ኬሳ ማጻፋ 14:30 - Geeshsha Maxaafa

³⁰ GODAY he gallas Isra7eele asaa Gibxe asaa kusheppe hayssaththo ashshides. Qasse Isra7eele asay Gibxe asaa aha abba doonan be7ides.

ጋሞ ማጻፋ

³⁰ ጎዳይ ሄ ጋላስ ኢስራኤሌ ኣሳ ጊብጼ ኣሳ ኩሼፔ ሃይሳ ኣሺዴስ። ቃሴ ኢስራኤሌ ኣሳይ ጊብጼ ኣሳ ኣሃ ኣባ ዶናን ቤኢዴስ።

ኬሳ ማጻፋ 14:30 Referans Kwoze

ዬ ማጻፋ 106:10

Izi istta ixxizayta kusheppe ashshides; morkketa kusheppe istta wozzides.

ዬ ማጻፋ 106:8

Gidikkoka izi ba sunththaa gishshas, ba gita wolqqa erisanaas istta ashshides.

ዩሁዳ ኪታ 1:5

Intte hessa ubbaaka kaseti erikkoka Goday ba dereza Gibxeppe kessidi ashshidayssanne hankko ammanonttayta guyeppe dhayssidayssa ta inttena akeekissana koyays.

ዬ ማጻፋ 58:10

Nagaranchchata bolla halo kessizayssa be7idi xilloti ufayettana. Iitata suuththan ba toho meecettana.

ዬ ማጻፋ 59:10

Ta Xoossay ba mernaa siiqon tanara gayttana; ta morkketa kundeth izi tana bessana.

1ሳሜላ ማጻፋ 14:23

He wode GODAY Isra7eele ashshides; olazi Beeti-Awenera kanththi bides.

ኬሳ ማጻፋ 14:13

Musey asaa, «Babbofte; minni eqqite; GODAY hach inttena ashshanayssa intte beyana. Hach intte be7iza Gibxe asaa nam7anththo mulekka be7ekketa.

ኢሳያሳ ቲንቢቴ 63:9

Istta meto ubbaan ceecides; Iza duussaa erisiza kiitanchchay istta ashshides; izi ba siiqoninne ba maaroteththan istta wozzides. Kase aadhdhida wode ubbaan istta denththidesinne tookkides.

ዬ ማጻፋ 91:8

Neni ne ayfen xeelo xalla xeellana; iitatikka qaxxayettishin be7ana.

2ታሪኬ ማጻፋ 32:22

Hessaththo ooththidi GODAY Hizqiyaasanne Yerusalaamen de7iza asaa Asoore Kawo Senakireeme kusheppenne hara morkketa ubbaa kusheppe ashshides; histtidi istta yuushon diza asa ubbaafe istta naagides.

ዛሬ ማጻፋ 4:34

Woykko GODAA intte Xoossay intte xeellishin Gibxe biittan inttes ooththizayssaththo paacen, malaatan, malalisiza miishshan, olan, mino qeseninne micettida kushen, qasse yashissiza ba wolqqan hara kawoteththata giddo gelidi issi kawoteth baas ekkanaas baaxetida hara xoossi dizee?

1ሳሜላ ማጻፋ 11:13

Sa7ooli gidikko, «Hach GODAY Isra7eele ashshida gallas gidida gishshas hachcha gallassan oonikka hayqqofo» gides.

ኢሳያሳ ቲንቢቴ 63:8

GODAYKKA, «Tumukka; istti ta dereta; istti taas wordotontta attuma nayta» gides. Hessa gishshas izi istta Ashshizaade gidides.

ኢሳያሳ ቲንቢቴ 63:11

Hessafe guye asay beni wodezanne Muse wode yuushshi qoppides; Ba dorsata heenththanchchatara ubbaafe kessidayssi izi awan dizee? Ba Geeshsha Ayana istta giddon woththidayssi ha7i awan dizee?

ዳናታ ማጻፋ 10:11

GODAYKKA isttas, «Gibxeti, Amooreti, Amooneti, Filisxeemeti,

ሆሴኤ ቲንቢቴ 1:7

Yuhuda asaas gidikko tani ta siiqo bessana. Tani GODAY istta Xoossay ashshana; ta istta ashshanayssi ola wolqqan gidenna; mashshan, tooran woykko paraninne paran olizaytan gidenna» gides.