ኬሳ ማጻፋ 12:6 - Geeshsha Maxaafa

⁶ Ha aginay tammanne oydanththo gallas gidana gakkanaas istta naagite; he gallas arshey wullishin Isra7eele maabara asay wuri istta shukkanaas koshshees.

ጋሞ ማጻፋ

⁶ ሃ ኣጊናይ ታማኔ ኦይዳን ጋላስ ጊዳና ጋካናስ ኢስታ ናጊቴ፤ ሄ ጋላስ ኣርሼይ ዉሊሺን ኢስራኤሌ ማባራ ኣሳይ ዉሪ ኢስታ ሹካናስ ኮሼስ።

ኬሳ ማጻፋ 12:6 Referans Kwoze

ሌዌታ ማጻፋ 23:5

GODAY izan bonchchettiza paaziga ba7aaley koyro aginay gelida tammanne oydanththo gallas arshey wulliin gadey lem7i lem7ishin oykettees.

ታይቦ ማጻፋ 28:16

« ‹GODAAS Paaziga ba7aale koyro aginay gelida tammanne oydanththo gallas bonchchite.

ታይቦ ማጻፋ 9:11

Hessika nam7anththo aginay gelida tammanne oydanththo gallas gadey qammishin bonchchanaas dandayees; istti bonchchishe Paaziga dorsaa irshoy gelontta uketh camo miththa hayththara meto.

ኬሳ ማጻፋ 12:18

Koyro aginan he aginaas tammanne oydanththa gallassa omarsafe doommidi nam7u tammanne issinththa gallassa omarsa gakkanaas irshoy gelontta uketh miite.

ሃዋሬታ ኦሶ 4:27

«Tumappe Herdoosinne Phanxoosa Philaxoosi Isra7eeletaranne hara dere asaara hanno katamayn ne doora tiyda geeshsha naaza Yesusa bolla yo7o qachchanaas shiiqettida.

ሂዚቄላ ቲንቢቴ 45:21

« ‹Koyro aginan, tammanne oydanththo gallassan Paaziga Ba7aale bonchchite; qasse laappun gallas gakkanaas irshoy gelontta uketh miite.

ሉቃሳ ሚሺራቾ 23:18

Derey wurikka issi bolla, «Barbaane birshada hayssa addeza digga!» giidi waassides.

ሉቃሳ ሚሺራቾ 23:1

Heen shiiqida asay wuri dendidi Yesusa Philaxoosakko ekki bides.

ማርቆሳ ሚሺራቾ 15:25

Istti iza kaqqishin wonttafe heedzdzu saate gidides.

ማርቆሳ ሚሺራቾ 15:11

Qeeseta halaqati qasse, «Iza exa Barbaaney birshetto!» gi oychchana mala dereza denththeththida.

ማርቆሳ ሚሺራቾ 15:8

Dereykka yiidi kase lose gididayssa izi ooththana mala Philaxoosa woossides.

ማርቆሳ ሚሺራቾ 15:1

Maalado wonttara qeeseta halaqati, dere cimatinne Muse wogaa tamaarsizayti kumeththa shango alaafetara issife zorettidi Yesusa qachchi ekki efidi Philaxoosas aaththi immida.

Maatosa 27:25

Derey wuri, «Iza suuththi nu bollanne nu nayta bolla gakko» giidi zaarides.

Maatosa 27:20

Gido attiin qeeseta halaqatinne cimati isttas Barbaaney birshettana malanne qasse Yesusa wodhana mala woossanaas dereza qaalay gaaggana mala ooththida.

ታይቦ ማጻፋ 28:18

Ba7aalezas koyro gallas goynnanaas shiiqite; he gallas ay oosokka ooththofte.

ሃዋሬታ ኦሶ 3:14

Geeshshanne xilloza intte kaddidi shempo wodhizayssi birshettana mala woossideta.

ሃዋሬታ ኦሶ 2:23

Xoossi kase ba qachchidayssa izas beni erateththaa mala hayssaade intte kushen aaththi immides. Intteka iita asata kushen kaqetti hayqqana mala ooththideta.

ኢሳያሳ ቲንቢቴ 53:6

Nuni ubbay dorsa mala toylatti dhaydos; nuni issoy issoy nu oge bidos; GODAY nu ubbaa qoho iza bolla woththides.

ኬሳ ማጻፋ 12:14

«He gallassay tani GODAY inttes ooththidayssa qoppi qoppi bonchchiza gallas gido; intte zereththi wuri GODAA ba7aale bonchcho; hayssa inttes woga histtidi mernaas bonchchite.

ኬሳ ማጻፋ 12:17

«Tani inttena Isra7eele nayta Gibxe biittafe kessiday he gallas gidida gishshas Ukeththa ba7aale bonchchite. He gallassa ba7aaleza naa naas attontta woga histti bonchchite.

ኬሳ ማጻፋ 12:47

Isra7eele maabaray wuri Paaziga yarsho bonchchanaas koshshees.

ኬሳ ማጻፋ 16:1

Gibxeppe kezida nam7anththo aginan, tammanne ichchashanththo gallassan Isra7eele asaa maabaray kumeth Elaameppe dendi biidi Eelaameppenne Siinappe giddon diza Siine geetettiza bazzo yida.

ኬሳ ማጻፋ 19:1

Isra7eele asay Gibxeppe kezida heedzdzanththo aginan koyro gallas Siina bazzo gakkides.

2ታሪኬ ማጻፋ 35:1

Hessafe guye Iyosiyaasi Yerusalaamen GODAAS Paaziga ba7aale bonchchides; koyro aginan tammanne oydanththo gallas Paaziga dorsa shukkides.

ኢዝራ ማጻፋ 6:19

Di7ettidasoppe simmida asati koyro aginay gelida mala tammanne oydanththo gallas Paaziga ba7aale bonchchida.

ኬሳ ማጻፋ 29:39

Adde laaqqatappe issaa maalado, qasse nam7anththoza omarsa wode yarsha.

ኬሳ ማጻፋ 29:41

Nam7anththo dharsho laaqqaza omarsa wode yarsha. Maaladoyssa gina dhiille, zaytenne woyne ushshu shiishsha. Hessika GODAAS taman xuugettidi sawo tunnu giza yarsho gidana.

ኢያሶ ማጻፋ 5:10

Isra7eele asay Iyarkko demban Gelgelan dunkaani dishe aginay geliin tammanne oydanththa gallassa omars Paaziga ba7aale bonchchides.