ኬሳ ማጻፋ 14:21 - Geeshsha Maxaafa

²¹ Hessafe guye Musey abbaa bollan ba kushe piddisides; GODAY he gallassa omars kumeth arshey mokkiza baggafe wolqqama carko yeddidi, abbaa shaakki shaakkidi mela biitta kessides. Haaththayka nam7an shaakettides.

ጋሞ ማጻፋ

²¹ ሄሳፌ ጉዬ ሙሴይ ኣባ ቦላን ባ ኩሼ ፒዲሲዴስ፤ ጎዳይ ሄ ጋላሳ ኦማርስ ኩሜ ኣርሼይ ሞኪዛ ባጋፌ ዎልቃማ ጫርኮ ዬዲዲ፥ ኣባ ሻኪ ሻኪዲ ሜላ ቢታ ኬሲዴስ። ሃይካ ናምኣን ሻኬቲዴስ።

ኬሳ ማጻፋ 14:21 Referans Kwoze

ኢሳያሳ ቲንቢቴ 63:12

Bonchchettida wolqqama qese, Muses ushachcha kushe bolla woththides; baas mernaas sunth kessanaas, haaththata istta sinththan shaakkides.

ኬሳ ማጻፋ 15:8

Ne peenoy haaththaa pude essi doorides. Goggiza haaththika goda mala minni eqqides; ciimma giddon diza haaththi abbaa giddon irkkides.

ዬ ማጻፋ 66:6

Izi abba haaththa shaakkides; qasse beni nu aawati shaafara mela biittara tohon pinnida; nunikka izi ooththida ooson ufayettidos.

ኢሳያሳ ቲንቢቴ 51:10

Wozzetti attidayti pinnana mala, abbaanne ciimmaa haaththaa melissiday, ciimma giddora oge giigsiday nena gidikkii?

ዬ ማጻፋ 78:13

Abba shaakkidi giddora istta pinththides; izi haaththa yaanne haa shaakkidi goda mala essides.

ዬ ማጻፋ 74:13

Ne gita wolqqan abba shaakkadasa; iza giddon diza miimintteta hu7e qoo7ereththadasa.

ናሂሚያ ማጻፋ 9:11

Istta sinththan abbaa nam7u kessa shaakkada, mela biittarakka istta pinththadasa; Shuch duge ciimma haaththa giddon yeggiza mala istta gooddizayta ciimma haaththa giddo yeggadasa.

ኢያሶ ማጻፋ 4:23

Nuni pinnana gakkanaas GODAA nu Xoossay Zo7o abbaa kase nu sinththan melissida mala intteka pinnana gakkanaas GODAA intte Xoossay Yordaanoose shaafaa intte sinththan melissides.

ዬ ማጻፋ 136:13

Zo7o abba shaakki yeggides; iza siiqoy mernaassa.

ኬሳ ማጻፋ 14:16

Isra7eele asay mela biitta bollara abbaa pinni baana mala ne guufe denththadanne ne kushe abbaa bolla piddisada haaththaa nam7u kessa shaakka.

ኢሳያሳ ቲንቢቴ 51:15

Gaasoykka dambalay dendana mala abba qaaththiza Tani GODAY ne Xoossa; ta sunththi GODAA Ubbaafe Wolqqama Xoossa.

ኢዮቤ ማጻፋ 26:12

Izi ba wolqqan abbaa co7u ooththees; iza aadho erateththayka Era7aabe geetettizayssa dhayssana.

ሃዋሬታ ኦሶ 7:36

Izikka istta kaaleththidi Gibxeppe kessides; Gibxen, Zo7o abbaninne bazzo biittan oyddu tammu layth daro malalisiza miishshatanne gita malaatata isttas ooththides.

ሜቴ ማጻፋ 8:1

Gido attiin Xoossi Nohe, izara markabeza giddon diza do7anne mehe ubbaa qoppidi biitta bollan carko carkissiin haaththay wodhdhi wodhdhi bides.

ኬሳ ማጻፋ 7:19

GODAY Muses, «Neni Aaroones, ‹Ne guufe oykkada Gibxe haaththata bolla, shaafata bolla, zara haaththata bollanne eellida haaththi dizaso ubbaa bolla ne kushe piddisa› ga; izi ba kushe piddisikko haaththi wuri suuththan laamettana; Gibxe biitta ubbaan, haray attoshin, miththafenne shuchchafe wooci kessida haath tigiza miishshata ubbaan suuththi kumana» gides.

ኬሳ ማጻፋ 14:20

Gibxe asaassinne Isra7eele naytas giddon aadhdhi eqqides. He shaaray omars issi baggara dhumisidi hankko baggara poo7isides; histtiin omars kumeth issoy issaakko shiiqana dandaybeettenna.

ኢያሶ ማጻፋ 2:10

Gibxe biittafe intte kezida wode intte sinththan Zo7o abbaa GODAY wostti melissidaakko nuni siyidos; qasse Yordaanoose shaafappe arshe kessaso baggara diza Amoore biitta kawota nam7ata, Sihoonenne Aage intte wostti ubbaa dhayssidaakko nu siyidos.

ኢያሶ ማጻፋ 3:17

Isra7eele asay mela biitta yedhdhi pinniza wode asay wuri pinnana gakkanaas GODAA Caaqo Qaala Taabotaa tookkida qeeseti Yordaanoose shaafaa giddon mela biittan eqqaa gida.

2ካዎታ ማጻፋ 2:8

Eelaasi ba kaabba qaari ekkidinne xaaxidi izara haaththaa shocides; hessafe guye haaththay hadirsinne ushach shaaketti wodhdhides. Nam7ayka booluma biittara pinnida.

ኢሳያሳ ቲንቢቴ 23:11

GODAY ba kusheza abba bolla miccides; izi kawoteththatakka daganththides; Kanaane miixati laalettana mala azazides.

ኢሳያሳ ቲንቢቴ 43:16

Abbaa giddora oge, wolqqama haaththa giddora aadhdhizaso kessida GODAY,

ኢሳያሳ ቲንቢቴ 50:2

Tani yiza wode heen asi ays dhaydee? Ta xeygiza wode zaaro immiza asi heen waani dhaydee? Inttena wozzana miish cigganaas ta kushey qaammadee? Woykko inttena ashshanaas taas wolqqay guuththee? Be7ite ta hanqon abba melissays; shaafatakka bazzo kessays; isttan diza moleti saamon hayqqidi zeeqqeettes.

ኢሳያሳ ቲንቢቴ 63:13

Paray aykkoy baynda bazzo biittara kanththi biza mala, isttaka ciimma giddora kaaleththi pinththides; hessa gishshas istti dhuphettibeettenna.

ኢምባቆ ቲንቢቴ 3:8

GODAWU! Ne haaththata bolla hanqettadii? Ne hanqoy haaththa pulttota bolla dizee? Neni ne paratanne xooniza para-gaareta toggada kaaleththida wode abba bolla hanqettadii?

ኢዮቤ ማጻፋ 38:24

Wolqqanththi awappe dendizee? Woykko arshey mokkiza baggafe carkoy biitta bolla laalettizaso efiza ogey awanee?

ዬ ማጻፋ 148:8

Wolqqanththinne shachchi, kenchchoynne gubbanay, iza azazo poliza gote carkoti ubbatikka iza galatite.

ኢሳያሳ ቲንቢቴ 44:27

Tani ciimma haaththaaka, ‹Ne mela gida! Ne shaafatakka ta melissana› gaana.