ኬሳ ማጻፋ 17:6 - Geeshsha Maxaafa

⁶ Tani Siina zuman diza zaallaa bolla heen ne sinththan eqqada naagana; neni he zaallaa shoca; asay uyana mala haaththi izappe kezana» giin Musey Isra7eele cimata sinththan izi gida mala ooththides.

ጋሞ ማጻፋ

⁶ ታኒ ሲና ዙማን ዲዛ ዛላ ቦላ ሄን ኔ ሲንን ኤቃዳ ናጋና፤ ኔኒ ሄ ዛላ ሾጫ፤ ኣሳይ ኡያና ማላ ሃ ኢዛፔ ኬዛና» ጊን ሙሴይ ኢስራኤሌ ጪማታ ሲንን ኢዚ ጊዳ ማላ ኦዴስ።

ኬሳ ማጻፋ 17:6 Referans Kwoze

1ቆሮንቶሴ ኣሳስ 10:4

Wurikka issi ayana ushshu uyida; istti uyidaykka bana kaalliza ayana zaallafe pulttidayssafe; he zaallayka Kirstoosa.

ናሂሚያ ማጻፋ 9:15

Istti gafettida wode saloppe kath immadasa; istti saamettida wode haath zaallafe isttas pulttisadasa; qasse ne isttas immana gaada caaqqida biittaa gelidi ekkana mala azazadasa.

ዛሬ ማጻፋ 8:15

Marze shooshshaynne masimasoy kumida keehi hirgisiza bazzora inttena kaaleththides; izi inttes mela bazzon mino zaallafe haaththe pulttisides.

ዬ ማጻፋ 105:41

Izi zaalla phalqiin haaththi pulttides; shaafa malakka duge bazzo goggides.

ዮሃኒሳ ሚሺራቾ 4:10

Yesusikka izis, «Xoossa imotaynne nena, ‹Tana haaththe ushsha› gizaadey izi oonakkonne ne erizaakko ne iza woossanaas bessees. Izikka nees de7o haaththe immanakkoshin» gides.

ዬ ማጻፋ 114:8

Izi zaalla eele haath kessides; wolqqama zaalla pultto haath kessides.

ዬ ማጻፋ 46:4

Xoossa katama, Ubbaafe Dhoqqa Xoossay dizason ufayssiza shaafati deettes.

ዬ ማጻፋ 78:20

Zaallaa shociin pulttoy ke7idi shaafa haaththi goggides; histtiin izi nuus miza kath immanawu dandayzee? Woykko ba asaas asho immanawu dandayzee?» gi haasayda.

ዮሃኒሳ ኣጁታ 22:17

Xillo Ayanaynne iza mishiraya, «Haa ya!» geettes; hessa siyizaadeyka, «Ne haa ya!» go. Saamettidaadeyka haa yo; koyidaadey de7o haaththe aykko waagakka qanxxontta coo mela uyo.

ዮሃኒሳ ሚሺራቾ 4:14

Ta immiza haaththe uyizaadey gidikko mernaas mulekka saamettenna; gaasoykka ta immiza haath uyizaades mernaa de7os pulttiza pultto haaththe gidana» gides.

ኢሳያሳ ቲንቢቴ 48:21

Izi istta bazzo biittara kaaleththishin istti saamettibeettenna. Izi isttas zaallafe haath pulttisides; izi zaallaa phalqides; haaththika dhuuqqi kezides.

ኬሳ ማጻፋ 16:10

Aarooney Isra7eele asaa maabara ubbaas yootida mala asay bazzo simmi xeellishin heen GODAA bonchchoy shaarara qonccidayssa be7ida.

ኬሳ ማጻፋ 14:16

Isra7eele asay mela biitta bollara abbaa pinni baana mala ne guufe denththadanne ne kushe abbaa bolla piddisada haaththaa nam7u kessa shaakka.

ታይቦ ማጻፋ 20:8

«Caaqo Qaala Taabotaa sinththan diza guufeza ekkida neninne Aarooney kumeththa maabara issi bolla shiishshite; neni heen kumeththa deraa sinththan diza zaallazi haaththe immana mala yoota; neni hessaththo ooththada zaallazappe isttas haaththe kessa; histtiko isttinne istta mehey haath uyidi alana.»

ዛሬ ማጻፋ 1:2

Siina zumaappe dendidi Qaadeese Barine gakkanaas Eedoome zumata bollara efiza toho ogera biikko tammanne issi gallas ekkees.

ዬ ማጻፋ 74:15

Neni pulttotanne kanchcheta doya yeddadasa; ubba wode goggiza shaafata qasse melissadasa.

ዬ ማጻፋ 78:18

Istti keehi amottida kath oychchida; erishe ba wozinan Xoossa paaccida.

ዬ ማጻፋ 81:7

Intte meto wode tana xeygideta; histtiin tani inttena ashshadis; tani shaara giddora dadan inttena alladis; Mariiba geetettiza pultto haaththa matan tani inttena paaccadis.