ሂዚቄላ ቲንቢቴ 4:3 - Geeshsha Maxaafa

³ Qasse birata bashe ekkada neeppenne katamaappe giddon birata gimbe mala essa. Ne sinththaa izikko zaarada dereqa; iza doodettidaaro gidana; nekka izo dooddana. Hessika Isra7eele asaas malata gidana.

ጋሞ ማጻፋ

³ ቃሴ ቢራታ ባሼ ኤካዳ ኔፔኔ ካታማፔ ጊዶን ቢራታ ጊምቤ ማላ ኤሳ። ኔ ሲን ኢዚኮ ዛራዳ ዴሬቃ፤ ኢዛ ዶዴቲዳሮ ጊዳና፤ ኔካ ኢዞ ዶዳና። ሄሲካ ኢስራኤሌ ኣሳስ ማላታ ጊዳና።

ሂዚቄላ ቲንቢቴ 4:3 Referans Kwoze

ሂዚቄላ ቲንቢቴ 12:6

Neni kessida miishshaa istti xeellishin gadey dhumishin ne hashen tookkada keza. Ta nena Isra7eele keeththas malata ooththida gishshas gade be7ontta mala ne sinththa kamma» gides.

ኢሳያሳ ቲንቢቴ 20:3

Hessafe GODAY, «Ta aylle Isayaasi Gibxe bollanne Tophphiya bolla gakkanayssas malata gidana mala heedzdzu layth may7o may7onttanne caamma aaththontta de7ida mala,

ኢሳያሳ ቲንቢቴ 8:18

Tananne taas GODAY immida nayta be7ite. Nuni Xiyoone zuman diza Ubbaafe Wolqqama GODAAPPE Isra7eeles malatanne markka.

ሂዚቄላ ቲንቢቴ 12:11

Neni isttas, « ‹Tani inttes malata; tani ooththida mala hessaththo istta bollaka hanana; istti di7ettidi hara biitta baana› ga.

Ibirawe 2:4

Xoossi qasseka malaatata, malalisiza miishshata, dumma dumma malaatata oosoninne ba shene mala immida Xillo Ayana imotata baggara istta markkateththaa minththides.

ሉቃሳ ሚሺራቾ 2:34

Simoonikka istta anjjides; Maaramokka, «Daro asa wozina qofay qonccana mala hayssi Isra7eelen diza darotas dhayossinne atoteththassa; Iza ixxizaytas qasse malata gidana mala doorettides.

ኤርማሳ ቲንቢቴ 39:1

Sedeqiyaasi Yuhudan kawotida uddufunththo layththan, tammanththa aginan, Baabiloone kawo Nabukadanaxooreynne iza olanchchati ubbay yiidi Yerusalaame worajji giddoththi oykkida.

ሌዌታ ማጻፋ 2:5

«Yarshozi tama coocen kompettidaaz gidikko irshoy bochchontta wogara miththa zaytey gujettidi liiqo dhiillefe giigettidaaz gido.

ኤርማሳ ቲንቢቴ 39:2

Sedeqiyaasi kawotida tammanne issinththa layththan, oydanththo aginan, uddufunththa gallassan Baabiloone olanchchati katamay gimbe menththida.

ሂዚቄላ ቲንቢቴ 5:2

Ne dooddiza wodey wurshin neni shaakkida binanaas issi kusheza Yerusalaame katama misle giddon xuugga; nam7anththo kusheza katamay yuushon giththa mashshan qanxxereththa yegga; attida heedzdzanththo kusheza carko bolla laalla; tani istta mashshan yedereththana.

ዳኔላ ቲንቢቴ 11:17

«Pudeha bagga kawoy ba olanchchata kumeth shiishshi olas worajjanaas qoppana; hankko baas morkke gidida dugeha bagga kawora sigettidi caaqettana; he kawoza kundisanaas ba nayo izas machcho histti immana; gido attiin iza qofay polettenna.

ኢሳያሳ ቲንቢቴ 22:7

Lo7o zulleti para-gaaretan kumida; toga asati katamay pengen eqqida.