ኬሳ ማጻፋ 5:19 - Geeshsha Maxaafa

¹⁹ Isra7eele naytappe doorettidi asaa oosisizayti, «Intte hach hach medhdhiza xuube qooda kaseyssafe pacisopite» gida giin istti meton gelidayssa erida.

ጋሞ ማጻፋ

¹⁹ ኢስራኤሌ ናይታፔ ዶሬቲዲ ኣሳ ኦሲሲዛይቲ፥ «ኢንቴ ሃች ሃች ሜዛ ጹቤ ቆዳ ካሴይሳፌ ፓጪሶፒቴ» ጊዳ ጊን ኢስቲ ሜቶን ጌሊዳይሳ ኤሪዳ።

ኬሳ ማጻፋ 5:19 Referans Kwoze

ኤራንቻታ ማጻፋ 5:8

Dere garsan manqoy sugettiin, pirday pacciin, maatay yedhettiin ne be7ikko heytanttan keeha malalettofa. Issi issi halaqaas izappe bollara halaqay dees; qasse ubbatappe bollara hara halaqati deettes.

ኤራንቻታ ማጻፋ 4:1

Tani qasseka salo gufanththon diza qoho ubbaa be7adissinne akeekadis; qohettidayta afunth be7adis; istta minththeththiza asikka deenna; wolqqay istta qohiza asata kushen dees; istta minththeththiza asikka deenna.

ዛሬ ማጻፋ 32:36

Isttas wolqqay daaburdayssanne isttaka maaddizay bayndayssa be7idi, GODAY ba asaas pirdana; ba aylletaskka qadhettana.

ኬሳ ማጻፋ 5:8

Gido attiin istti qoodan kaseyssa gina xuube medhdhidi sheedhdhana mala azazite; kase qoodaappe pacisopite; ays giikko istti azalla; isttas, ‹Nuni nu Xoossaas yarsho yarshana mala nuna yedda› giidi waassizay hessassa.

ኬሳ ማጻፋ 5:18

Ha7i biidi ooththite; istti inttes aykko galabaka immettenna; gido attiin intte kaseyssafe pacisontta xuubeza medhdhite» gides.

ኬሳ ማጻፋ 5:20

Istti kawoza sinththafe kezidi Museynne Aarooney isttara gaagganaas naagizayta demmida.