ኬሳ ማጻፋ 23:6 - Geeshsha Maxaafa

⁶ «Pirdas dubbushan shiiqada, manqo asa pirda wobbisoppa.

ጋሞ ማጻፋ

⁶ «ፒርዳስ ዱቡሻን ሺቃዳ፥ ማንቆ ኣሳ ፒርዳ ዎቢሶፓ።

ኬሳ ማጻፋ 23:6 Referans Kwoze

ሚልካሳ ቲንቢቴ 3:5

«Hessa gishshas ta intteko pirdana yaana; muurennizayta, laymatizayta, wordo markka markkattizayta, wordo caaqo caaqqizayta, ooso oosisidi miishsha diggizayta, am7etanne yi7o nayta dechchizayta, bete asatas pirda tuccizayta, taas babbonttayta bolla markkattanaas ta ellesays» gees Ubbaafe Wolqqama GODAA Xoossay.

ኤርማሳ ቲንቢቴ 5:28

Istti ordidanne modhdhida; istta iitateththaas zaway deenna. Yi7oti suure pirda demmana mala isttas eqqibeettenna; manqota maata gishshassika mootettettenna.

ኤራንቻታ ማጻፋ 5:8

Dere garsan manqoy sugettiin, pirday pacciin, maatay yedhettiin ne be7ikko heytanttan keeha malalettofa. Issi issi halaqaas izappe bollara halaqay dees; qasse ubbatappe bollara hara halaqati deettes.

ዛሬ ማጻፋ 27:19

«Bete asata, yi7o naytanne am7eta pirda geellasi pirdiza ubbay qanggettidaade gido!» Derezi wurikka, «Amiin!» go.

ዛሬ ማጻፋ 16:19

Pirda geellasoppa; asa ayfeso beyada maadda pirdofa; baleththofa; maganxo mooppa; gaasoykka maganxoy aadho eranchchata ayfe qooqisees; xillota qaalakka bokkisees.

ሌዌታ ማጻፋ 19:15

« ‹Neni pirda pirdiza wode pirda geellasoppa; manqo iza manqoteththa gishshas maadda pirdofa; gita asatas dumma bonchcho immofa; dere asaakka dumma maadda pirdofa; asa ubbaas tumu pirda pirda.

ኤርማሳ ቲንቢቴ 7:6

bete yida asatanne yi7ota, am7eta intte qohontta aggiko, hayssa ha biitta bolla xillo suuth gussontta aggiko, inttena qohiza eeqa xoossata intte kaallontta aggiko,

ኤርማሳ ቲንቢቴ 6:28

Istti ubbay zigirshe yuuyizaytanne yootiin ekkontta makkallanchchata; istti xarqimala malanne birata mala; istti ubbayka mooro ooththizayta.

ኢዮቤ ማጻፋ 31:13

«Maccanne attuma gidida ta aylleti tana mootiin istta mootoza ta kadhada aggidaa gidikko,

2ታሪኬ ማጻፋ 19:7

Ha7ikka intte GODAAS yayyite; GODAA nu Xoossaa matan naaqo pirday, maaddo pirdaynne matta7e muusi baynda gishshas intte ooththiza ubbaan naagettidi ooththite» gides.

1ሳሜላ ማጻፋ 8:3

Gido attiin nayti bantta aawa oge kaallibeettenna; bessontta go7a demmanaas gishe ogeppe kezida; maganxo ekkidi pirda geellasida.

ሌሚሶ ማጻፋ 18:5

Iita as maaddidi, xilloza pirda geellasizayssi lo7o gidenna.

ሌሚሶ ማጻፋ 22:22

Hiyeesatasi aykkoyka baynda gishshas istta bonqofa; shilotankka metotanchchata waayisoppa.

ሌሚሶ ማጻፋ 31:5

Istti uyiza wode wogaa baletteettes; qohettidayta maata sugeettes.

ኢሳያሳ ቲንቢቴ 5:23

Matta7e ekkidi, mooranchchata xillisizaytassinne xillo asatasi suure pirdaa diggizaytas aayye ana!