ኬሳ ማጻፋ 15:11 - Geeshsha Maxaafa

¹¹ «Abeet GODAWU! Eeqa xoossata giddon ne malay oonee? Geeshshateththan bonchchettizay, bonchchon babisizaynne, malalisiza miish ooththizay ne malay oonee?

ጋሞ ማጻፋ

¹¹ «ኣቤት ጎዳዉ! ኤቃ ጾሳታ ጊዶን ኔ ማላይ ኦኔ? ጌሻቴን ቦንቼቲዛይ፥ ቦንቾን ባቢሲዛይኔ፥ ማላሊሲዛ ሚሽ ኦዛይ ኔ ማላይ ኦኔ?

ኬሳ ማጻፋ 15:11 Referans Kwoze

1ካዎታ ማጻፋ 8:23

histtidi, «Abeet GODAWU, Isra7eele Xoossawu! Bolla salon woykko garsa sa7an ne mala Xoossi deenna; ba kumeththa wozinan ne sinththan minni eqqida ne oosanchchatas ne caaqqida qaalaa naagizaynne ne mino siiqoza qonccisizay nena.

1ሳሜላ ማጻፋ 2:2

«GODAA mala geeshshi oonikka deenna; neeppe attiin haray deenna; nu Xoossaa mala Zaallay deenna.

2ሳሜላ ማጻፋ 7:22

«Ubbaa Haariza GODAWU, ne ay mala gitaa! Mulekka nena misatizay oonikka deenna; nuni nu hayththara siyida mala neeppe attiin hara Xoossi deenna.

ዮሃኒሳ ኣጁታ 4:8

He oyddu do7ati issoy issoy usuppun qefera deettes; qefeta yuushoninne qefeta giddon ayfey kumides; istti qammanne gallas, «Geeshshawu! Geeshshawu! Geeshshawu! Ubbaa dandayza Godoo! Kasekka ha7ikka dizayssoo! Burokka yaanaysso guussafe shempi erettenna.

ኢሳያሳ ቲንቢቴ 6:3

Issoy issaara, «Geeshshawu, geeshshawu, geeshshawu Ubbaafe Wolqqama GODAA Xoossawu! Sa7a ubbay iza bonchchon kumides» gida.

ዛሬ ማጻፋ 3:24

«Ubbaafe dhoqqa GODAWU! Ne gitateththaanne ne mino qeseza taas ne ayllezas beso doommadasa; neni ooththiza gitanne wolqqama oosota ooththiza hara GODAY Salonkka Sa7ankka deenna.

ዬ ማጻፋ 86:8

Abeet Godawu! Ne malay xoossata giddon baawa; ne oosora ginattiza oosoykka deenna.

ዬ ማጻፋ 77:14

Neni malalisizaaz ooththiza Xoossa; dereta giddon ne wolqqa bessaasa.

ዮሃኒሳ ኣጁታ 15:4

Godoo, nees babbontta asinne ne sunth bonchchontta asi oonee? Neni nerkka geeshsha; ne tumaa pirday qonccida gishshas dereti wuri yiidi ne sinththan nees goynnana» gi yexxida.

ኢሳያሳ ቲንቢቴ 40:25

Geeshshazi isttas, «Tana oonara giniseetii? Tanara ginattizay oonee?» gees.

ዛሬ ማጻፋ 33:26

Isra7eele asawu! Saloppe inttena maaddanaas ba teemara shaara bolla hemettiza intte Xoossa mala hara Xoossi deenna.

ዬ ማጻፋ 77:19

Neni abba giddora hemettaasa; ciimma abba giddora kanththaasa; gidikkoka ne bida geedoy erettenna.

ኢሳያሳ ቲንቢቴ 40:18

Histtiin intte Xoossaa oonara giniseetii? Ay mislera gaththi giniseetii?

ዬ ማጻፋ 35:10

Ta kumeththa asateththay nena, «Abeet GODAWU! Qohettidayta qohizayta kusheppe ashshizay, hiyeesatanne metotanchchata bonqqizayta kusheppe naagizay hara ne malay oonee?» gaana.

ኬሳ ማጻፋ 8:10

Histtiin kawozi, «Wonto gido» gides. Museykka, «GODAA nu Xoossa malay oonikka bayndayssa neni erana mala ne gida mala ooththana.

ዬ ማጻፋ 66:5

Haa yiite; Xoossi ooththidaaz be7ite; izi asa giddon malalisiza ooso ooththides.

ኤርማሳ ቲንቢቴ 49:19

GODAY, «Gaammoy Yordaanoose woratappe mehe heemmiza demban kezi wodhdhiza mala tanikka Eedoomey qoppontta dishin keza wodhdhana; iza biittafe ta iza gooddana; ta dooridayssa iza bolla shuumana; ta malay oonee? tanara eqettana dandayzay oonee? tanara eqettana dandayza heenththanchchay oonee?» gees.

ኢሳያሳ ቲንቢቴ 57:15

Dhoqqu gidayssi, Ubbaa haarizayssi, izas sunththayka Geesh geetettidayssi, mernaas de7izayssi, «kawuyidayta ayana denththeththanaas, wozinay meqqidayta minththeththanaas, dhoqqu gida geeshshasohon ta de7ays; qasseka wozinay meqqidaytaranne ayanan ashke gididaytara tani de7ana.

ዬ ማጻፋ 145:17

GODAY ba oge ubbaan xillo; izi ba ooso ubbaan kiya.

ኤርማሳ ቲንቢቴ 10:16

Gido attiin Yaaqoobe qaaday heyta mala gidenna. Gaasoykka izi ubbaa medhdhidayssa; Isra7eeley doorettida dere. Iza dooridayssa sunththay Ubbaafe Wolqqama GODAA Xoossa.

ዬ ማጻፋ 119:120

Ta ashoy nees yayyidi kokkorees; takka ne pirdas yayyays.

ሉቃሳ ሚሺራቾ 12:5

Gido attiin intte babbanaas bessizay oonakko ta inttena bessana; asho wodhidaappe guye ashonne shempo issife gaththi Gaanname taman yegganaas dandayzayssas babbite; ee izas babbite gays.

ዬ ማጻፋ 90:11

Ne hanqoza wolqqa oonee erizay? ne hanqo seelay yashshees.

ሌዌታ ማጻፋ 19:2

«Hayssa Isra7eele naytas yoota, ‹Tani GODAY intte Xoossay dumma gidida mala intteka dumma gidite.

ኢሳያሳ ቲንቢቴ 30:11

Hayssa ogaappe kichchite; ha wogga ogaappe haakkite; Isra7eele Geeshshaara nuna tiran gaththofte» gaana.

ዬ ማጻፋ 89:18

Nu gondalley GODAA kushenna; nu kawoykka Isra7eele geeshsha kushenna.

ዮሃኒሳ ኣጁታ 13:4

He do7azas godateththi imettida gishshas asay wurikka he dawezas goynnides. «Hayssa do7aza misatizay oonee? Izara olettanaas dandayzay oonee?» gishe izas goynnides.

ኬሳ ማጻፋ 3:20

Hessa gishshas tani ta kushe yeddada istta giddon tani ooththiza ta malaatata ubbaan Gibxe asaa shocana. Hessafe guye izi inttena yeddana.

ኬሳ ማጻፋ 9:14

Ne yeddontta ixxiko ne bolla, daannata bollanne ne asaa bolla ta wolqqama hanqo ha7i yeddana; hessankka biitta bollan ta malay bayndayssa neni erana.

ኬሳ ማጻፋ 18:11

Izi Isra7eele asaa bolla otorettidaytas hayssa ooththida gishshas GODAY hara eeqa xoossata ubbaafe gooba gididayssa tani ha7i eradis» gides.

ኬሳ ማጻፋ 20:3

«Taappe attiin hara eeqa xoossatas goynnofa.

2ታሪኬ ማጻፋ 2:5

«Nu Xoossay hara xoossata ubbaafe gita gidida gishshas tani keexxanaas giigettiza Xoossa Keeththayka gita.

2ታሪኬ ማጻፋ 6:14

Histtidi, «Abeet GODAWU, Isra7eele Xoossawu! Salon woykko sa7an ne mala xoossi deenna. Bantta kumeththa wozinappe ne sinththan hemettiza ne aylletas ne maaroteththaanne ne caaqqida caaqo qaalaa naagaasa.

ዬ ማጻፋ 22:23

Intteno GODAAS yayyizaytoo, iza galatite! intteno Yaaqoobe zereththatoo! Ubbayka iza bonchchite! intteno Isra7eele zereththatoo! Ubbatikka bonchchon izas yayyite!

ዬ ማጻፋ 113:5

GODAA nu Xoossa malay oonee? Izi bolla dhoqqan kawoteththa araatan uttides.

ዬ ማጻፋ 136:4

Izi xalla gita malalisiza miish ooththees; iza siiqoy mernaassa.

ሚኪያሳ ቲንቢቴ 7:18

Dhayshe attida zereththaa nagara atto gi maariza ne mala Xoossi oonee? Neni mernaas hanqettaka; maaro gelizayssan ne ufayettaasa.

ኬሳ ማጻፋ 8:6

Histtiin Aarooney Gibxe haaththata bolla ba kushe piddisiin ooqqarsi kezidi Gibxe biitta may7ides.

ዛሬ ማጻፋ 1:30

Inttefe sinththara biza GODAA intte Xoossay kase intte ayfen be7ishin Gibxeta bolla ooththoyssa mala ha7ikka izi intte gishshas olettana.

ዛሬ ማጻፋ 4:34

Woykko GODAA intte Xoossay intte xeellishin Gibxe biittan inttes ooththizayssaththo paacen, malaatan, malalisiza miishshan, olan, mino qeseninne micettida kushen, qasse yashissiza ba wolqqan hara kawoteththata giddo gelidi issi kawoteth baas ekkanaas baaxetida hara xoossi dizee?

1ታሪኬ ማጻፋ 16:25

GODAY gita; izas bessiza galataykka dhoqqa; xoossata ubbaafe aadhdhees; izas yayyanaas bessees.

ዬ ማጻፋ 60:2

Neni biittayo qaaththada za7isadasa; iza kokkoriza gishshas neni izi za7a kunththa.

ዬ ማጻፋ 77:11

GODAWU! Ne oosota tani qoppana; neni beni wode ooththida malalisiza oosota ubbaa ta yuushsha qoppana.

ዬ ማጻፋ 86:10

Neni gita; malalisiza miish ooththaasa. Neni xalla Xoossa.

ኢሳያሳ ቲንቢቴ 46:9

Kase beni wode hanida yo7ota akeekite; tani Xoossa; taappe haray deenna; tani Xoossa; ta malay oonikka deenna.