Nimiriime haaththi melides.

ኢሳያሳ ቲንቢቴ 15:5

Ta wozinay Mo7aabe gishshas yeekkides; izippe goodettida asati Zo7aare gakkanaas, Egilaate-Shalishiya gakkanaas baqatida; istti afunth gussishe pude Luhite kezida; qasse Horonayme efiza ogera bishe bantti dhayanayssas waassida.

ዬ ማጻፋ 107:34

Heen de7iza asaa iitateththaa gaason aradda biittayo aykko dolisontta maxine biitta ooththides.

ሜቴ ማጻፋ 6:2

«Xoossa nayta» geetettiza medheteththati asa macca nayti medho lo7o gididayssa be7idi isttafe ba dooridayta machcho ekkida.

ሜቴ ማጻፋ 3:6

Maccassaya he miththaa ayfey maanaas mal7izayssa, xeellanaas lo7izayssa, qasse asi aadho erateth demmanaas amosizaaz gididayssa beyada he miththaa ayfeppe ekkada madus; qasse banara diza ba azinaaska hessafe immiin izikka mides.

ሜቴ ማጻፋ 11:27

Taara yeletay hayssafe kaallidi xaafettidayssa; Taaray Abraame, Naakoorenne Haaraane yeliin Haaraaney Looxe yelides.

ሜቴ ማጻፋ 13:9

Biittay wuri ne sinththan deennee? Ane nuni shaakettoos; neni hadirsa bagga biikko, tani ushachcha bagga baana; neni ushachcha bagga biikko tani hadirsa bagga baana» gides.

ሜቴ ማጻፋ 13:11

Hessa gishshas Looxey baas Yordaanoose shoobba ubbaa dooridi arshey mokkiza baggara bida gishshas istti ba garsan shaakettida.

ሜቴ ማጻፋ 47:6

Histtiin Gibxe derey ne kushen dees gidennee; ha biittan ubbaafe aadhdhidi lo7izason ne aawaanne ne ishata woththa; istti Geeseme biittan detto. Istta giddofe dumma erateththi dizayta ne erizaa gidikko heyta ta meheta bolla shuuma» gides.

ኢዮቤ ማጻፋ 40:23

Shaafa haaththa kixas izi dagammenna; Yordaanoose shaafay keehi kumidi goggiinkka izi yayyenna.

ሂዚቄላ ቲንቢቴ 16:46

Nees bayra michchiya neeppe pudeha baggara ba macca naytara diza Samaariya; nees kaalo michchiya neeppe dugeha baggara diza Sodoomo.

ሂዚቄላ ቲንቢቴ 16:49

Ne michchiya Sodooma ooththida nagaray hayssa: izanne izi macca nayti otoranchcha, kallidaytanne injje duus dizayta; istti manqotanne metotettidayta maaddi erettenna.

ሂዚቄላ ቲንቢቴ 31:9

Tani iza daro haggatara gaththa puulasa medhdhadis; Xoossa gannaten diza miththati ubbay iza amottana mala ooththadis› gees ga.

ሂዚቄላ ቲንቢቴ 47:18

«Arshe kessa bagga zaway Haxaare-Enaanappe dendidi, Damasqofenne Hawuraaneppe giddora kanththees. Hessafe qasse Isra7eeleppenne Gala7aadeppe giddon diza Yordaanoose shaafan zawatishe, Maxine abba kanththi biidi Taamaare katama gakkees.