ሂዚቄላ ቲንቢቴ 26:16 - Geeshsha Maxaafa

¹⁶ Abba gaxan diza halaqati ubbay bantta kawoteththa araataappe wodhdhana. Bantta seelo may7o yeggana; bantta xibabe may7oza qaari yeggana. Babon kumidi biitta bolla utti kokkorishe ne bolla gakkida hanoza gaason istti shirotana› gees.

ጋሞ ማጻፋ

¹⁶ ኣባ ጋጻን ዲዛ ሃላቃቲ ኡባይ ባንታ ካዎቴ ኣራታፔ ዎና። ባንታ ሴሎ ማይኦ ዬጋና፤ ባንታ ጺባቤ ማይኦዛ ቃሪ ዬጋና። ባቦን ኩሚዲ ቢታ ቦላ ኡቲ ኮኮሪሼ ኔ ቦላ ጋኪዳ ሃኖዛ ጋሶን ኢስቲ ሺሮታና› ጌስ።

ሂዚቄላ ቲንቢቴ 26:16 Referans Kwoze

ሂዚቄላ ቲንቢቴ 32:10

Daro asay ne bolla gakkida meton dagammana mala ta ooththana; tani ta mashshaa istta sinththan shodda seessishin ne bolla gakkida hanoza gaason istta kawoti dagaman nozhzhu gaana; neni kundiza gallas issoy issoy ba shemppos yashshan ayfe qiphon kokkorana.

ዮናሳ ቲንቢቴ 3:6

Yo7ozi Nannawe kawookko gakkiin izi ba kawoteththaa araataappe wodhdhidi kawoteththaa may7o may7idayssa qaaridi maaqa may7idi bidinththan uttides.

ሆሴኤ ቲንቢቴ 11:10

«Tani GODAY istta ashshanaas xaaggiza gaammo mala tani ta qaala sissishin istti tana kaallana; ta nayti kokkorishe arshey mokkiza baggafe yaana.

ኢዮቤ ማጻፋ 8:22

Nena ixxiza asati gidikko yeella may7ana; iita asata keeththika dhayana.»

1ጴጽሮሳ ኪታ 5:5

Hessaththoka intteno naateththatoo! Intte cimatas azazettite; intte wurikka ashketeth afala mala may7idi issoy issaas ooththite. «Xoossi otorizayta ixxees; ashketas qasse ba kiyateth immees» geetetti kase Geeshsha Maxaafan xaafettides.

ኢሳያሳ ቲንቢቴ 3:26

Xiyoone pengeti kallo gaden wodhdha uttada yeekkiza maccassa mala yeekkananne zilalana.

ዬ ማጻፋ 35:26

Ta waayen ufayettizayti ubbay yeellatettonne kawuyetto; ta bollan otorettizayti yeellanne kawushshateth may7etto.

ዳኔላ ቲንቢቴ 5:6

He wode kawozi keehi dagammides; iza ayfesoy laamettides; iza kushetinne tohoti doccida; iza gaadey kokkorides.

ሂዚቄላ ቲንቢቴ 7:8

Ha7i matan tani ta hanqoza intte bolla gussana; tani ta hanqo intte bolla polana; intte hanota mala ta intte bolla pirdana; harassiza eeqa xoossatas intte goynniza gishshas ta inttes bessiza qixaate immana.

ኤርማሳ ዚላስ 2:10

Xiyoone dere cimati biitta bolla co7u gi uttida; istti ba hu7en gudulla laallida; maaqaka may7ida; Yerusalaame geela7oti duge biitta xeellida.

ኢሳያሳ ቲንቢቴ 52:2

Hanne Yerusalaame, denda; gudullaa pitta; ne araatan utta. Di7ettida Xiyoone nayee, ne qoodhen qashettida sansalata kessa yegga.

ኢሳያሳ ቲንቢቴ 47:1

GODAY, «Hanne Baabiloone geela7oyee, gudulla bolla wodhdha utta; hanne Baabilooneta nayee, ne araataappe wodhdha; biittan utta; hayssafe guye neni mala lo7onne dalqidalqa geetetta xeygettaka.

ዬ ማጻፋ 132:18

Tani iza morkketa yeellachchana; gido attiin iza hu7aan de7iza kawoteththa kallachchay phoollana» gides.

ዬ ማጻፋ 109:29

Tana mootizayti kawushshateth may7etto; bantta yeellaaka kuta mala quma7etto.

ዬ ማጻፋ 109:18

Qanggeth may7o mala may7ides; haaththa mala izas bollan gelides; zayte malakka meqeththa giddo gelides.

ኬሳ ማጻፋ 15:15

He wode Eedoome biitta halaqati dagammida. Mo7aabe biitta haarizayti hirgan kokkorida. Kanaane dere asay wuri seerides.

ዮሃኒሳ ኣጁታ 18:9

Izira laymatishe ishalo duus de7ida ha biittaa kawoti iza xuugettishin cuwattiza cuwa be7idi izi gishshas waassidi yeekkana.

ኢሳያሳ ቲንቢቴ 41:5

Haruroti be7idi yayyida; sa7a gaxatikka kokkorida; issi bolla shiiqidi sinth yida.

ኤርማሳ ቲንቢቴ 48:39

«Mo7aabey ay meqo meqqidee! Asay ay yeeho yeekkizee! Mo7aabey ay mala yeellatidi zokko zaaridee! Mo7aabey ba heeran diza asa ubbaas cashshassinne shabarsas malata gidides» gees GODAY.

ሂዚቄላ ቲንቢቴ 7:27

Kawoy yeekkana; halaqay hidota qanxxana; he biitta asaa kushey babon kokkorana. Tani istta ooso mala isttas immana; istti harata bolla pirdida mala tani istta bolla pirdana. Tani GODAA gididayssa istti he wode erana› gees» gishe yides.

ሂዚቄላ ቲንቢቴ 16:10

Tani nena xibabe qamisa mayzada galbafe oosettida lo7o caammaka aaththisadis; lo7o laynoppe oosettida goosse nena goozisadis; qasse seelo kutakka qumayssadis.

ሂዚቄላ ቲንቢቴ 26:21

Tani ne wurseththaa miichchizaaz ooththana; hessafe guye ne de7akka; ne koyettanashin beettaka; gido attiin neni nam7anththo mulekka beettaka› gees» gides.

ሂዚቄላ ቲንቢቴ 28:17

Ne puulateththaa gaason, ne wozinay otorettides; ne bonchcho gitateththaafe dendidayssan, ne aadho erateththaa tunisadasa; hessa gishshas tani nena duge biittan oladis; hara kawota seeranaas malata ooththadis.

ሃጌ ቲንቢቴ 2:22

Kawota ta istta araataappe diggana; allaga kawotas diza wolqqa ta dhayssana; para-gaaretanne istta toganchchata ta shira yeggana; paratinne para toggizayti issoy issaara bantta giddon hayqettana.

ሂዚቄላ ቲንቢቴ 31:15

«Ubbaa Haariza GODAY, izi duge duufon gelida gallas ciimma pulttota iza gishshas kayon kammadis; shaafata teqqadis; goggiza haaththatikka eqqida; ta iza gaason Libaanoose dhuma mayzadis; wora miththati ubbay melida.