ኬሳ ማጻፋ 8:32 - Geeshsha Maxaafa

³² Gido attiin ha7ikka kawaa wozinay minnida gishshas izi asaa yeddontta ixxides.

ጋሞ ማጻፋ

³² ጊዶ ኣቲን ሃኢካ ካዋ ዎዚናይ ሚኒዳ ጊሻስ ኢዚ ኣሳ ዬዶንታ ኢጺዴስ።

ኬሳ ማጻፋ 8:32 Referans Kwoze

ኬሳ ማጻፋ 8:15

Gido attiin kawozi guuththa peeqa demmida wode ba wozina minththides; GODAY yootida malakka izi Museynne Aarooney yootida yo7oza siyontta ixxides.

ኬሳ ማጻፋ 4:21

GODAY Muse, «Neni Gibxe simmada biza wode tani nees immida wolqqan neni ooththana malaatata ubbaa Gibxe kawo Paaroone sinththan neni ooththanayssa baloppa. Histtiinkka izi asaa yeddontta mala tani iza wozina muumisana.

ኦሮሜ ኣሳስ 2:5

Gido attiin neni ne wozina muumeteththaninne maaroteth koyontta ne wozina gaason Xoossaa tuma pirday qoncciza wode Xoossa hanqo gallassas ne bolla daro hanqo shiishshaasa.

ኢሳያሳ ቲንቢቴ 63:17

Abeet GODAWU, nuni ne ogeppe kezana mala, nu wozina tullisada nees yayyontta mala ays ooththay? Ne aylleta gishshas gaada, nees xinxxo gidida qommota gishshas gaada nuukko simma.

ኬሳ ማጻፋ 8:8

Kawozi Musenne Aaroone xeygisidi, «Hayssa ooqqarsaa taappenne ta asaa bollafe diggana mala GODAA intte woossite; histtiko GODAAS yarshana mala tani asaa yeddana» gides.

ኬሳ ማጻፋ 8:31

Musey oychchida mala GODAY ooththides; boxey kawozappe, daannatappenne iza asaappe issinokka attontta kichchides.

ኬሳ ማጻፋ 9:7

Kawozi ha yo7oza paaccanaas as kiittidi Isra7eele nayta meheppe, haray attoshin pexi issinakka hayqqonttayssa erides. Gidikkoka kawoza wozinay minnidasoppe simmontta ixxida gishshas asaa yeddontta ixxides.

1ሳሜላ ማጻፋ 6:6

Intte Gibxe dere malanne Gibxe kawo mala intte wozina ays shuchchaseetii? Istti Isra7eele asaa yeddiday Xoossay istta bolla wolqqama hanqo gaththiin gidennee?