ኬሳ ማጻፋ 14:17 - Geeshsha Maxaafa

¹⁷ Tani Gibxe asa wozina minththiko istti intte guye kaallidi abban gelana. Tani kawozanne iza olanchchata ubbaa bolla, iza para-gaaretanne toga asata bolla taas bonchcho demmana.

ጋሞ ማጻፋ

¹⁷ ታኒ ጊብጼ ኣሳ ዎዚና ሚንኮ ኢስቲ ኢንቴ ጉዬ ካሊዲ ኣባን ጌላና። ታኒ ካዎዛኔ ኢዛ ኦላንቻታ ኡባ ቦላ፥ ኢዛ ፓራ-ጋሬታኔ ቶጋ ኣሳታ ቦላ ታስ ቦንቾ ዴማና።

ኬሳ ማጻፋ 14:17 Referans Kwoze

ኬሳ ማጻፋ 14:8

GODAY Gibxe biitta kawo wozina minththiin minoteththara buro buussa bolla diza Isra7eele asaa gooddides.

ኬሳ ማጻፋ 14:4

Tani kawoza wozina minththana; izi istta gooddana; tani kawoza baggaranne iza olanchchata ubbaa baggara bonchchettana; Gibxe asaykka tani GODAA gididayssa erana» gides. Histtiin Isra7eele asay izi yootida mala ooththides.

ሂዚቄላ ቲንቢቴ 34:20

«Hessa gishshas Ubbaa Haariza GODAY isttas, ‹Be7ite, tani tarkka modhdho mehetassinne gilqa mehetas giddon pirdana.

ሂዚቄላ ቲንቢቴ 34:11

«Ubbaa Haariza GODAY, ‹Tani tarkka ta wudeta koyana; ta istta naagana.

ዛሬ ማጻፋ 32:39

«Tani xalla Xoos gididayssa erite; taappe hara Xoossi deenna; wodhizaykka paxa woththizaykka tana; tani madunththayssinne paththays; ta kusheppe oonikka inttena ashshenna.

ሂዚቄላ ቲንቢቴ 6:3

‹Isra7eele zumbullatoo! Ubbaa Haariza GODAA qaala siyite! Ubbaa Haariza GODAY zumbullatas, poggonotas, kakatassinne zulletas: ta intte bolla mashsha ehana; intte istta bolla goynnizasohotakka dhayssana.

ሂዚቄላ ቲንቢቴ 5:8

Hessa gishshas Ubbaa Haariza GODAY, «Hekko, tani ta baggara ne bolla dendadis; kawoteththata sinththan tani ne bolla pirda ehana.

ኢሳያሳ ቲንቢቴ 51:12

GODAY, «Inttena minththizay Tani xalla Iza; hayqqiza asa zereth, maata mala shulliza asa naas ays babbay?

ኢሳያሳ ቲንቢቴ 48:15

Tani tarkka yootadis; tumukka ta xeygadis; ta iza ehana; iza oosoykka izas polettana.

ሆሴኤ ቲንቢቴ 5:14

Hessafe dendidayssan tani Isra7eeles gaammo mala Yuhudaska wodalla gaammo mala gidana; ta istta nififi histta menththereththa yeggana; bonqqa ekkada baana; oonikka istta ta kusheppe ashshanaas dandayenna.

ኤርማሳ ቲንቢቴ 23:39

Hessa gishshas inttena, qasseka inttessinne intte aawatas ta immida katamayra gaththada yegga aggana; ta sinththafekka wora olana.

ሌዌታ ማጻፋ 26:28

ta intte bolla hanqon dendana; intte nagaraa gishshas ta inttena laappun dakko qaxxayana.

ኬሳ ማጻፋ 7:3

Gido attiin tani kawoza wozina minththana; tani Gibxe biittan ta malaatanne maalalissiza miish darsa ooththikokka,

ኬሳ ማጻፋ 4:23

Ta naazi taas goynnanaas ne yeddana mala tani nees yootadis shin neni iza yeddontta ixxadasa; hessa gishshas, ‹Tani nees bayra naaza wodhana› gides gaada yoota» gides.

ሜቴ ማጻፋ 9:9

«Histtiin ha7i tani ta caaqo inttenara, inttefe guye intte zereththaranne nenara shemppora diza medheteththatara caaqettadis; ee! Tani ta caaqo kafora, mehera, biitta do7a ubbaaranne markabeppe inttenara kezida paxa diza medheteth ubbaara caaqettadis.

ሜቴ ማጻፋ 6:17

«Tani saloppe garsan shemppora diza medheteththa ubbaa dhayssanaas ha biitta bollan dhayssa haath yeddiko biittan dizayssi wuri dhayana.

ኦሮሜ ኣሳስ 9:18

Hessa gishshas Xoossi maarana koyzaade maarees; iza wozina muumisana koyzaade wozina muumisees.

ኬሳ ማጻፋ 14:23

Gibxe asay kawo parati wuri, para-gaaretinne toga asay istta gooddi ekkidi abbaa giddo gelida.

ሌዌታ ማጻፋ 10:3

Musey qasse Aaroones, «GODAY, ‹Ta sinththe shiiqidi taas ooththizaytas tani ta geeshshateththaa qonccisana; tanikka ta dereza achchan bonchchettidaade gidana› giidi izi asaa kase qofsidayssi hayssa» gides. Aarooneykka ay zaarokka immontta co7u gides.

ኢያሶ ማጻፋ 11:20

GODAY Muse azazida mala Iyaasoy isttas qadhettontta ubbaa wodhides. Gaasoykka istti Isra7eeletara olettana mala GODAY istta wozina dammisides.

1ሳሜላ ማጻፋ 6:6

Intte Gibxe dere malanne Gibxe kawo mala intte wozina ays shuchchaseetii? Istti Isra7eele asaa yeddiday Xoossay istta bolla wolqqama hanqo gaththiin gidennee?

ሜቴ ማጻፋ 50:9

Para-gaaretikka toga asaykka izara pude bides; iza kaallidi bida asay keehi daro.

ኬሳ ማጻፋ 4:21

GODAY Muse, «Neni Gibxe simmada biza wode tani nees immida wolqqan neni ooththana malaatata ubbaa Gibxe kawo Paaroone sinththan neni ooththanayssa baloppa. Histtiinkka izi asaa yeddontta mala tani iza wozina muumisana.

ዳናታ ማጻፋ 4:7

Yaabine olanchchata kaaleththiza Sisaara para-gaaretanne olanchchata ekkidi Qisoone shaafan nenara ola gayttanaas yaana mala tani iza denththeththana; tani iza nees aaththa immana› gi azazees» gadus.

ሂዚቄላ ቲንቢቴ 28:22

Neni deraas Ubbaa Haariza GODAY nena, ‹Hanne Sidoona tani ne bolla dendadis; ne giddon tani bonchchettana; qixaate tani izi bolla ehishin, ta geeshshateththaaka ta izi giddon qonccisishin, tani GODAA gididayssa istti erana.