ኬሳ ማጻፋ 4:31 - Geeshsha Maxaafa

³¹ Isttika ammanida. GODAY isttako yidayssanne istta waaye be7idayssa siyida mala biitta bolla gufanni goynnida.

ጋሞ ማጻፋ

³¹ ኢስቲካ ኣማኒዳ። ጎዳይ ኢስታኮ ዪዳይሳኔ ኢስታ ዋዬ ቤኢዳይሳ ሲዪዳ ማላ ቢታ ቦላ ጉፋኒ ጎይኒዳ።

ኬሳ ማጻፋ 4:31 Referans Kwoze

ኬሳ ማጻፋ 3:18

«Isra7eele cimati ne qaala siyana; hessafe guye neninne he cimati Gibxe kawozaakko biidi izas, ‹GODAA Ibraaweta Xoossay nuus qonccides. Ha7i nuni heedzdzu gallassa oge bazzo biidi GODAAS nu Xoossaas yarsho yarshana mala nuna yedda› giite.

ሉቃሳ ሚሺራቾ 8:13

Shuchcha bolla wodhdhidaytikka qaala siyidi ufayssara ekkizayta; isttika ha7is ammaneettes attiin metoy istta bolla gakkiza wode xapho yeddontta gishshas ellera ammano kaddizayta.

ኬሳ ማጻፋ 12:27

intte isttas, ‹Hayssi GODAA bonchchanaas yarshiza Paaziga yarsho; ays giikko GODAY Gibxe biittan Isra7eele asaa keeth aggi aadhdhidi Gibxe asaa wodhidi nuna ashshida gishshassa› giite» gides. Hessafe guye asay biitta bolla gufanni goynnides.

ኬሳ ማጻፋ 3:16

«Hee baada Isra7eele cimata shiishshada GODAA intte aawata Abrahaame, Yisaaqanne Yaaqoobe Xoossi taas qonccidi, ‹Tani intteko yadis; Gibxen intte bolla aazi oosettidaakko tani beyadis.

ኬሳ ማጻፋ 2:25

Hessa gishshas Xoossi Isra7eele nayta xeellidi istta hanoteth qoppides.

ሜቴ ማጻፋ 24:26

Addezi gulbatidi GODAAS goynnishe,

1ታሪኬ ማጻፋ 29:20

Hessafe guye Dawiti duulata shiiqida asaas, «GODAA intte Xoossaa galatite» gides; histtiin ubba asay GODAA bantta aawata Xoossaa galatida; GODAA sinththan gufannidi goynnidanne kawaa bonchchida.

ኬሳ ማጻፋ 3:7

Qasseka GODAY, «Tani Gibxe biittan ta asay waayiza waaye lo7eththa beyada, istti ba godatappe dendidayssan waassiza waaso siyadissinne istta waaye eradis.

ሉቃሳ ሚሺራቾ 1:68

«Yiidi ba asaa ashshida gishshas Isra7eele Xoossi galatetto.

2ታሪኬ ማጻፋ 20:18

Iyoosaafixey gaden gufanni goynnides; Yuhuda asaynne Yerusalaame asay ubbay GODAA sinththan gufanni goynnides.

ሜቴ ማጻፋ 17:3

Abraamey biittan duge gufannidi hu7ey biitta bochchiin izi Xoossas ziggiin Xoossi izas,

ሜቴ ማጻፋ 29:32

Liyay shaarada attuma naa yeladus; iza sunththaaka Oroobeele ga sunththadus; ays giikko iza, «GODAY ta meto be7ides; ha7i tumu tana ta azinay siiqana» gadus.

ሜቴ ማጻፋ 50:24

Hessafe guye Yooseefey ba ishata, «Tani hayqqana gays; gido attiin Xoossi inttena maaddanaas tumu wochchana; izi inttena ha biittafe kessidi Abrahaames, Yisaaqassinne Yaaqoobes immana giidi caaqqida biittaa zaari efana» gides.

ኬሳ ማጻፋ 4:5

GODAY, «Hayssi hanidayssi ne aawata Abrahaame, Yisaaqanne Yaaqoobe Xoossi nees qonccidayssa istti ammanana malassa» gides.

ኬሳ ማጻፋ 14:31

GODAY Gibxe asa bolla bessida gita wolqqaa be7idi Isra7eele asay GODAAS babbidessinne izanne iza aylle Musekka ammanides.

ኬሳ ማጻፋ 19:8

Asay wuri issi qaalan gididi, «GODAY gidayssa ubbaa nu ooththana» giin Musey istti gidayssa GODAAKKO ekki bides.

ኬሳ ማጻፋ 19:9

GODAY Muse, «Tani nenara haasayshin asay siyana malanne istti nenan ubba wodekka ammanettana mala, tani neekko wolqqama shaarara yaana» gides. Hessafe guye Musey asay gidayssa GODAAS yootides.

ኬሳ ማጻፋ 34:8

Histtiin Musey heerakka biitta bolla gufanni goynnidi,

ኡሩቲ ማጻፋ 1:6

Iza Mo7aaben dishin GODAY ba asaa mokki xeellidi isttas kath immidayssa siyada nayta machcheta nam7ata banara ekkada ba dere simma baana kezadus.

ናሂሚያ ማጻፋ 8:6

Izray Gita Xoossaa galatides; asay wuri ba kushe pude denththidi «Amiin! Amiin!» gi zaarides; biitta bolla wuri gufannidi Xoossas goynnides.

ሶፎናሳ ቲንቢቴ 2:7

Hessika Yuhudappe casha attidaytas gidana; isttika heen baas aqota demmana; Gadey qammishin Asqeloona kataman diza keeththatan aqana; GODAY istta Xoossay istta naagana; isttafe di7ettidayssaka isttas zaarana.»

ኬሳ ማጻፋ 33:10

Tuussa mala shaaraza dunkaaneza pengen be7ida ubba wode, asay wuri ba pengen pengen eqqidi dizasohon dishe GODAAS goynnees.

2ታሪኬ ማጻፋ 7:3

Isra7eele asay ubbay tamay saloppe wodhdhishininne GODAA bonchchoy Xoossa Keeththaa kumishin be7idi biittan gufannidi goynnishe, «GODAY kiya! Iza maaroteththika mernaassa» giidi GODAA galatides.

2ታሪኬ ማጻፋ 32:8

Izara dizayti asho may7ida as gidishin nunara dizay gidikko nuna maaddizanne nu morkketa oliza GODAA nu Xoossaa» giidi minththeththides. Yuhuda kawo Hizqiyaasi yootida qaalaan asay minettides.

ኢዮቤ ማጻፋ 1:20

Hessafe guye Iyoobi dendidi kayottidi ba may7oza daakkides; ba hu7e bulusides; biittan gufanni goynnides.