ኬሳ ማጻፋ 34:6 - Geeshsha Maxaafa

⁶ GODAY Muse sinththara, «Tani GODAY qadhetaynne maarotay kumida Xoossa, hanqettanaas gam7iza, mernaas siiqizanne ammaneteththay darida Xoossa.

ጋሞ ማጻፋ

⁶ ጎዳይ ሙሴ ሲንራ፥ «ታኒ ጎዳይ ቃታይኔ ማሮታይ ኩሚዳ ጾሳ፥ ሃንቄታናስ ጋምኢዛ፥ ሜርናስ ሲቂዛኔ ኣማኔቴይ ዳሪዳ ጾሳ።

ኬሳ ማጻፋ 34:6 Referans Kwoze

ዬ ማጻፋ 86:15

Gido attiin abeet Godawu! Neni qadhettizaadenne maariza Xoossa; hanqettanaas gam7iza Xoossa; ne siiqoynne ne ammaneteththay keehi daro.

ኢዩኤሌ ቲንቢቴ 2:13

Intte intte kayo bessanaas may7o daaketh xalla gidenna; hessafe bollara intte wozinay meqqiin maarettite; GODAA intte Xoossay kiyanne maariza Xoossa, hanqoska eesotenna; mernaa siiqon izi durenne qaxxayanaas eesotontta Xoossa; hessa gishshas intte izakko simmite.

ዬ ማጻፋ 145:8

GODAY qadhettizayssanne maarizayssa; izi hanqettanaas eesotonttayssanne siiqoy kumidayssa.

ናሂሚያ ማጻፋ 9:17

Nees azazettibeettenna; ne isttas ooththida gita malaataakka ubbaa dogida; wozina muume gidida; qasse guye Gibxe aylleteththan zaarana mala banttana kaaleththiza as doorida. Gido attiin neni siiqon kumida Xoossa, hanqos takkiza Xoossa, atto giza Xoossa, kiyanne maariza Godaa gidida gishshas ne istta aggabeekka.

ዮናሳ ቲንቢቴ 4:2

Hessafe guye GODAA, «Abeet GODAWU! Tani buro ta deren dashe gidayssi hayssa gidennee? Ta ne sinththafe betada Tarseese baanaas eesotidayssi hessassa; qadhetaynne maarotay nenan kumida Xoossaa ne gididayssa, hanqos eesotonttayssanne aggontta siiqon kumidayssa, qasse ehana gida iita miishshika aggiza Xoossa ne gididayssa tani kasekka erays.

ዬ ማጻፋ 86:5

Abeet Godawu! Neni nuus kiyanne atto gizaade; nena woossiza ubbaas ne mernaa siiqo bessaasa.

2ታሪኬ ማጻፋ 30:9

Intte intte GODAAKKO simmiko GODAA intte Xoossay qadhettizaadenne maarizaade gidida gishshas intte ishatanne intte nayta di7i efidayta sinththan istti maaroteth demmidi ha biittaa simmana; intte izakko simmiko izi ba sinth intteko zaarana» giza dabdaabbe efida.

ሚኪያሳ ቲንቢቴ 7:18

Dhayshe attida zereththaa nagara atto gi maariza ne mala Xoossi oonee? Neni mernaas hanqettaka; maaro gelizayssan ne ufayettaasa.

ዛሬ ማጻፋ 5:10

Tana dosizaytassinne ta azazota naagizaytas gidikko shii yeleta gakkanaas ta kiyateththaanne ta siiqo ta istta bessana.

ዬ ማጻፋ 138:2

Ne geeshsha Keeththakko simmada nena goynnays; ne siiqo gishshassinne ne ammaneteththa gishshas tani ne sunththa sabbays; neni ne sunththaanne ne qaala ubbaafe aaththada dhoqqu histtadasa.

ዬ ማጻፋ 116:5

GODAY kiyanne xillo; nu Xoossay maarizayssa.

ዬ ማጻፋ 108:4

Ne siiqoy gita; salotappeka aadhdhees. Ne ammaneteththayka pude salo gakkees.

ኦሮሜ ኣሳስ 2:4

Woykko Xoossa kiyateththi nena maaroteththaako kaaleththizayssa shaakka erontta dashe iza gita kiyateththaanne iza dandaya dureteththaa ne leqqay?

ዬ ማጻፋ 111:4

Izi ba malalisiza oosota hassa7ettana mala ooththides. Izi kiyanne maariza GODAA.

ዬ ማጻፋ 112:4

Kiya, qadhettizanne xillo ooththiza suure asas dhuma giddon poo7oy poo7ees.

ዬ ማጻፋ 57:10

Ne mernaa siiqoy pude salo gakkides; ne tumateththayka salo shaara gakkides.

ኬሳ ማጻፋ 22:27

Aazas giikko izi ba kallo kammizay izin xalla; hara ay may7idi aqanaas dandayzee? Izi taas waassiko ta mishettiza gishshas izas siyananne iza maaddana.

ሚኪያሳ ቲንቢቴ 7:20

Beni wodeppe oykkada kase nu aawatas caaqo qaala ne gelida mala Yaaqoobes ammaneteth Abrahaames maaroteth ooththaasa.

ኤርማሳ ዚላስ 3:23

Istti maalado maalado ooraththa; Ne ammaneteththayka daro.

ዮሃኒሳ ሚሺራቾ 1:17

Wogay Muse baggara imettides; kiyateththinne tumay gidikko Yesus Kirstoosa baggara nuus yides.

ዬ ማጻፋ 91:4

Izi ba wangotan nena kammana; iza qefeta garsan neni qotetta attana; iza ammaneteththay nees gondallenne zemppo gidana.

ዬ ማጻፋ 31:19

Nenan zemppanaas neekko shiiqidaytassinne nees yayyizaytas neni asaa sinththan isttas immana gaada minjja woththida kiyateththi ay mala daroo!

ኢሳያሳ ቲንቢቴ 12:4

He wode intte GODAA galatite! Iza sunththaaka xeygite. Izi ooththidayssa kawoteththata giddon erisite. Iza sunththay dhoqqu dhoqqu gidayssa awajjite.

ዬ ማጻፋ 111:8

Istti mernaas eqqi de7izayta; tumateththaninne suureteththan imettida.

1ካዎታ ማጻፋ 19:11

GODAY izas, «Hessafe keza baada zumaa xeeran ta sinththan eqqa; GODAY heera aadhdhana» gides. Hessafe guye wolqqama carkoy zumata phalqereththides; zaallatakka kinchchereththi yeggides; GODAY gidikko he carkoza giddon deenna. He carkozappe simmiin biittay qaaxxides; GODAY he biitta qaaththaankka deenna.

ዬ ማጻፋ 146:6

GODAY salonne sa7a, gita abbanne istta giddon diza ubbaa medhdhidayssa; izi ba ammaneteththaa mernaas naagizayssa.

ያቆቤ ኪታ 5:11

Dandayan genccida asata nu istta, «Istti anjjettidayta» gi qoodizayssa intte ereeta. Iyoobi waani dandaydaakko intte iza gishshas siyideta. Goday iza wurseththan ay ooththidaakko intte beyideta; Goday asas keehi mishettizaadenne maarizaade.

ኬሳ ማጻፋ 20:5

Isttas hokkofanne isttas goynnofa. Ays giikko tani GODAA ne Xoossay qanaatiza Xoossako; tana ixxizayta aawata nagara gishshas nayta heedzdzanththo yeletanne oydanththo yeleta gakkanaas qaxxayays.

ኬሳ ማጻፋ 33:19

GODAY, «Tani ta lo7eteththaa ubbaa ne sinththara aaththana; ta geeshsha sunththaaka ne achchan awajjana. Tani GODAA; tani maaranaas koyzayta maarana; qasse mishettanaas koyzaytaska mishettana.

ዛሬ ማጻፋ 4:31

GODAA intte Xoossay maariza Xoossa gidida gishshas inttena mulera aggenna; inttena ubbaaka dhayssenna; kase intte aawatara gelida caaqo qaalaa mulekka balenna.

ዛሬ ማጻፋ 32:3

Tani GODAA sunth awajjays; nu Xoossaa gitateth intte yootite.

1ካዎታ ማጻፋ 8:30

Tani ne ashkaraynne ne dere Isra7eeley hayssa Xoossa Keeththaako simmidi shoobbi woossiza woosaa ne siya; ne duussason salon dashe siyada nuus atto ga.

ኤራንቻታ ማጻፋ 8:11

Iita ooththida asa bolla eeson pirdontta aggiko asa wozinay iita ooththana halchchon kumees.

ኢሳያሳ ቲንቢቴ 65:16

Hessa gishshas biittay bolla anjjo koyzaadey tuma Xoossa sunththan anjjettana; biittayn caaqqiza asi tuma Xoossa sunththan caaqqana; kase aadhdhida metoti dogettida; ta ayfeppekka geemmida» gees.

ኤርማሳ ቲንቢቴ 9:24

Gido attiin ceeqettiza oonikka tani GODAA gididayssa eroninne biitta bolla siiqo, suure pirdanne xilloteth ooththizay tana gidoyssa akeekon ceeqetto. Tani haytan ufayettays» gees.

ኤርማሳ ቲንቢቴ 32:18

Neni ne siiqonne kiyateth shii yeleta gakkanaas bessaasa; gido attiin aawata mooro istta nayta bolla zaaraasa. Abeet gitanne wolqqama Xoossawu! Ne sunththay GODAA Ubbaafe Wolqqama Xoossa.

ናሆሜ ቲንቢቴ 1:3

GODAY hanqettanaas eesotenna; iza wolqqayka gita. GODAY mooranchcha qaxxayontta aggenna; gote carkoynne abba dambalay izas oge; shaaray iza toho gudulla.

ሜቴ ማጻፋ 24:27

«Ba kiyateththaanne ba tumaa ta godaappe haassontta ta godaa Abrahaame GODAA Xoossay galatetto! Tani yishin GODAA Xoossay tana ta godaa dabbotaso kaaleththides» gides.

ታይቦ ማጻፋ 12:8

Hessa gishshas tani izara sinththan qonccera haasayays attiin guyera qotan haasaykke; izi ta medha beyees; histtiin intte ta oosanchchaza Muse bolla waani yayyontta kadhe qaala haasaydetii?» gides.

2ሳሜላ ማጻፋ 24:14

Dawiti Gaades, «Tani keeha ceecadis; iza maaroteththay gita gidida gishshas GODAA kushen nu kundana attiin ta asa kushen kundike» gides.

ሌሚሶ ማጻፋ 3:3

Siiqoynne tumateththi neeppe haakkofetto; istta ne qoodhen qachcha; ne wozinankka xaafa.