ኬሳ ማጻፋ 9:29 - Geeshsha Maxaafa

²⁹ Museykka izas, «Tani ha katamaappe keza baada woossanaas ta kushe GODAAKKO miccana; histtiko daday aggana; qasse shachchayka bukkenna; hessankka biittay GODAAS gididayssa neni erana.

ጋሞ ማጻፋ

²⁹ ሙሴይካ ኢዛስ፥ «ታኒ ሃ ካታማፔ ኬዛ ባዳ ዎሳናስ ታ ኩሼ ጎዳኮ ሚጫና፤ ሂስቲኮ ዳዳይ ኣጋና፤ ቃሴ ሻቻይካ ቡኬና፤ ሄሳንካ ቢታይ ጎዳስ ጊዲዳይሳ ኔኒ ኤራና።

ኬሳ ማጻፋ 9:29 Referans Kwoze

1ቆሮንቶሴ ኣሳስ 10:26

Biittaynne biitta bolla dizay wurikka Godayssa.

ኢሳያሳ ቲንቢቴ 1:15

Intte intte kushe woosas taakko micciko tani ta ayfe inttefe haraso zaarana; intte kushen suuththi kumida gishshas intte keehi woossikokka ta intte woosa siyikke.

ዬ ማጻፋ 143:6

Tani ta kusheza neekko miccays; mela biittay haath koyza mala ta shemppoya nena saamettadus.

1ካዎታ ማጻፋ 8:38

Ne dere Isra7eeleppe oonikka ba wozinan un7ettidayssa eridi ba kusheta haa Xoossa Keeththaako miccidi shoobbi woossiko,

1ካዎታ ማጻፋ 8:22

Hessafe guye Solomooney GODAAS yarsho yarshizaso sinththan kumeththa Isra7eele deraa duulatay dizason eqqidi ba kushe pude salo denththides;

ዛሬ ማጻፋ 10:14

Saloynne saloppe bollan diza saloti, biittaynne biitta bolla diza ubbay GODAASSA.

1ቆሮንቶሴ ኣሳስ 10:28

Gido attiin issaadey, «Hayssi eeqas yarshettida kaththa» giikko he kaththaa he addeza qofaa gishshassinne inttena sidhiskko moopite.

ዬ ማጻፋ 135:6

Saloninne sa7an, abbataninne ciimmata ubbaa giddonkka GODAY ba dosidayssa ubbaa ooththees.

ዬ ማጻፋ 50:12

Salo gufanththon diza ubbay taassa; hessa gishshas ta gafikkoka nees yootikke.

ኢዮቤ ማጻፋ 11:13

Gidikkoka neni ne wozina suurisikko, ne kusheza miccada pude Xoossako woossiko,

ኢዝራ ማጻፋ 9:5

Hessafe guye omarsa wode yarshoy shiiqiza wode daakettida ta may7oza may7ida mala muuzottashe gulbatada GODAA ta Xoossako ta kushe pude denththada hizga woossadis;

ኬሳ ማጻፋ 19:5

Histtiin ha7i intte taas kumeth azazettiko, intte ta caaqo qaalaa naagikko, kumeththa deraa garsan intte taas buzo dere gidana. Biittay wuri taas gidikkoka,

ኬሳ ማጻፋ 9:33

Hessafe guye Musey kawoza achchafe dendidi katamappe gaxa kezidi ba kushe GODAAKKO miccides; histtiin dadaynne shachchay eqqides; iraykka biitta bolla bukkizayssa aggides.

ኬሳ ማጻፋ 8:22

Gido attiin tani GODAY ha biittan dizayssa neni erana mala he gallas ta asay diza Geeseme biittan boxey gakkontta mala tani teqqada istta biittaa naagana.

ኬሳ ማጻፋ 20:11

Ays giikko usuppun gallassan GODAY salo, sa7a, abbanne istta giddon diza ubbaa medhdhidi laappunththa gallas shempides. Hessa gishshas GODAY Sambata gallassaa anjjidessinne dummasides.

ኬሳ ማጻፋ 8:6

Histtiin Aarooney Gibxe haaththata bolla ba kushe piddisiin ooqqarsi kezidi Gibxe biitta may7ides.