ኬሳ ማጻፋ 7:4 - Geeshsha Maxaafa

⁴ izi intte yootizayssa siyenna. He wode tani ta kushe Gibxe asaa bolla denththana; tani ta dereta Isra7eele nayta wolqqama pirdan Gibxeppe kessana.

ጋሞ ማጻፋ

⁴ ኢዚ ኢንቴ ዮቲዛይሳ ሲዬና። ሄ ዎዴ ታኒ ታ ኩሼ ጊብጼ ኣሳ ቦላ ዴንና፤ ታኒ ታ ዴሬታ ኢስራኤሌ ናይታ ዎልቃማ ፒርዳን ጊብጼፔ ኬሳና።

ኬሳ ማጻፋ 7:4 Referans Kwoze

ኬሳ ማጻፋ 11:9

GODAY Muses, «Ta malalisiza miish Gibxe biittan gujja gujja ooththana mala kawoy intte yootizayssa siyenna» gi kase yooti woththides.

ኬሳ ማጻፋ 6:6

«Hessa gishshas neni Isra7eele naytas, ‹Tani GODAA; tani inttena Gibxe asaa qohoppe kessana; tani inttena istta aylleteththafekka goochcha kessana; qasse tani inttena ta gita wolqqaninne dumma dumma pirdan wozzana.

ኬሳ ማጻፋ 12:51

He gallassankka GODAY Isra7eele nayta istta cugan cugan Gibxe biittafe kessides.

ዮሃኒሳ ኣጁታ 19:2

Iza pirday tumanne adda; iza biittaa ba laymateththan tunisida wogga gita laymayo izi ba pirdan qaxxaydes; izo qaxxaydi ba oosanchchata suuththaa halo kessides» gishin ta siyadis.

ዮሃኒሳ ኣጁታ 16:7

Yarsho yarshizasozappe, «Ee wursa dandayza Godaa Xoossoo! Ne pirdati wurikka tumanne likke» giza qaala siyadis.

ዮሃኒሳ ኣጁታ 15:4

Godoo, nees babbontta asinne ne sunth bonchchontta asi oonee? Neni nerkka geeshsha; ne tumaa pirday qonccida gishshas dereti wuri yiidi ne sinththan nees goynnana» gi yexxida.

ሂዚቄላ ቲንቢቴ 30:19

Hessa gishshas ta Gibxe bolla ta qixaate ehana; isttika tani GODAA gididayssa he wode erana» gides.

ሂዚቄላ ቲንቢቴ 30:14

Tani Phaxiroose biitta bula histtana; Xaanoose bolla tama yeddana; Teebeese bolla qixaate yeggana.

ሂዚቄላ ቲንቢቴ 25:11

Tani Mo7aabe qaxxayana; tani GODAA gididayssa istti he wode erana› gees.

ሂዚቄላ ቲንቢቴ 14:21

«Ubbaa Haariza GODAY: tani asaanne mehe wodhanaas Yerusalaame bolla ta oyddu pirdata, mashsha, kosha, wora do7atanne iita harge yeddiza wode izi ay keena aadho iita miish gidandee!

ኤርማሳ ዚላስ 3:3

Izi kumeththa gallas zaari zaaridi tana shocides.

ኢሳያሳ ቲንቢቴ 26:9

Ta shemppoya omarsi nena laamotawus; ta ayanay maalado nena koyawus; ne pirday biitta bolla yida wode sa7an de7iza asay xilloteth tamaarees.

ሌሚሶ ማጻፋ 19:29

Qilccizaytas pirday, eeyata zokkos lissoy giigi uttides.

ዳናታ ማጻፋ 2:15

Istti olas keziza wode ubbaan GODAY kase isttas caaqqi yootoyssaththo istti xoonettana mala izi istta bolla dendides; hessafe dendoyssan istti keehi waayettida.

ኬሳ ማጻፋ 10:1

Hessafe guye GODAY Muses, «Gibxe kawaakko guye simma ba; ays giikko tani Gibxe asaa wostta qaxxaydaakkonne malaata istta giddon wostta ooththidaakko intte intte naytassinne intte nayta naytas yootana mala, qasse intteka tani GODAA gididayssa erana mala, ta malaata istta giddon ooththanaas iza wozinanne daannata wozina minththa woththadis» gides.

ኬሳ ማጻፋ 9:3

heemettizason diza ne meheta bolla, parata bolla, hareta bolla, gaamellata bolla, miizata bolla, dorsata bollanne deyshata bolla wolqqama harge yeddana.

ኬሳ ማጻፋ 6:26

GODAY, «Gibxe biittafe Isra7eele nayta istta cugan cugan kessite» giidi azaziday hayta Musenne Aaroone.

ኬሳ ማጻፋ 3:20

Hessa gishshas tani ta kushe yeddada istta giddon tani ooththiza ta malaatata ubbaan Gibxe asaa shocana. Hessafe guye izi inttena yeddana.

ኬሳ ማጻፋ 3:19

Gido attiin ta wolqqara yedisontta dishin Gibxe kawoy inttena yeddonttayssa tani erays.

ኬሳ ማጻፋ 6:1

Hessafe guye GODAY Muses, «Tani Gibxe kawo bolla ooththanayssa neni ha7i beyana; ta wolqqama qese gaason izi istta yeddana; ta wolqqama qeseppe dendidayssan izi istta ba biittafe kessi gooddana» gides.

ኬሳ ማጻፋ 7:13

Gidikkoka GODAY yootida mala kawoza wozinay minnida gishshas izi istta yo7o siyontta ixxides.

ኬሳ ማጻፋ 7:16

Neni iza, ‹GODAA Ibraaweta Xoossay nena, «Bazzon taas goynnana mala ta asaa yedda» giidi tana neekko kiittides shin hanno gakkanaas neni ero gabeekka.

ኬሳ ማጻፋ 8:15

Gido attiin kawozi guuththa peeqa demmida wode ba wozina minththides; GODAY yootida malakka izi Museynne Aarooney yootida yo7oza siyontta ixxides.

ኬሳ ማጻፋ 8:19

Marotikka kawozas, «Hayssi Xoossa oosokko!» gida. Gido attiin kawoza wozinay minnides; GODAY gida malakka izi istti yootizayssa siyontta ixxides.

ኬሳ ማጻፋ 9:12

Gido attiin GODAY Muses gida malakka kawoza wozina minththida gishshas Museynne Aarooney yootizayssa kawozi siyontta ixxides.

ኬሳ ማጻፋ 13:3

Hessafe guye Musey asaa, «Gibxeppe, aylleteththa biittafe intte kezida gallassaya hanno gallassayo gididayssa yuushshi qoppite; ays giikko GODAY ba wolqqama qesen inttena kessides; hessa gishshas irshoy gelida kath aykkoka moopite.

ኬሳ ማጻፋ 13:9

GODAY inttena ba wolqqama kushen Gibxeppe kessida gishshas, GODAA wogay intte doonappe shaakettontta mala, hayssi ba7aalezi intte kushe bolla qashettidanne intte liiphen woththiin qofsiza miishsha mala gidana.

ኬሳ ማጻፋ 18:8

GODAY Isra7eele asaa gishshas Gibxe kawo bollanne Gibxe asaa bolla ooththidayssa, oge bolla istta gakkida daaburanne GODAY istta ashshidayssa ubbaa Musey ba bollozas yootides.