ኬሳ ማጻፋ 34:15 - Geeshsha Maxaafa

¹⁵ «He biittan diza asatara ay caaqokka caaqettofte; ays giikko istti tanan ammanettontta ixxidi ba eeqata kaalliza wodenne isttas yarshiza wode istti inttena xeygikko intte istta yarsho maana.

ጋሞ ማጻፋ

¹⁵ «ሄ ቢታን ዲዛ ኣሳታራ ኣይ ጫቆካ ጫቄቶፍቴ፤ ኣይስ ጊኮ ኢስቲ ታናን ኣማኔቶንታ ኢጺዲ ባ ኤቃታ ካሊዛ ዎዴኔ ኢስታስ ያርሺዛ ዎዴ ኢስቲ ኢንቴና ጼይጊኮ ኢንቴ ኢስታ ያርሾ ማና።

ኬሳ ማጻፋ 34:15 Referans Kwoze

ዳናታ ማጻፋ 2:17

Gido attiin Isra7eele asay isttas pirdiza daannatas azazettibeenna; istti GODAAS ammanettontta ixxida; eeqa xoossatakko simmidi isttas goynnida; kase bantta aawata ogeppe kare kezida; istta aawati GODAAS azazettida mala istti azazettibeettenna.

1ቆሮንቶሴ ኣሳስ 8:4

Hessa gishshas eeqas yarshettida asho muussa gishshas ta inttes gizay hayssa alamezan eeqay hada gididayssanne issi Xoossaafe attiin hara Xoossi bayndayssa nu eroos.

ዬ ማጻፋ 106:28

Hessafe guye istti Ba7aali-Pe7ooren diza eeqas goynnizaytara issife gayttida; shemppoy baynda eeqatas yarshettida yarshoza mida.

ዛሬ ማጻፋ 31:16

GODAY Muses, «Neni mata wode hayqqada ne aawatan gayttana; hessafe guye hayssi asazi ta izara caaqettida qaalaa laallana; istti tana aggaagidi layma maccassa mala he istti laattana biittaan diza eeqa xoossatas goynnana.

ታይቦ ማጻፋ 25:2

He Mo7aabe maccassati eeqa xoossatas yarshiza yarsho kaththaafe maana mala Isra7eele asaa xeygiin isttika he kaththaafe miidi eeqa xoossas goynnida.

1ቆሮንቶሴ ኣሳስ 10:27

Ammanontta asi inttena baso xeygidi shiishshida kath wursi aykkoka sidhontta miite.

1ቆሮንቶሴ ኣሳስ 8:10

Nees hessa misatiza erateththi diza gishshas hinko ammanon minnonttaadey eeqa keeththan ne mizayssa be7idi eeqas shukettidayssa maanaas xalennee?

1ቆሮንቶሴ ኣሳስ 8:7

Gido attiin hessa asi wuri erenna; issi issi asati hanno gakkanaas eeqa goyno dosida gishshas hessa mala asho mishe addaka eeqas shukettidayssa qoppeetes; isttas qofay laafa gidida gishshas istti tuneettes.

ኤርማሳ ቲንቢቴ 3:9

Ba kawushshateththan biitta tunisadus; miththarakka shuchcharakka laymatadus.

ሌዌታ ማጻፋ 17:7

Isra7eele nayti istta ammanoppe haassiza daydanththatas yarsho ooththidi ba mehe beettooson beettooson yarshos shukkanaas bessenna; hessika isttassinne isttafe guye yeleta ubbaas mernaa woga gidi de7o.

ኬሳ ማጻፋ 34:12

Istti inttes narxa gidontta mala intte biza biittan diza asaara caaqo caaqettofte.

ዮሃኒሳ ኣጁታ 2:20

Gido attiin ta nena kadhiza issi miishshi dees; hessika bana, ‹Tani nabe› giza maccassayo Elzabeelo neni bessa aggida gishshas iza taas ooththizayti layma laymatana malanne eeqas yarshettida kath maana mala iza tamaarsada baleththadus.

ሆሴኤ ቲንቢቴ 9:1

Isra7eele asawu! Ufayettofte! Hara kawoteththata mala ufays nococu goopite! Ays giikko intte intte Xoossas ammanettibeekketa; kaththa bale ubbaan laymateththas

ሆሴኤ ቲንቢቴ 4:12

Hessa gishshas miththafe oosettida eeqa xoossa zore oychcheettes; istti izan maroththiza guufezikka isttas zaaro immiza misatees; laymateththa qofay baleththides; bantta Xoossaas ammanettibeettenna.

ዬ ማጻፋ 73:27

Neeppe haakkizayti dhayana; nees ammanettonttayta ubbaa neni dhayssana.

ኢዝራ ማጻፋ 6:9

Qasseka Yerusalaamen diza qeeseti inttes yootiza mala gallas gallas Salo Xoossaas yarsho shiishshana mala inttefe koyettiza mirgota, dharshota, dharsho laaqqata, qasseka muxuwaatas gidiza gistte, maxine, woyne ushshunne wogara zayte ubbaa pacey baynda isttas immite.

ዛሬ ማጻፋ 7:2

GODAA intte Xoossay he dereta intte kushen aaththi immiin intte istta xooniza wode istta kumeth suppu histti dhayssite attiin isttara ay qaalakka gelopitenne isttas qadhettofte.

ታይቦ ማጻፋ 15:39

He macarata intte be7iza wode ubbaan ta azazota hassa7i ekkidi polite; histtiko intte intte ayfen be7idayssanne intte wozinan amottidayssa kaallidi taappe shaaketteketa.

ኬሳ ማጻፋ 34:10

Histtiin GODAY, «Tani inttenara caaqo geladis; hayssafe kase biitta bolla diza kawoteth ubbaan hani erontta malalisiza miish ne asa ubbaa sinththan ooththana; tani GODAY inttes ooththiza oosoy ay mala malalisizaazakko neni istta giddon diza asay beyana.

ኬሳ ማጻፋ 23:32

Isttara woykko istta eeqa xoossatara caaqon gelopite.

ሃዋሬታ ኦሶ 15:20

Gido attiin eeqas yarshettidi tunida kath moopite; laymappe haakkite; bawuti hayqqida mehe asho moopite; suuth uyopite giidi nu isttas xaafana bessees.

ኬሳ ማጻፋ 22:20

«GODAAS xalalappe attiin hara xoossas shukki yarshiza asi oonikka hayqqi dhayo.

ኬሳ ማጻፋ 32:8

Tani istta azazida ogeppe istti eeson sher7i giichchida. Worqqa seerisidayssa mara misatissidi, baas eeqa xoossata medhdhidi izas goynnidanne yarshida. Qasseka, ‹Isra7eele asawu! Nuna Gibxe biittafe kessida nu xoossati haytantta› gida.

ታይቦ ማጻፋ 25:1

Isra7eele asay Shiixime shoobban diza wode addeti heen diza Mo7aabe dere maccassatara laymatida;

ዛሬ ማጻፋ 7:3

Isttara ekettoftenne gelettofte; intte macca nayta istta attuma naytas immofte; istta macca naytakka intte attuma naytas ekkofte.

ዛሬ ማጻፋ 32:37

GODAY ba asaa, «Istti ammanettiza istta xoossati awan dizoo? Istti baqati attiza zaallati awan dizoo?» gi oychchana.

ዛሬ ማጻፋ 32:38

Istti yarshos shiishshiza tolthoza midayti, istta woyne ushsha yarshoza uyida istta eeqa xoossati ane ha7i inttena dendi maaddetto; qasseka inttes duussaso immetto.

ኢያሶ ማጻፋ 23:12

Gido attiin intte guye simmidi hankko attida inttenara diza kawoteththatara intte issifettiko, ekon gelon isttara issife walakettiko,

ዳናታ ማጻፋ 3:6

Istta macca nayta baas machcho ekkida; bantta macca naytakka istta attuma naytas immida; istta eeqa xoossataska goynnida.

1ታሪኬ ማጻፋ 5:25

Gido attiin istti bantta aawata Xoossaas ammanettibeettenna; Xoossi istta sinththafe dhayssida he biitta asati goynniza eeqa xoossatas goynon laymatida.

ኢዝራ ማጻፋ 9:12

Hessa gishshas intte mino gidana mala he biittay ayfe maana malanne mernaas intte intte nayta laatissana mala intte macca nayta istta attuma naytas imofte; istta macca naytakka intte attuma naytas ekkofte; istti durettana malanne saron daana mala qaala gelopite› gi tamaarsida.

ኬሳ ማጻፋ 22:19

«Mehera gaaggiza asi oonikka hayqqo.

ዛሬ ማጻፋ 31:18

Istti eeqa xoossatas goynnidi istti ooththida nagara gishshas tani he wode isttas zokko zaarana.