ጋላቲያ ኣሳስ 4:8 - Geeshsha Maxaafa

⁸ Intte Xoos eranaappe kase Xoos gidontta eeqatas aylleta.

ጋሞ ማጻፋ

⁸ ኢንቴ ጾስ ኤራናፔ ካሴ ጾስ ጊዶንታ ኤቃታስ ኣይሌታ።

Gamo Geesha Maxxafa New Testamen

⁸ Inte Xoosu eranape kasse Xoosu gidonta eqatas aylista.

ጋላቲያ ኣሳስ 4:8 Referans Kwoze

1ቆሮንቶሴ ኣሳስ 8:4

Hessa gishshas eeqas yarshettida asho muussa gishshas ta inttes gizay hayssa alamezan eeqay hada gididayssanne issi Xoossaafe attiin hara Xoossi bayndayssa nu eroos.

2ታሶሎንቄ ኣሳስ 1:8

He wode Xoos erontta asatanne Godaa Yesus Kirstoosa Mishiraachcho qaalaas azazettontta asata bolla izi ba halo kessana.

1ታሶሎንቄ ኣሳስ 4:5

Hessika Xoos ammanontta Ayzaabeta mala layma qaaqqateththan gidoppo.

1ታሶሎንቄ ኣሳስ 1:9

Intte nuna wostti mokki ekkidaakkonne de7on diza tumu Xoossaas ooththanaas intte eeqatappe Xoossaako waani simmidaakko asay intte gishshas haasayees.

1ጴጽሮሳ ኪታ 4:3

Hinko Xoos erontta asay ooththizayssa mala intte coo mela yeda duussan asho amon, maththon, ogey baynda kaassan, wogappe aaththi uyidi durussaninne harassiza eeqa goynon kase intte aaththida wodezi inttes gidana.

1ቆሮንቶሴ ኣሳስ 1:21

Xoossa erateththafe dendidayssan alamey ba erateththan Xoos eroy xooniin sabbako eeyateththan ammanizayta ashshanaas Xoossa shene gidides.

ኢሳያሳ ቲንቢቴ 37:19

Istta xoossata taman xuuggida; istta xoossati wonikka miththafenne shuchchafe asa kushen masetti kezida misleppe attiin xoossata gidettenna.

2ታሪኬ ማጻፋ 13:9

Aaroone zare gididi GODAAS ooththiza qeesetanne Leweta intte yedeththideta. Histtidi hara biitta asay ooththiza mala inttes hara qeeseta sunththideta. Bana dummasanaas issi korma booranne laappun dharsho ekkidi yiza ooninne wordo xoossatas qeese gidana mala sunththeeta.

ኤፌሶኔ ኣሳስ 4:18

Istta wozinay muumida gishshassinne yuushshi qoppontta gishshas istta wozina ayfey qooqides; istti Xoossa de7oppe shaakettida.

1ቆሮንቶሴ ኣሳስ 12:2

Intte ammananaappe kase coo mela yaanne haa guussan intte erontta kaallidi doona duude gidida eeqatakko bidayssa intteka ereeta.

ኤርማሳ ቲንቢቴ 10:25

Yaaqoobe mulera mi mittidayta bollanne ne sunththaa xeygontta asata bolla guussa. Iza duussasokka kayzisida gishshas neni ne hanqoza nena erontta dereta bollanne ne sunth xeygontta kawoteththata bolla gussa.

ኢያሶ ማጻፋ 24:15

GODAAS goynoy koshshontta miish misati inttes beettiko kase intte aawati shaafappe he pinththan dishe goynnida eeqa xoossata woykko ha7i intte diza Amooreti goynniza xoossata goynnana gidikko intte goynnanayssa hach doorite; taninne ta keeththa asay gidikko GODAAS goynnana» gides.

ኢያሶ ማጻፋ 24:2

Iyaasoy deraa ubbaas, «GODAA Isra7eele Xoossay, ‹Kase intte aawati Abrahaamenne Naakoore aawa Taara gujjidi Efiraaxise shaafappe he pinththan de7ida; istti hara eeqa xoossatas goynnida.

ኬሳ ማጻፋ 5:2

Histtiin kawozi, «Tani izas azazettada Isra7eele yeddanaas he GODAY izi oonee? Tani Godaa erikke; Isra7eelekka yeddike» gides.

1ዮሃኒሳ ኪታ 3:1

Nuni Xoossa nayta geetettana mala Aaway darssi siiqida iza siiqoy nuus ay mala gitakkonne ane be7ite! Tumukka nu iza nayta; alamey nuna erontta aggiday iza erontta aggida gishshassa.

ኦሮሜ ኣሳስ 1:28

Qasseka istti ba qofara Xoos eroy nuna maaddenna gida gishshas istti ooththanaas bessonttayssa ooththana mala Xoossi istta go7ontta qofas aaththi immides.

ሃዋሬታ ኦሶ 17:23

Ta yaanne haa yuuyishin intte isttas goynniza miishshata ta xeellishin, ‹Erettontta Xoos› geetetti xaafettidayssa issi yarshosoho demmadis; hessa gishshas hessa intte erontta goynnizayssa ta inttena erisana.

ሃዋሬታ ኦሶ 14:12

Barnabaasa, «Diya» gida Phawuloosakka haasayza waannay iza gidida gishshas, «Hermeene» gida.

ዮሃኒሳ ሚሺራቾ 1:10

Qaalaykka kase alamen dees; alameykka medhettiday izanna. Gido attiin alamey iza eribeenna.

ኤርማሳ ቲንቢቴ 2:11

Istti tumu xoossata gidontta aggikokka ba eeqa xoossata laammida kawoteththi dizee? Ta derey gidikko isttas bonchcho gididayssa hada gidida eeqa xoossatan laammides» gees.

ኦሮሜ ኣሳስ 1:23

Mernaa Xoossa bonchcho hayqqiza asaninne kafotan; mehetaninne biitta bolla gooshettiza medheteththatan misatissidi laammida.

ኤርማሳ ቲንቢቴ 5:7

GODAY, «Tani intte nagara ays atto goo? Intte nayti tana aggida; eeqa xoossatankka caaqqida; Tani istta kalssa mizadis; istti gidikko laymatidanne layma keeth bida.

ኤርማሳ ቲንቢቴ 16:20

Asi baas xoos medhdhanaas dandayzee? Ee dandayanashin istti medhdhizayti tumu xoos gidettenna!» gaana.

ጋላቲያ ኣሳስ 4:3

Nunikka kase Ayana yo7os guuththa naa mala diza wode hayssa ha alameza wogaa garsan haaretti de7idos.