ኬሳ ማጻፋ 15:16 - Geeshsha Maxaafa

¹⁶ Abeet GODAWU! Dagamaynne hirgay istta oykkana. Istti ne wolqqa gitateth be7idi, ne asay aadhdhana gakkanaas, neni wozzida asay aadhdhana gakkanaas, shuchcha mala toletti eqqana.

ጋሞ ማጻፋ

¹⁶ ኣቤት ጎዳዉ! ዳጋማይኔ ሂርጋይ ኢስታ ኦይካና። ኢስቲ ኔ ዎልቃ ጊታቴ ቤኢዲ፥ ኔ ኣሳይ ኣና ጋካናስ፥ ኔኒ ዎዚዳ ኣሳይ ኣና ጋካናስ፥ ሹቻ ማላ ቶሌቲ ኤቃና።

ኬሳ ማጻፋ 15:16 Referans Kwoze

ዬ ማጻፋ 74:2

Beni neni doorida ne deraa nees buzo histta wozzida zareta hassa7a; neni de7ida Xiyoone Zuma qoppa.

ዛሬ ማጻፋ 2:25

Hachchafe guye awankka diza dere asay inttes babbana mala ta ooththana; oonikka intte gishshas siyidi wurikka hirgan kokkorana» gides.

1ሳሜላ ማጻፋ 25:37

Wonteththa gallas ushshaa maththoy iza aggidaappe guye iza hanoza ubbaa izas yootiin, iza wozinaykka keehi dagammidi co7u gides. Iza bollay shuchcha mala aha kezides.

ኢያሶ ማጻፋ 2:9

«GODAY ha biittaa inttes immidayssa, inttes yashshateththi nunan kumidayssanne ha biittan de7iza asaa wozinay inttes hirgan seeridayssa ta erays.

2ጴጽሮሳ ኪታ 2:1

Gido attiin beni wode wordo nabeti dere giddon dizayssa mala hessaththoka ha7i intte giddon wordo astamaareti de7andettes; heytantti asa dhayssiza wordo timirte qotara diccana mala ooththeettes; bana ashshida Godaakka kaddidi bana eeson dhayssizaaz ba bolla eheettes.

1ጴጽሮሳ ኪታ 2:9

Intte gidikko dhumappe gede daro malalisiza iza poo7okko xeygida malalisiza Xoossaa ooso awajjanaas doorettida yeletata, Kawo qeeseta, Xoossi inttena baas histtida intte dumma dereta.

Titosas 2:14

Izikka nuna iitateththaafe wozzanaassinne lo7o ooththanaas minniza ba dere baas dooranaas bana nuus aaththi immides.

ኤርማሳ ቲንቢቴ 31:11

Gaasoykka GODAY Yaaqoobe wozzana; izappe minnizayta kusheppe iza kessi ekkana.

ዛሬ ማጻፋ 11:25

Inttenara ay asikka eqettanaas dandayenna; GODAA intte Xoossay inttes immida hidota qaalaa mala intte bizaso ubbaan asay inttena be7idi dagammana malanne yayyana mala ooththana.

ኬሳ ማጻፋ 11:7

Gido attiin Isra7eele nayta giddon asa bolla woykko mehe bolla asi attoshin kanaykka boccenna› gides. He wode GODAY Gibxessinne Isra7eele naytas giddon shaakoteth medhdhanayssa intte erana.

ሃዋሬታ ኦሶ 20:28

Xillo Ayanay inttena Xoossa dorsata heemmanaas shuumides; hessa gishshas intte hu7essinne Xoossa dorsatas naagettite; Goday ba suuththan wozzida Woosa Keeththayo naagite.

ኢሳያሳ ቲንቢቴ 51:10

Wozzetti attidayti pinnana mala, abbaanne ciimmaa haaththaa melissiday, ciimma giddora oge giigsiday nena gidikkii?

2ሳሜላ ማጻፋ 7:23

«Ba dere gidana mala iza ashshanaas Xoossi izappe sinththara bida derey, ba sunththas ooththana mala kawoteththatanne istta eeqa xoossata ba sinththafe gooddidi gitanne yashissiza malaata ooththidi Gibxeppe wozzi ekkida ne dere Isra7eele malay biitta bolla ooni dizee?

1ሳሜላ ማጻፋ 2:9

«Izi geeshshata toho naagees; iitati gidikko dhuman yegettana; asi ba wolqqan xoonenna.

ዛሬ ማጻፋ 32:9

«Isra7eeley GODAAS gisha; Yaaqoobeykka izas buzo miishsha.

ዛሬ ማጻፋ 32:6

«Intteno eeyatoo! Qasseka wozinay bayndaytoo! Intte GODAAS immiza zaaroy hayssee? Inttena medhdhida intte aaway iza gidennee? Inttena medhdhidi hayssas gaththiday iza gidennee?

ኬሳ ማጻፋ 23:27

«Inttenara gaaggiza dereta ubbaa daganththana mala tani ta yashshateth intte sinththara yeddana; intte morkketi wuri inttes zokko zaaridi, baqatana mala ta ooththana.

ሜቴ ማጻፋ 35:5

Hessafe guye istta yuushon diza katama ubba asaa bolla Xoossafe dagamaynne yashshateththi wodhdhida gishshas Yaaqoobeynne iza attuma nayti dendidi bishin oonikka istta oykkanaas kaallibeenna.

ኬሳ ማጻፋ 15:5

Ciimma haaththi istta kammides; istti shuchchaththo ciimman mitettida.

ኬሳ ማጻፋ 15:6

«Abeet GODAWU! Ne ushachcha kushey wolqqan goobides; GODAWU ne wolqqama ushachcha kushey morkke menththereththides.

ኬሳ ማጻፋ 15:13

«Ne wozzida ne asaa wurontta ne siiqon kaaleththadasa. Neni ne wolqqan istta ne aqiza geeshsha soo gelththadasa.

ኬሳ ማጻፋ 18:8

GODAY Isra7eele asaa gishshas Gibxe kawo bollanne Gibxe asaa bolla ooththidayssa, oge bolla istta gakkida daaburanne GODAY istta ashshidayssa ubbaa Musey ba bollozas yootides.

ኬሳ ማጻፋ 20:2

«Nena Gibxeppe aylleteththa biittafe kessida GODAA ne Xoossay tana.

ኬሳ ማጻፋ 23:20

«Ne ogen nena naagana malanne tani nees giigsidaso nena efana mala, tani kiitanchcha ne sinththara yeddana.

ዛሬ ማጻፋ 2:4

Deraa, ‹Intte dabbo Eesawe zereththati diza Eedoome derera aadhdhi baana; istti inttes yayyana; gidikkoka intte keehi naagettite.

ኢያሶ ማጻፋ 4:24

Hessaththo izi ooththiday sa7an diza asay wuri GODAA wolqqay ay mala gitakko eranaassinne intteka GODAAS intte Xoossaas mernaas yayyanaassa» gides.

ዬ ማጻፋ 105:38

Gibxe asati isttas daro yayyida gishshas istti kezi bishin ufayettida.

ኢሳያሳ ቲንቢቴ 63:12

Bonchchettida wolqqama qese, Muses ushachcha kushe bolla woththides; baas mernaas sunth kessanaas, haaththata istta sinththan shaakkides.

ኬሳ ማጻፋ 6:7

Tani inttena ta dere histtana; tani intte Xoossaa gidana. He wode ta inttena Gibxe asaa aylleteththafe kessida intte GODAA Mernaa Xoossaa gididayssa intte erana.

ኬሳ ማጻፋ 23:22

Izi yootizayssa intte lo7eththi siyikko, tani yootizayssa ubbaa ooththiko intte morkketa ubbaa tani morkkana; inttenara eqettizaytara tanikka eqettana.

ዬ ማጻፋ 89:14

Xilloteththinne suure pirday ne kawoteththa araataas yochcha; maaroteththinne ammaneteththi neeppe sinththara beettes.

ሂዚቄላ ቲንቢቴ 16:8

«Qasseka ta heera aadhdha bashe xeelladis; ne gelo gakkida geela7o gididayssa be7ada ta may7o macara ne bolla yeggada ne kalloteth kammadis; nees caaqqadis; nenara qaala geladis; ne taassa» gees Ubbaa Haariza GODAY.