ኬሳ ማጻፋ 23:19 - Geeshsha Maxaafa

¹⁹ Ne gaden bayra kaxxida kaththa ubbaafe lo7izayssa GODAA ne Xoossaa soo ekka ya. Deyshsha laaqqa iza aayey maaththan doyssofa.

ጋሞ ማጻፋ

¹⁹ ኔ ጋዴን ባይራ ካጺዳ ካ ኡባፌ ሎኢዛይሳ ጎዳ ኔ ጾሳ ሶ ኤካ ያ። ዴይሻ ላቃ ኢዛ ኣዬይ ማን ዶይሶፋ።

ኬሳ ማጻፋ 23:19 Referans Kwoze

ኬሳ ማጻፋ 34:26

«Intte gaden bayra kaxxida kaththaafe koyro xeeraa GODAA intte Xoossaa keeth ehite. «Deyshsha laaqqa iza aayey maaththan doyssofte» gides.

ዛሬ ማጻፋ 14:21

GODAA intte Xoossaas intte dummatida dere gidida gishshas bawuti hayqqida mehe asho moopite; hara dereppe yiidi intte giddon dizayti maana giikko diggofte; woykko hara dere asas bayzana dandayeeta. Deyshsha laaqqa iza aayey maaththan doyssofte.

ዛሬ ማጻፋ 26:10

Hessa gishshas hekko tanikka izi taas immida gaden kaxxida kaththaafe xeera izas ekka yadis» gaada keesheza woththada GODAA ne Xoossaa sinththan hokka goynna.

ናሂሚያ ማጻፋ 10:35

«Layththan layththan nu kaththatanne miththa ayfeta maxi shiishshiza wode koyro gakkiza shachchas xeera Xoossa keeth efi immana.

ኬሳ ማጻፋ 22:29

«Ne kaththa xeera, woyne miththa ayfe xeeranne wogara zayte taas yarsho shiishsha. Neni ne attuma nayta giddon bayratiza naa taas immanaas bessees.

ዛሬ ማጻፋ 26:2

GODAA ne Xoossay nees immiza biittan mokkida kath ubbaafe xeera keeshera GODAA ne Xoossay ba sunththi hessan xeygettana mala dooridaso ekka ba.

ዮሃኒሳ ኣጁታ 14:4

Heyti machchonttayta gidida gishshas istti maccara aqidi tunbeettenna; istti dorsay bizaso iza kaalleettes; istti Xoossassinne iza dorsazas asaa garsafe xeera kaththa mala shiiqidayta.

1ቆሮንቶሴ ኣሳስ 15:20

Gido attiin Kirstoosi hayqqidaytas ubbaas bayra gididi hayqoppe tumu dendides.

ኤርማሳ ቲንቢቴ 10:3

Gaasoykka dereta wogay hada. Istti mith worappe qanxxeettes; hiillay massi giigssees.

ሌሚሶ ማጻፋ 12:10

Xillo asi ba mehes qadhettees; iita asi kiyattees giikkoka menxe iita.

ሌሚሶ ማጻፋ 3:9

GODAA ne aqotan bonchcha; biittay nees immiza ayfe ubbaafe xeeraa izas imon bonchcha.

ኬሳ ማጻፋ 22:28

«Xoossa bolla cashsha qaala haasayoppa, woykko dere ayssizaade qanggofa.

ታይቦ ማጻፋ 15:21

Buroppe yaana yeleta ubbaan koyro dhiillezappe ekkidi GODAAS imota shiishshite.

ናሂሚያ ማጻፋ 10:36

«Nuuppe issoy issoy koyro yelettida attuma nayta Xoossa wogay azaziza mala istta Xoossas dummasana; Xoossa Keeththan ooththiza qeesetas immana; qasse nu miizatappe, nu dorsatappe, nu deyshatappe koyro yelettiza maratanne laaqqata ubbaa Xoossas dumma shaakkana.

ሂዚቄላ ቲንቢቴ 44:30

Koyro gakkiza dumma dumma kaththas koyro ayfeynne intte GODAAS immiza imota ubbay qeesetassa. Intte keeththan anjjoy shempana mala, intte dhiillefe koyro kushe isttas immite.

ሂዚቄላ ቲንቢቴ 48:13

«Qeeseta zawara oykettidi, Lewetaska adussateththay 12 kilo metire bagga, aahoteththaykka 5 kilo metire gidida issi gishay imetto.

ሂዚቄላ ቲንቢቴ 48:14

Istti he gadezappe aykkoka bayzoppetto woykko laammofetto. Hessi biitta ubbaan dummatidayssa gidida gishshas hara asa kushen gelanaas bessenna; GODAAS izi geeshshasoho.