ኬሳ ማጻፋ 12:51 - Geeshsha Maxaafa

⁵¹ He gallassankka GODAY Isra7eele nayta istta cugan cugan Gibxe biittafe kessides.

ጋሞ ማጻፋ

⁵¹ ሄ ጋላሳንካ ጎዳይ ኢስራኤሌ ናይታ ኢስታ ጩጋን ጩጋን ጊብጼ ቢታፌ ኬሲዴስ።

ኬሳ ማጻፋ 12:51 Referans Kwoze

ኬሳ ማጻፋ 12:41

He oyddu xeetanne heedzdzu tammu layththay wuriza he wurseththa gallassan GODAA asay wuri Gibxe biittafe kezides.

ኬሳ ማጻፋ 6:26

GODAY, «Gibxe biittafe Isra7eele nayta istta cugan cugan kessite» giidi azaziday hayta Musenne Aaroone.

ሃዋሬታ ኦሶ 13:17

Ha Isra7eele dere Xoossay kase nu aawata doorides; istti Gibxe deren dishin istta dhoqqu dhoqqu histtides; ba wolqqama qesera heeppe istta kessides.

ዩሁዳ ኪታ 1:5

Intte hessa ubbaaka kaseti erikkoka Goday ba dereza Gibxeppe kessidi ashshidayssanne hankko ammanonttayta guyeppe dhayssidayssa ta inttena akeekissana koyays.

ኬሳ ማጻፋ 3:8

Hessa gishshas tani istta Gibxe biitta asata kusheppe ashshanaasinne he biittafe istta kessada, aahonne lo7o biitta efanaas haa duge wodhdhadis. He biittay maaththinne eessi goggiza biitta; ha7i he biittan Kanaaneti, Hiiteti, Amooreti, Paarizeti, Hiiwetinne Yaabuseta geetettiza asati deettes.

ኬሳ ማጻፋ 6:6

«Hessa gishshas neni Isra7eele naytas, ‹Tani GODAA; tani inttena Gibxe asaa qohoppe kessana; tani inttena istta aylleteththafekka goochcha kessana; qasse tani inttena ta gita wolqqaninne dumma dumma pirdan wozzana.

ኬሳ ማጻፋ 7:4

izi intte yootizayssa siyenna. He wode tani ta kushe Gibxe asaa bolla denththana; tani ta dereta Isra7eele nayta wolqqama pirdan Gibxeppe kessana.

ኬሳ ማጻፋ 12:50

Histtiin Isra7eele asay wuri GODAY Musenne Aaroone azazida malakka ooththides.

ኬሳ ማጻፋ 13:1

GODAY Muse hizgides,

ኬሳ ማጻፋ 16:1

Gibxeppe kezida nam7anththo aginan, tammanne ichchashanththo gallassan Isra7eele asaa maabaray kumeth Elaameppe dendi biidi Eelaameppenne Siinappe giddon diza Siine geetettiza bazzo yida.

ኬሳ ማጻፋ 19:1

Isra7eele asay Gibxeppe kezida heedzdzanththo aginan koyro gallas Siina bazzo gakkides.

ዬ ማጻፋ 114:1

Isra7eele asay Gibxe biittafe kezida wode, Yaaqoobe zereththay allaga qaala haasayza biittafe yeggidi bida wode,

ዬ ማጻፋ 136:11

Isra7eele asaa Gibxeppe kaaleththi kessides; iza siiqoy mernaassa.

ኣሞጼ ቲንቢቴ 2:10

Tani inttes Amoore dere biitta immanaas inttena Gibxeppe kessadis; oyddu tammu layth kumeth bazzora kaaleththa ehada laatissadis.

ሚኪያሳ ቲንቢቴ 6:4

Ta nena Gibxeppe kessadis; aylleteththa biittafekka wozzadis; nena kaaleththana mala Muse, Aaroonenne Maaramo nees yeddadis.

ሜቴ ማጻፋ 50:24

Hessafe guye Yooseefey ba ishata, «Tani hayqqana gays; gido attiin Xoossi inttena maaddanaas tumu wochchana; izi inttena ha biittafe kessidi Abrahaames, Yisaaqassinne Yaaqoobes immana giidi caaqqida biittaa zaari efana» gides.

ሌዌታ ማጻፋ 23:43

Hayssanka tani Isra7eele nayta Gibxe biittafe kessida wode istti daasen uttana mala ta ooththidayssa inttefe guye yiza yeletay erana. Tani GODAA intte Xoossaa.»

ታይቦ ማጻፋ 23:22

Xoossi istta Gibxeppe kessides; izi isttas menththa mala qaycana.

ታይቦ ማጻፋ 26:4

«GODAY Muses azazida mala nam7u tammu layththinne hessafekka bollara diza asaa ubbaa qoodite» gida. Gibxe dereppe kezida Isra7eele asay hayssafe kaallizayta;

ታይቦ ማጻፋ 33:1

Isra7eele asay ba zarkken zarkken shaaketti shaaketti Museynne Aarooney kaaleththiin Gibxeppe kezidaappe guye dumma dumma wode istti dunkaani uttidasohoti hayssafe kaallizayta;

ዛሬ ማጻፋ 4:37

Izi hessaththo ooththiday intte aawata dosida gishshassinne istta zereththata doorida gishshas ba gita wolqqaan inttena Gibxeppe kessides.

ዛሬ ማጻፋ 16:1

GODAA intte Xoossay inttena Abibe aginan omarsara Gibxeppe kessides; hessa gishshas Abibe aginan GODAA intte Xoossaa Paaziga ba7aale bonchchite.

ኢያሶ ማጻፋ 24:5

« ‹Hessafe guye Musenne Aaroone kiittadis; ta ehida boshan Gibxeta un7eththada inttena heeppe kessadis.

1ካዎታ ማጻፋ 6:1

Isra7eele asay Gibxe biittafe kezida oyddu xeetanne osppun tammanththa layththan Solomooney Isra7eele bolla kawotida oydanththo layththan Ziife geetettiza nam7anththo aginan GODAA Keeth keexo doommides.

2ታሪኬ ማጻፋ 14:12

Hessa gishshas GODAY Aasa sinththaninne Yuhuda olanchchata sinththan Tophphiya olanchchata shocides; histtiin Tophphiya olanchchati baqatida.