ኬሳ ማጻፋ 30:25 - Geeshsha Maxaafa

²⁵ Heytantta shitto ooththiza mala walakkada sawiza geeshshateththas tiyettiza dumma zayte giigsa.

ጋሞ ማጻፋ

²⁵ ሄይታንታ ሺቶ ኦዛ ማላ ዋላካዳ ሳዊዛ ጌሻቴስ ቲዬቲዛ ዱማ ዛይቴ ጊጊሳ።

ኬሳ ማጻፋ 30:25 Referans Kwoze

ኬሳ ማጻፋ 37:29

Qasse dummatida tiyettiza zaytenne sawo tunnu giza lo7o exaane, shitto mala giigsides.

1ታሪኬ ማጻፋ 9:30

Gido attiin qeeseta naytappe issoti issoti sawoza geeddari geeddari walakkeettes.

ኬሳ ማጻፋ 40:9

«Tiyettiza zayteza ekkada Xoossa Dunkaanezanne iza giddon dizayssa ubbaa tiya; izanne iza giddon go7ettiza miishshata ubbaa dummasa; histtiko izi geesh gidana.

ዬ ማጻፋ 133:2

Hessi Aaroone hu7en tigiin buuchchaara biidi iza may7o macara gakkanaas goggidi sawo tunnu giza al7o zayte mala.

ዬ ማጻፋ 89:20

Ta aylle Dawite demmadis; ta geeshsha zaytenkka tiyada iza kawoththadis.

Ibirawe 1:9

Neni xilloteth dosadasa; makkallaka ixxaasa; hessa gishshas Xoossi ne Goday nena ne laggetappe bolla kessides; nena ufayssa zayte tiydes» gees.

ታይቦ ማጻፋ 35:25

Erontta dishe as wodhidaadey suuth acciza asa kusheppe derezi ashshidi izi baqati attida katama zaaro; zayten tiyettida qeeseta halaqay hayqqana gakkanaas izi heen gam7o.

ኬሳ ማጻፋ 29:7

Tiyiza zaytekka ekkada iza hu7en tigada tiya.

ኬሳ ማጻፋ 29:21

Yarshizason diza suuththaafenne tiyettiza zaytezappe ginara ekkada, Aaroone bollanne iza may7o bolla, iza nayta bollanne istta may7o bolla wuxxa; histtiko izi iza naytinne, istta may7oy GODAA oosos dummatana.

ኬሳ ማጻፋ 30:24

usuppun kilo burgude ekka. Hayssi wurikka Xoossa Dunkaanen erettida meezaanen meezaanettidaa gido. Hessa bollaka oyddu litiro wogara zayte gujja ekka.

ኬሳ ማጻፋ 30:32

Ha zayteza hara as tiyoppa; qasse hara zayte hessaththo giigsofa. Izi dumma gidida gishshas intteka iza dummateth erite.

ኬሳ ማጻፋ 30:35

Shitto mala walakettida exaane ooththada isttan go7etta; walakay baynda geeshshinne dumma gidana mala izan maxine yegga.

ኬሳ ማጻፋ 35:15

exaane cuwasizasozanne iza tookkiza tooho miththata, tiyettiza zaytenne sawiza exaane, Xoossa Dunkaaneza penge magalasha,

ሌዌታ ማጻፋ 8:2

«Aaroonenne iza attuma nayta, qeeseteththa may7ozakka, tiyettiza zayteza, nagara geeshos shiiqiza korma boora, nam7u dharshonne irshoy gelontta uukettida ukeththi izan diza leemateza isttara ekka ya.

ሌዌታ ማጻፋ 8:10

Hessafe guye Musey tiyettiza zayteza ekkidi Gaytoteththa Dunkaanezanne izan diza ubbaa tiydi GODAA oosos dummasides.

ኤራንቻታ ማጻፋ 10:1

Hayqqida udunxxeti shitto zeeqeththeettes; hessaththoka guuththa eeyateththi aadho erateththinne bonchcho kawushshees.

ኬሳ ማጻፋ 28:41

Neni ha may7ota ne isha Aaroonenne iza nayta mayzidaappe guye, istti qeeseteththan taas ooththana mala istta wogara zayte tiya; tiyada istti qeese gididi taas ooththana mala istta dummasa.

1ካዎታ ማጻፋ 1:39

Qeese Saadooqey Gaytoteththa Dunkaaneppe zayte kaceza ekkidi Solomoone tiydi kawoththides; hessafe guye zaye punnida; ubba asaykka ba qaala dhoqqu histtidi, «Kawo Solomooney mernaas kawoto!» gida.