ኬሳ ማጻፋ 15:2 - Geeshsha Maxaafa

² GODAY taas wolqqanne mazamure; izi tana ashshides. Izi ta Xoossa; tani iza sabbana. Izi ta aawa Xoossa; tani iza dhoqqu dhoqqu histtana.

ጋሞ ማጻፋ

² ጎዳይ ታስ ዎልቃኔ ዬ፤ ኢዚ ታና ኣሺዴስ። ኢዚ ታ ጾሳ፤ ታኒ ኢዛ ሳባና። ኢዚ ታ ኣዋ ጾሳ፤ ታኒ ኢዛ ቁ ቁ ሂስታና።

ኬሳ ማጻፋ 15:2 Referans Kwoze

ኢሳያሳ ቲንቢቴ 12:2

‹Be7ite, Xoossay ta atoteththa; tani izan ammanettiza gishshas babbike; GODAY, Xoossay taas minoteththinne yeththa; ta atoteththay iza› gaandasa.

ዬ ማጻፋ 118:14

GODAY taas minoteththinne yeththa; tana ashshizay iza.

ዬ ማጻፋ 18:46

GODAY de7o Xoossa! Ta zemppiza wogga zaallay galatetto! Tana ashshida Xoossay dhoqqu dhoqqu go!

ዬ ማጻፋ 59:17

Abeet Xoossawu! Ta wolqqay nena; ne taas miixa; ne mernaa siiqon tana siiqaasa; hessa gishshas galata yeththan ta nena sabbana.

ኢሳያሳ ቲንቢቴ 25:1

Abeet GODAWU! Neni ta Xoossaa. Tani nena dhoqqu dhoqqu histtana; ne sunththaaka sabbana. Gaasoykka benippe qofettidayssa malalisiza hano kumeththa ammaneteththan ooththadasa.

ዬ ማጻፋ 140:7

Abeet Ubbaafe Wolqqama GODAWU! tana ashshiza minozoo! ola gallas taas gondalle gidadasa!

ዬ ማጻፋ 99:9

GODAA nu Xoossaa dhoqqu dhoqqu histtite; iza geeshsha zuma bollan izas goynnite; ays giikko GODAA nu Xoossay geeshsha Xoossa.

ዮሃኒሳ ኣጁታ 15:3

Xoossa oosanchcha Muse yeththinne dorsaza mazamure, «Ubbaa Dandayza Godaa Xoossoo! Ne oosoy gitanne malalisizaaza; dere kawozoo! Ne ogey likkenne tuma.

ፒሊጲሲዮሴ ኣሳስ 2:11

Asa inxarsi wurikka Xoossaa Aawaa bonchchos Yesus Kirstoosi Godaa gididayssa markkattanaassa.

ዬ ማጻፋ 118:28

Neni ta Xoossa; tani nena galatana; Neni ta Xoossa; tani nena gitasana.

ዬ ማጻፋ 99:5

Izi dumma gidida gishshas GODAA nu Xoossaa dhoqqu dhoqqu histtite; iza toho garsankka gufannidi izas goynnite.

ዬ ማጻፋ 34:3

Ane tanara issife GODAA bonchchoos; iza sunththaaka dhoqqu dhoqqu ooththoos.

ዛሬ ማጻፋ 10:21

Intte Xoossay iza; izi inttes ooththida gitanne malalisiza miishshata ubbaa intte intte ayfen be7ida gishshas ubba wode iza galatite.

ኬሳ ማጻፋ 3:6

Qasseka Xoossay iza, «Tani ne aawata Abrahaame, Yisaaqanne Yaaqoobe Xoossa» gides. Histtiin Musey Xoossaa xeellanaas babbida gishshas ba ayfeso kammides.

2ቆሮንቶሴ ኣሳስ 5:19

Hessika Xoossi Kirstoosa baggara hankko alame asaa wursika banara maqayinththides guussa; istta qohozakka qoodibeenna; nuni as Godaara maqayinththana qaala nuuska immides.

ሃዋሬታ ኦሶ 4:12

Atoteththi hara oonankka baa; saloppe garsa baggara nu asa nayti attana mala nuus imettiday hayssafe hara sunththi deenna» gides.

ዬ ማጻፋ 145:1

Abeet ta kawo Xoossawu! Tani nena dhoqqu dhoqqu histtana; ne sunththa mernaaskka galatana.

2ሳሜላ ማጻፋ 22:47

«GODAY de7o Xoossa; ta zaallay izi anjjetto; ta atoteththa zaallay ta Xoossay dhoqqu dhoqqu go.

ኬሳ ማጻፋ 14:13

Musey asaa, «Babbofte; minni eqqite; GODAY hach inttena ashshanayssa intte beyana. Hach intte be7iza Gibxe asaa nam7anththo mulekka be7ekketa.

ኬሳ ማጻፋ 4:22

He wode tani GODAY gizayssa kawaas: Isra7eeley taas bayra naa;

ኤፌሶኔ ኣሳስ 2:22

Intteka Xoossi ba Ayanan daanaas izas duussaso gidana mala issife keexettishe deeta.

ኢሳያሳ ቲንቢቴ 49:6

«Neni taas oosanchcha gideththi, Yaaqoobe qommota ne zaaranayssinne ta naagida Isra7eele zaarada ne ehanayssi hessi nena deexxenna; qasseka ta atoteththaa biitta gaxa ne gaththana mala, tani nena kawoteththatas poo7o histtana» gees.

ዬ ማጻፋ 109:1

Abeet tani galatiza Xoossawu! Neni taas co7u gooppa.

ዬ ማጻፋ 27:1

GODAY taas poo7onne tana ashshizayssa; histtiin tani oonas yayyanee? GODAY ta shemppoys attiza miixa; histtiin tani oonas babbanee?

ኬሳ ማጻፋ 40:34

Hessafe guye shaaray Xoossa Dunkaaneza kammides; GODAA bonchchoyka iza kumides.

ዮሃኒሳ ኣጁታ 19:1

Hessafe guye daro asa qaala giiris misatiza gita qaala giirissi saloppe, «Hale luuya! Atoteththi, bonchchoy, wolqqayka nu Godaassa.

ፒሊጲሲዮሴ ኣሳስ 4:13

Taas wolqqa immiza Kirstoosan tani ubba miish ooththanaas dandayays.

ዮሃኒሳ ሚሺራቾ 5:23

Izi hessaththo ooththiday asay wuri Aawa bonchchana malanne qasseka naazakka bonchchana malassa. Naaza bonchchonttay naaza kiittida Aawaakka bonchchenna.

ዮሃኒሳ ሚሺራቾ 4:22

Intte intte erontta Xoossas goynneeta; nu gidikko asas atoteththi Ayhudappe gidida gishshas nuni nu eriza Xoossas goynnoos.

ሉቃሳ ሚሺራቾ 1:77

Asay ba nagarappe maarettida gishshas deres atoteththa erateth ne immana mala,

ዛካራሳ ቲንቢቴ 13:9

He attida issi kushe asaa ta gede taman yeggana; bira taman geeshshiza mala ta geeshshana; worqqa malakka paaccana; istti ta sunth xeygana; tanikka isttas koyana; ta isttas, ‹Ta dereta› gaana; isttika, ‹Nu GODAA› gaana» gides.

ኤርማሳ ቲንቢቴ 32:38

Istti ta dere gidana; tanikka istta Xoos gidana.

ኤርማሳ ቲንቢቴ 31:33

«Gido attiin tani GODAY he wodeppe guye Isra7eele deraara ta caaqettana caaqoy hayssa; tani ta woga istta wozinan xaafa woththana; tanikka isttas Xoossa gidana; isttika ta dere gidana.

ኤርማሳ ቲንቢቴ 3:23

Nuni zumbullata bollanne zumata bolla eeqa xoossatas goynoy tumappe nuus bala; tumappe nuus Isra7eeletas atoteththi GODAA nu Xoossaafe.

ኢሳያሳ ቲንቢቴ 66:1

GODAY, «Saloy taas araata; sa7aykka taas yedhdhizaso; histtiin intte taas keexxana keeththinne ta shemppana soy awayssee?

ኢሳያሳ ቲንቢቴ 45:17

Isra7eeley gidikko GODAAN mernaa atoteth attana; intteka mernaas yeellatekketanne kawuyekketa.

ዬ ማጻፋ 132:5

Hessika tani GODAAS duussaso, wolqqama Yaaqoobe Xoossas aqoso giigsana gakkanaassa» gides.

ዬ ማጻፋ 68:20

Be7ite! Nu Xoossi ashshiza Xoossa! Hayqoppe attana dandayettizay GODAY ashshiina.

ዬ ማጻፋ 30:1

Abeet GODAWU! Neni tana ciimmafe kessadasa; ta morkketi ta bolla ufayettontta mala ooththadasa; hessas ta nena dhoqqu dhoqqu histtays.

ዬ ማጻፋ 28:8

GODAY ba deraas wolqqa; izi ba tiyda kawoza ashshiza miixa.

ዬ ማጻፋ 22:10

Tani yelettoosofe doommada nenan diccadis; ta aayey uloppe doommadakka neni ta Xoossa.

ዬ ማጻፋ 22:3

Ne gidikko geeshsha kawo; Isra7eele galatay ne yuushon dees.

1ካዎታ ማጻፋ 8:27

«Tumappe Xoossi sa7a bolla de7i erizee? Be7a saloy, salotappe bollan diza saloykka nena oykkana dandayenna; histtiin hayssi ta keexxida Xoossa Keeththay nees ay gidanee!

1ካዎታ ማጻፋ 8:13

Hekko tani neni izan mernaas de7ana mala gita Keeth keexxadis» gi woossides.

2ሳሜላ ማጻፋ 22:51

Izi kawozas gita xoono immees; ba tiyda Dawitesinne iza zereththas, ba mernaa kiyateth bessees.»

2ሳሜላ ማጻፋ 7:5

«Neni baada ta aylle Dawites: Ta izan daana keeth ne keexxaka.

ሜቴ ማጻፋ 17:7

Tani taappenne neeppe, neeppe guye ne zereththa giddon, yeletappe yeleta gakkanaas ta gelida caaqo qaala minththana; ha caaqoykka tani neessinne neeppe guye ne zereththas Xoos gidana.

ቆላሲያሴ ኣሳስ 2:9

Gaasoykka kumeththa Xoossateththay iza asateththan dees.

ሜቴ ማጻፋ 49:18

«Abeet Godoo! Ta ne maado naagays.

ዳናታ ማጻፋ 5:21

Beni Qisoone shaafaa kixay istta denththi efides; isttika haron meecetti dhayda; Ta shemppoyee minna; wolqqankka sinth gujja.

ዬ ማጻፋ 48:14

Intte, «Meri mernaas ha Xoossay nu Xoossa; nu hayqqana gakkanaas izi nuna kaaleththana» giidi yootite.

ኢምባቆ ቲንቢቴ 3:13

Neni ne dere ashshanaasinne ne tiydaade ashshanaas kezadasa, iita dere kaaleththizaade liiqisadasa, hu7eppe toho xugunth gakkanaas kallo ashshadasa.

ኬሳ ማጻፋ 6:7

Tani inttena ta dere histtana; tani intte Xoossaa gidana. He wode ta inttena Gibxe asaa aylleteththafe kessida intte GODAA Mernaa Xoossaa gididayssa intte erana.

2ሳሜላ ማጻፋ 7:24

Ne dereza Isra7eele mernaas nees buzo dere ooththada minththadasa; GODAWU, ne iza Xoos gidadasa.

2ሳሜላ ማጻፋ 22:3

Ta Xoossay ta geemettiza zaalla, taas gondallenne atoteththa kace; izi taas mino miixa; taas zempponne tana ashshizaade; ne tana makkallanchchatappe ashshaasa.

1ታሪኬ ማጻፋ 16:14

Izi GODAY nu Xoossa; iza pirday ubbaa bollanna.

ዬ ማጻፋ 118:21

Neni taas siyida gishshassinne xoono immida gishshas tani nena galatays.