ኬሳ ማጻፋ 25:9 - Geeshsha Maxaafa

⁹ Xoossa Dunkaanezanne iza giddon diza miishshata tani nena bessiza leemisoza mala ooththite.

ጋሞ ማጻፋ

⁹ ጾሳ ዱንካኔዛኔ ኢዛ ጊዶን ዲዛ ሚሻታ ታኒ ኔና ቤሲዛ ሌሚሶዛ ማላ ኦቴ።

ኬሳ ማጻፋ 25:9 Referans Kwoze

ኬሳ ማጻፋ 25:40

Tani nena zumaa bolla bessida leemisoza kaallada akeekan ooththa.

Ibirawe 8:5

Istti kase salon diza Xoossa Keeththays leemisonne eesho; Musey dunkaaneza ooththana gishin, «Nees zuma bolla qonccidayssaththo wursa ooththanaas naagetta» giza azazoy hessa gishshas izas imettides.

ሃዋሬታ ኦሶ 7:44

«Xoossi Muse bessida leemisoza malanne azazidayssa mala oosettida Xoossi asara gaaggiza dunkaaneya nu aawatara bazzo biittan de7adus.

Ibirawe 9:9

Hessika hayssa ha wodezas leemiso gidishin kase shiiqiza yarshotinne coo imettiza imotati immizayta wozina shempisanaassinne mule geeshshanaas dandaybeettenna.

Ibirawe 8:2

Izi asi tokkida dunkaane giddon ooththizaade gidontta Godaa Xoossay tokkida tumu dunkaanen geeshshasohon ooththizaade.

Ibirawe 9:2

Kase nam7u kifilera diza dunkaaney giigetti dees; koyro kifilezan xomppe woththizasoynne xaraphpheezay qasse ukeththi dees; hessa he kifilezi dumma kifile geetettees.

ኬሳ ማጻፋ 26:30

Giddo dunkaaneza tani nena zumaa bollan bessida leemisoza mala tokka.

ታይቦ ማጻፋ 8:4

Xomppeta istta bolla woththiza ballati garsa tohosoppe doommidi ciishshe misatiza ballata xeera gakkanaas qoxettida worqqafe oosettida; heytikka GODAY Muse bessida mala xomppe istta bolla woththiza ballata leemison oosettida.

ኬሳ ማጻፋ 39:32

Xoossa Dunkaaneza oosoy wuri mulera polettides. Isra7eele asay ubbaa GODAY Muse azazida mala ooththides.

ኬሳ ማጻፋ 39:42

Isra7eele asay oosoza ubbaa GODAY Muse azazida mala ooththides.

ኬሳ ማጻፋ 39:43

Musey oosoza xomosi xeellidi istta GODAY azazida mala ooththidayssa be7ides. Hessa gishshas Musey istta anjjides.

ታይቦ ማጻፋ 4:12

Gaytoteththa Dunkaanen go7ettiza miishshata ubbaa ekkidi salo mala kareththa carqqan kammetto; qaacettida lee7e galba iza bollara kammidi tooho miththaa bolla woththetto.