ጋላቲያ ኣሳስ 2:12 - Geeshsha Maxaafa

¹² Issi issi asati Yaaqoobe achchafe yaanaappe kase Phexroosi Ayzaabetara issife kath mizayssa aggidi asati yidaappe guye qaxxarettida asatas babbidi Ayzaabetappe shaaketti guye guye guus oykkides.

ጋሞ ማጻፋ

¹² ኢሲ ኢሲ ኣሳቲ ያቆቤ ኣቻፌ ያናፔ ካሴ ጴጽሮሲ ኣይዛቤታራ ኢሲፌ ካ ሚዛይሳ ኣጊዲ ኣሳቲ ዪዳፔ ጉዬ ቃጻሬቲዳ ኣሳታስ ባቢዲ ኣይዛቤታፔ ሻኬቲ ጉዬ ጉዬ ጉስ ኦይኪዴስ።

Gamo Geesha Maxxafa New Testamen

¹² Isi isi asati Yaqobe achafe yanape kase Phixirossay amanonta deretara isipe kaththa miizaysa asati ydape guye qaxaretida asatas babidi amanonta dere asape shaketida guye guye ooykides.

ጋላቲያ ኣሳስ 2:12 Referans Kwoze

ሃዋሬታ ኦሶ 10:28

Izikka isttas, «Ayhuda asi hara dere asara gaaggontta mala woykko hara dere as gididayta mata shiiqontta mala nu wogay diggizayssa intte ereeta; gido attiin ta oonakka tuna woykko izi geesh deenna gontta mala Xoossi taas qonccisides.

ሉቃሳ ሚሺራቾ 15:2

Farsaawetinne Xaafeti, «Hayssi addezi nagaranchchata ixxenna; isttarakka mees» giidi ba giddon zuuzumettida.

ኤፌሶኔ ኣሳስ 3:6

Hessi he xuuray Ayzaabeti Mishiraachcho qaalaa baggara Isra7eele naytara issife laattizayta; issife issaade asateththa mala gididi Yesus Kirstoosa baggara beettida hidota issife gishetti laattizayta gidanaassa.

ጋላቲያ ኣሳስ 2:9

Waannati Yaaqoobey, Phexroosinne Yohannisikka taas imettida Xoossa imotaa akeekidi taassinne Barnabaasas ba ushachcha kushe immida; hessafe guye nuni Ayzaabetas istti qasse Ayhudatas qaala yootanaas qaalaa ero gi ekkida.

1ታሶሎንቄ ኣሳስ 5:22

Iita gidida ay miishshafekka haakkite.

ኤፌሶኔ ኣሳስ 2:15

Wogaa, woga azazora gaththi issife ba ashon shaarides; izi hessa ooththida gaasoykka izas waanna qofay nam7atappe issi ooraththa as ba baggara medhdhidi saroteth ehanaassa.

ኢሳያሳ ቲንቢቴ 65:5

Istti, ‹Ta geesh gidida gishshas kichcha; ta mata yooppa; taakko shiiqoppa› gizayta. Hayssa mala derey ta siidhen cuwa malanne gallas kumeth eexxiza tama mala.

ኢሳያሳ ቲንቢቴ 57:11

«Neni taas wordotiday, oonas yayyadaa? Oonas hirgadaa? Ne tana qoppontta aggiday, hayssaka ne wozinan qum7ontta aggiday, taas ne yayyontta ixxiday, tani co7u gida gishshas gidennee?

ሌሚሶ ማጻፋ 29:25

Asas yayyizayssi izaades woximade gidees; gido attiin GODAAN ammanettiza asi saron de7ees.

ሃዋሬታ ኦሶ 12:17

Izikka istti co7u gaana mala ba kushen malati bessidi Goday iza qashosoppe wostti kessidaakko lo7eththi yootides. «Hayssa wursi Yaaqoobessinne hankko ammanizaytas yootite» gides. Hessafekka haraso bides.

ጋላቲያ ኣሳስ 2:14

Istta oosoy Mishiraachcho qaalaa tuman gidonttayssa ta erada kumeththa asaa achchan Phexroosa, «Ne Ayhuda as shin Ayzaabeta wogan attiin Ayhudata wogan dabeekka; histtiin Ayzaabeti Ayhudata woga kaallana mala aazas wolqqaththay?» gadis.

ሉቃሳ ሚሺራቾ 5:38

Hessa gishshas ooraththa woyne cajjey ooraththa ogoron gujettanaas bessees.