ኬሳ ማጻፋ 23:27 - Geeshsha Maxaafa

²⁷ «Inttenara gaaggiza dereta ubbaa daganththana mala tani ta yashshateth intte sinththara yeddana; intte morkketi wuri inttes zokko zaaridi, baqatana mala ta ooththana.

ጋሞ ማጻፋ

²⁷ «ኢንቴናራ ጋጊዛ ዴሬታ ኡባ ዳጋንና ማላ ታኒ ታ ያሻቴ ኢንቴ ሲንራ ዬዳና፤ ኢንቴ ሞርኬቲ ዉሪ ኢንቴስ ዞኮ ዛሪዲ፥ ባቃታና ማላ ታ ኦና።

ኬሳ ማጻፋ 23:27 Referans Kwoze

ዛሬ ማጻፋ 2:25

Hachchafe guye awankka diza dere asay inttes babbana mala ta ooththana; oonikka intte gishshas siyidi wurikka hirgan kokkorana» gides.

ሜቴ ማጻፋ 35:5

Hessafe guye istta yuushon diza katama ubba asaa bolla Xoossafe dagamaynne yashshateththi wodhdhida gishshas Yaaqoobeynne iza attuma nayti dendidi bishin oonikka istta oykkanaas kaallibeenna.

ዛሬ ማጻፋ 7:23

GODAA intte Xoossay intte morkketa intte kushen aaththi immana; istti ubbay wurana gakkanaas izi istta garsan shiro denththana.

ዛሬ ማጻፋ 11:25

Inttenara ay asikka eqettanaas dandayenna; GODAA intte Xoossay inttes immida hidota qaalaa mala intte bizaso ubbaan asay inttena be7idi dagammana malanne yayyana mala ooththana.

ዬ ማጻፋ 18:40

Ta morkketa ta sinththafe guye zaara baqatissadasa; tana ixxizayta tani dhayssadis.

2ታሪኬ ማጻፋ 14:14

Geraare yuushon de7iza katamata ubbaa bolla keehi daganththiza miishshi GODAA matappe wodhdhida gishshas Aasinne iza olanchchati katamata dhayssida; keehi daro miish heeppe bonqqi ekkida.

2ካዎታ ማጻፋ 7:6

Hessi hanida gaasoykka goday Aaraame ola asay siyana mala para-gaareta giirssi, toga para giirssi hessaththoka daro ola asaa giirssi Aaraame asaa sissida gishshas asay ba garsan issoy issaa, «Hekko Isra7eele kawoy nu bolla meto yegganaas Hiite dere kawossinne Gibxe dere kawos miishshe immidi nu bolla ehides» gida.

1ሳሜላ ማጻፋ 14:15

Guta giddon deraa bollaninne goshshata bollan shiroy dendides; kambe naagizaytinne daafa gaththizayti ubbay kokkorida; biittayka qaaxxides. He shirozikka Xoossafe kiitettides.

ዛሬ ማጻፋ 11:23

Intte hessaththo ooththiko GODAY hayta intte sinththan diza kawoteththata ubbaa kessi gooddana; inttenikka corateththaninne wolqqan inttefe mino gidida dereta biittaa laattana.

ኬሳ ማጻፋ 33:2

Tani inttefe sinththara kiitanchcha kiittada, Kanaaneta, Amooreta, Hiiteta, Paarizeta, Hiiwetanne Yaabuseta gooddana.

2ሳሜላ ማጻፋ 22:41

Ta morkketi guye simmi baqatana mala ooththadasa; tana ixxizayta dhayssadasa.

ዬ ማጻፋ 21:12

Nekka istta ne wondafeza yiishshan gooddaasa; istti guye simmidi baqatana mala ooththaasa.

ኬሳ ማጻፋ 34:24

Dumma dumma dereta tani intte sinththafe yedeththa kessana; histtada intte zawaa tani aassana. GODAA intte Xoossaa sinththan intte layththan heedzdzaa beettanaas pude keziza wode oonikka intte biitta amottenna.

ታይቦ ማጻፋ 22:3

Isra7eele asay keehi daro gidida gishshas Mo7aabe asay keehippe babbides.

ዛሬ ማጻፋ 6:19

Izi inttes hidota qaala gelida mala intte intte morkketa gooddi dhayssana.