ኬሳ ማጻፋ 6:6 - Geeshsha Maxaafa

⁶ «Hessa gishshas neni Isra7eele naytas, ‹Tani GODAA; tani inttena Gibxe asaa qohoppe kessana; tani inttena istta aylleteththafekka goochcha kessana; qasse tani inttena ta gita wolqqaninne dumma dumma pirdan wozzana.

ጋሞ ማጻፋ

⁶ «ሄሳ ጊሻስ ኔኒ ኢስራኤሌ ናይታስ፥ ‹ታኒ ጎዳ፤ ታኒ ኢንቴና ጊብጼ ኣሳ ቆሆፔ ኬሳና፤ ታኒ ኢንቴና ኢስታ ኣይሌቴፌካ ጎቻ ኬሳና፤ ቃሴ ታኒ ኢንቴና ታ ጊታ ዎልቃኒኔ ዱማ ዱማ ፒርዳን ዎዛና።

ኬሳ ማጻፋ 6:6 Referans Kwoze

ዛሬ ማጻፋ 26:8

Histtidi GODAY ba wolqqama qeseninne ba micettida kushen, gita dagaman, malataninne malalisiza ooraththa miish ooththidi Gibxe biittafe nuna kessides.

1ታሪኬ ማጻፋ 17:21

Neni Xoossi Gibxe biittafe kessida ne deraa sinththafe kawoteththata gooddada gitanne yashissiza miish ne sunththas ooththana mala, deraakka nees wozzana mala ne isttas ooththidayssaththo ne dere Isra7eele mala derey biitta bolla haray dizee?

ዛሬ ማጻፋ 7:8

Gido attiin GODAY inttena siiqida gishshassinne kase intte aawatas gelida hidota qaala naaganaas koyida gishshas izi inttena Gibxe kawos aylleteththan diza Gibxe biittafe ba gita wolqqan wozzidi kessides.

ኬሳ ማጻፋ 7:4

izi intte yootizayssa siyenna. He wode tani ta kushe Gibxe asaa bolla denththana; tani ta dereta Isra7eele nayta wolqqama pirdan Gibxeppe kessana.

ናሂሚያ ማጻፋ 1:10

«Xoossawu! Hayti hayssafe kase neni ne gita wolqqaninne mino qesen wozzida ne oosanchchatanne ne dereta.

ዬ ማጻፋ 81:6

«Intte hasheppe tooho woththadis; intte kushe deexo gooshoppe shempisadis.

ዛሬ ማጻፋ 15:15

Intteka kase Gibxe biittan aylle gididayssanne GODAA intte Xoossay inttena heeppe wozzidayssa dogopte; tani inttena hach azazizay hessassa.

ኬሳ ማጻፋ 15:13

«Ne wozzida ne asaa wurontta ne siiqon kaaleththadasa. Neni ne wolqqan istta ne aqiza geeshsha soo gelththadasa.

ኬሳ ማጻፋ 3:17

Tani inttena Gibxe biittaa waayeppe kessada pude maaththinne eessi goggiza Kanaaneta, Hiiteta, Amooreta, Paarizeta, Hiiwetanne Yaabuseta biitta efana gadis› gides» gaada yoota.

2ካዎታ ማጻፋ 17:36

Gido attiin intte goynnanaas bessizay ba gita wolqqaninne micettida ba kushen inttena Gibxe biittafe kessida GODAAS xalla gido. Intte izas xalla goynnitenne izas yarshite.

ዛሬ ማጻፋ 4:23

Hessa gishshas Xoossay inttenara gelida caaqo qaalaa intte balontta mala shaakki erite; GODAA intte Xoossay inttena ooththofte giidi azazida eeqa misleta ay medhankka misatissi ooththi kessofte.

ኢሳያሳ ቲንቢቴ 9:21

Minaasey Efreeme maana; Efreemeykka Minaase maana; istti issife gididi Yuhuda bolla dendana. Hessi ubbay haniinkka GODAA hanqoy irxxibeenna; iza kusheykka dendidasoppe simmibeenna.

ኬሳ ማጻፋ 6:29

«Tani GODAA; tani nees yootizayssa ubbaa neni Gibxe kawaas yoota» gides.

ኬሳ ማጻፋ 6:8

Qasse tani inttena Abrahaames, Yisaaqassinne Yaaqoobes immana gaada ta kushe denththada caaqqida biitta ehana; he biittaa tani inttes intte gade histta immana; tani GODAA› ga» gides.

ኬሳ ማጻፋ 6:2

Xoossi qasseka Muses, «Tani GODAA;

ኢሳያሳ ቲንቢቴ 9:12

Arshey mokkiza baggafe Aaraame biittaa asatinne arshey wulliza baggafe Filisxeeme biitta asati bantta doona hangidi Isra7eele mittana. Hessi ubbay haniinkka GODAA hanqoy irxxibeenna; iza kusheykka dendidasoppe simmibeenna.

ኢሳያሳ ቲንቢቴ 9:17

Hessa gishshas GODAY naateththa naytan ufayettenna; yi7otassinne am7etas qadhettenna; ubbayka iita ooththizaytanne Xoossa yashshateth bayndayta; ubbaa asaa doonappe harassiza qaalay kezees; hessi ubbay haniinkka GODAA hanqoy irxxibeenna; iza kusheykka dendidasoppe simmibeenna.

ሃዋሬታ ኦሶ 13:17

Ha Isra7eele dere Xoossay kase nu aawata doorides; istti Gibxe deren dishin istta dhoqqu dhoqqu histtides; ba wolqqama qesera heeppe istta kessides.

ኬሳ ማጻፋ 1:11

Hessa gishshas deexo ooson istta tuggasana mala istta bolla halaqata doorida. Isttika kawos Piitoomenne Eraamise geetettiza dumma dumma minjja miishshata woththiza katamata keexxida.

ኬሳ ማጻፋ 2:11

Musey diccidi gita gididi issi gallas ba asay dizaso biidi istti deexo ooso ooththishin be7ides. Issi Gibxe biitta asi iza asata Ibraawetappe issaa wadhdhishin be7ides.

ኬሳ ማጻፋ 12:41

He oyddu xeetanne heedzdzu tammu layththay wuriza he wurseththa gallassan GODAA asay wuri Gibxe biittafe kezides.

ኬሳ ማጻፋ 12:51

He gallassankka GODAY Isra7eele nayta istta cugan cugan Gibxe biittafe kessides.

ኬሳ ማጻፋ 13:3

Hessafe guye Musey asaa, «Gibxeppe, aylleteththa biittafe intte kezida gallassaya hanno gallassayo gididayssa yuushshi qoppite; ays giikko GODAY ba wolqqama qesen inttena kessides; hessa gishshas irshoy gelida kath aykkoka moopite.

ኬሳ ማጻፋ 13:14

Wodeppe ne nay nena, ‹Hayssi aaza wogaa?› gi oychchiko, neni izas, ‹GODAY nuna ba wolqqama qesen aylleteththa biitta Gibxeppe kessides;

ኬሳ ማጻፋ 16:6

Hessa gishshas Museynne Aarooney Isra7eele asa ubbaas, «Inttena Gibxe biittafe kessiday GODAA gididayssa hach omars intte erana.

ኬሳ ማጻፋ 18:1

Midiyaame biitta qeese, Muse bollo Yootorey, Xoossay Musessinne iza asaa Isra7eele naytas ooththidayssa hessika GODAY istta Gibxe biittafe kessidayssa ubbaa siyides.

ዛሬ ማጻፋ 4:34

Woykko GODAA intte Xoossay intte xeellishin Gibxe biittan inttes ooththizayssaththo paacen, malaatan, malalisiza miishshan, olan, mino qeseninne micettida kushen, qasse yashissiza ba wolqqan hara kawoteththata giddo gelidi issi kawoteth baas ekkanaas baaxetida hara xoossi dizee?

ዛሬ ማጻፋ 5:15

Neni Gibxe biittan de7iza wode aylle gidada de7idayssa akeeka; qasseka GODAA ne Xoossay ba mino qeseninne ba micettida kushen nena heeppe kessidayssa dogoppa; sambata gallassa ne bonchchana mala GODAA ne Xoossay azaziday hessassa.

ዛሬ ማጻፋ 6:12

kase intte aylleteththan deyida Gibxe dereppe inttena wozzi kessida GODAA intte balontta mala naagettite.

ኤርማሳ ቲንቢቴ 21:5

Tani ta hu7era qixaates denththida kusheninne mino qesen, hanqoninne bashshan, gita boshan ta inttena caddana.

ኤርማሳ ቲንቢቴ 32:21

Neni malataninne ooraththa miishshan, ne mino qeseninne micettida kushen keehi yashissiza puulateththan ne dere Isra7eele Gibxeppe kessadasa.

ኬሳ ማጻፋ 3:8

Hessa gishshas tani istta Gibxe biitta asata kusheppe ashshanaasinne he biittafe istta kessada, aahonne lo7o biitta efanaas haa duge wodhdhadis. He biittay maaththinne eessi goggiza biitta; ha7i he biittan Kanaaneti, Hiiteti, Amooreti, Paarizeti, Hiiwetinne Yaabuseta geetettiza asati deettes.

ኬሳ ማጻፋ 7:5

Qasse Gibxeti tani ta qese Gibxe asaa bolla denththada Isra7eele nayta istta giddofe kessiza wode tani GODAA gididayssa istti erana» gides.

ኬሳ ማጻፋ 13:16

GODAY nuna ba wolqqama qesen Gibxeppe kessidayssas, hayssi inttes kushen qachchida malatanne liiphe bolla woththida malata mala gidana» gides.

ኬሳ ማጻፋ 32:11

Gido attiin Musey GODAA ba Xoossaa, «Abeet Godoo! Neni ne gita wolqqaninne ne mino qesen Gibxeppe kessada ehida ne asaa bolla hessaththo aazas hanqettay?

ዛሬ ማጻፋ 7:19

GODAA intte Xoossay inttena Gibxeppe kessiza wode ooththida gita boshata, malaatata, malalisiza miishshata, iza mino qesetanne micettida kusheta intte intte ayfen be7ideta; ha7i intte yayyiza asa ubbaa bollankka GODAA intte Xoossay hessaththo ooththana.

ዛሬ ማጻፋ 9:29

Gido attiin ha asay neni ne gita wolqqaninne ne mino qesen nees gidana mala ne doora kessida dere.

ዛሬ ማጻፋ 11:2

GODAA intte Xoossaa seeraza hessika iza gitateththaa, iza wolqqaanne izas diza maataa be7idaynne erizay intte nayta gidontta inttena gididayssa yuushshi qopite.

1ካዎታ ማጻፋ 8:42

asay haahoppe yizay ne gita sunththaa gishshas, ne mino qese gishshassinne micettida ne kushe gishshas siyida gishshassa. Histtiko hayssa Xoossa Keeththaan woossanaassinne goynnanaas yiikko,

ዬ ማጻፋ 77:16

Abeet Xoossawu! Haaththati nena be7ida; Haaththati nena be7idi yayyida; ciimma abbatikka kokkorida.

ዬ ማጻፋ 81:7

Intte meto wode tana xeygideta; histtiin tani inttena ashshadis; tani shaara giddora dadan inttena alladis; Mariiba geetettiza pultto haaththa matan tani inttena paaccadis.

ዬ ማጻፋ 81:11

«Gido attiin ta asati ta qaala siyibeettenna; Isra7eeleti taas kushe immibeettenna.

ኤርማሳ ቲንቢቴ 27:5

Ta gita wolqqaninne micettida ta kushen sa7anne sa7a bolla diza asinne mehe medhdhadis. Istta ta dosidaades immana.

ሂዚቄላ ቲንቢቴ 20:33

«Ubbaa Haariza GODAY, ‹Tani de7o Xoos gididayssan tanan caaqqays› Tani ta mino qeseninne micettida ta kushen hanqo gussashe ta intte bolla kawotana.