ኬሳ ማጻፋ 8:15 - Geeshsha Maxaafa

¹⁵ Gido attiin kawozi guuththa peeqa demmida wode ba wozina minththides; GODAY yootida malakka izi Museynne Aarooney yootida yo7oza siyontta ixxides.

ጋሞ ማጻፋ

¹⁵ ጊዶ ኣቲን ካዎዚ ጉ ፔቃ ዴሚዳ ዎዴ ባ ዎዚና ሚንዴስ፤ ጎዳይ ዮቲዳ ማላካ ኢዚ ሙሴይኔ ኣሮኔይ ዮቲዳ ዮኦዛ ሲዮንታ ኢጺዴስ።

ኬሳ ማጻፋ 8:15 Referans Kwoze

ኢሳያሳ ቲንቢቴ 26:10

Iita asatas kiya ooththikokka, istti xilloteth tamaarettenna. Suure biittan iita ooththeettes; GODAA gitateththaaka akeekettenna.

Ibirawe 3:15

Hessika, «Intte hach iza qaalaa siyikko kase makkallidaytayssa mala ha7ikka intte wozina intte minththontta mala» geetetti Geeshsha Maxaafan xaafettidayssaththo hanides.

Ibirawe 3:8

bazzo biittan intte tana paaccida wode makkallidayssaththo intte wozina muumisopite.

ኤራንቻታ ማጻፋ 8:11

Iita ooththida asa bolla eeson pirdontta aggiko asa wozinay iita ooththana halchchon kumees.

ኬሳ ማጻፋ 7:4

izi intte yootizayssa siyenna. He wode tani ta kushe Gibxe asaa bolla denththana; tani ta dereta Isra7eele nayta wolqqama pirdan Gibxeppe kessana.

ኬሳ ማጻፋ 14:5

Asay kessi ekki bidayssa Gibxe kawos yootiin, izikka daannata Isra7eele nayta gishshas qoppida ba qofaa laammidi, «Nuni hayssaththo aazas ooththidonii? Nuni Isra7eele nayta yeddidi istti nuus ooththiza wolqqafe mela attidos» gida.

ኬሳ ማጻፋ 4:21

GODAY Muse, «Neni Gibxe simmada biza wode tani nees immida wolqqan neni ooththana malaatata ubbaa Gibxe kawo Paaroone sinththan neni ooththanayssa baloppa. Histtiinkka izi asaa yeddontta mala tani iza wozina muumisana.

ዮሃኒሳ ኣጁታ 16:9

Asaykka wolqqama seelan xuugettides; he boshata bolla sheney izas diza Xoossaa sunth asay cayides attiin maaroteththan gelibeennanne izakka bonchchibeenna.

ሆሴኤ ቲንቢቴ 6:4

GODAY, «Efreeme asatoo! Yuhuda asatoo! Ta inttena wosttiko lo7oo? Intte tana siiqiza siiqoy maalado shaara malanne maalado xaaza mala coo tim7i gi eeson dhayees.

ሌሚሶ ማጻፋ 29:1

Daro wode seeriin ixxidi ba morge zoodisida asi hassa7ontta meqqana; hessaades paxeteththika deenna.

ኬሳ ማጻፋ 8:8

Kawozi Musenne Aaroone xeygisidi, «Hayssa ooqqarsaa taappenne ta asaa bollafe diggana mala GODAA intte woossite; histtiko GODAAS yarshana mala tani asaa yeddana» gides.

ኬሳ ማጻፋ 8:14

Gibxe asay ooqqarsaa shiishshi shiishshidi korides; biittayka xinqqon zeeqqides.

ኬሳ ማጻፋ 8:16

Hessafe guye GODAY Muse, «Neni Aaroones, ‹Ne guufezara, biitta gudulla shoca› ga; izi shocikko Gibxe biitta ubbaan gudullay cuuch gidana» gides.

ኬሳ ማጻፋ 8:28

Histtiin kawozi, «GODAA intte Xoossaas intte bazzo biidi yarshana mala tani inttena yeddana shin intte haakki boopite; ha7i taas woossite» gides.

ኬሳ ማጻፋ 8:29

Musey, «Tani ne achchafe kezida mala GODAA woossana; ha wolqqama boxey wonto kawozappe, daannatappenne iza asaappe kichchana. Gido attiin GODAAS yarshanaas asaa yeddontta ixxanaas kawoy nuna zaari cimmontta mala qoppo» gides.

ኬሳ ማጻፋ 8:32

Gido attiin ha7ikka kawaa wozinay minnida gishshas izi asaa yeddontta ixxides.

1ሳሜላ ማጻፋ 6:6

Intte Gibxe dere malanne Gibxe kawo mala intte wozina ays shuchchaseetii? Istti Isra7eele asaa yeddiday Xoossay istta bolla wolqqama hanqo gaththiin gidennee?

ሌሚሶ ማጻፋ 26:11

Kanay ba cooshshi simmi laacciza mala, eeyay ba eeyateththa ooso zaari zaari yeggees.

1ሳሜላ ማጻፋ 6:3

Isttika, «Isra7eele Xoossa Caaqo Qaala Taabotaa intte zaarizaa gidikko qohos shiiqiza yarshora issi bolla gaththi yeddite attiin coo mela yeddofte; he wode intte paxana; iza kushey intte bolla ays deexxidaakko intte erana» gida.

1ሳሜላ ማጻፋ 6:9

Gido attiin izi awa baanaakko xeellite; izi Beeti-Shemishe baggara kase ba yida dere bizaa gidikko, hayssa wolqqama metoza nu bolla gaththiday GODAA. Izi hee bontta aggiko metozi nu bolla dingate gakkides attiin iza kushey nuna shoconttayssa nu erana» gida.

1ሳሜላ ማጻፋ 6:12

Hessafe guye miizati oge oykki bishe himbaa! Himbaa! gishe sitti giidi Beeti-Shemishe gakkanaas bida; Filisxeeme dere ayssizaytikka Beeti-Shemishe zawa gakkanaas kaalli bida.