ኬሳ ማጻፋ 12:37 - Geeshsha Maxaafa

³⁷ Isra7eele asay Eraamise geetettiza katamappe dendidi Sukoote geetettizaso gakkanaas bides. Asay naytanne maccassaa gujjontta qoodiin tohon hemettiza attuma asay 600,000 gidides.

ጋሞ ማጻፋ

³⁷ ኢስራኤሌ ኣሳይ ኤራሚሴ ጌቴቲዛ ካታማፔ ዴንዲዲ ሱኮቴ ጌቴቲዛሶ ጋካናስ ቢዴስ። ኣሳይ ናይታኔ ማጫሳ ጉጆንታ ቆዲን ቶሆን ሄሜቲዛ ኣቱማ ኣሳይ 600,000 ጊዲዴስ።

ኬሳ ማጻፋ 12:37 Referans Kwoze

ታይቦ ማጻፋ 1:46

Heyta qooday issi bolla 603,550 gidides.

ኬሳ ማጻፋ 38:26

Asaa taybiza wode taybettida attumasay wuri issaadey hu7en hu7en immidayssi Xoossa Dunkaanen erettida meezaanen woththiin usuppun giraame mala gidides. Taybettida asay nam7u tammu layth kumidaynne nam7u tammaafe bollara dizay mulera 603,550.

ታይቦ ማጻፋ 33:5

Isra7eele asay Eraamiseppe dendi biidi Sukooten dunkaani uttides.

ታይቦ ማጻፋ 33:3

Isra7eele asay koyro aginay gelida 15 gallas Paaziga ba7aaleppe wonteth Gibxe asay ubbay istti xeellishin yayyontta Eraamise katama yeggi kezides.

ታይቦ ማጻፋ 11:21

Musey GODAAS, «Hekko ha7i tani kaaleththizay usuppun xeetu shii asa; ‹Neni aginas gidana asho isttas immana› gaada qaala geladasa.

ሜቴ ማጻፋ 47:11

Yooseefey ba aawaanne ba ishata Gibxe biittan woththides; kawoy azazida mala Gibxe biittan Eraamise achchan diza ubbasoppe aadhdhidi lo7iza gade isttas immides.

ኬሳ ማጻፋ 1:11

Hessa gishshas deexo ooson istta tuggasana mala istta bolla halaqata doorida. Isttika kawos Piitoomenne Eraamise geetettiza dumma dumma minjja miishshata woththiza katamata keexxida.

ታይቦ ማጻፋ 26:51

Kumeth qoodettida Isra7eele attumasay 601,730 gidides.

ታይቦ ማጻፋ 2:32

Isra7eele asay bason basoninne ba zarkken zarkken mazgabettidayta qooday issi bolla 603,550 gidides.

ሜቴ ማጻፋ 46:3

«Tani Xoossay ne aawa Xoossa; neni duge Gibxe baanaas babbofa; ays giikko tani nena heen gita kawoteth kessana.

ሜቴ ማጻፋ 15:5

Hessafe guye GODAY Abraame kare kessidi, «Pude salo xeella; neni xoolintteta taybanaas dandaykko tayba; ne zereththayka hayssa mala gidana» gides.

ሜቴ ማጻፋ 12:2

«Tani nena gita kawoteth ooththana; qasseka anjjana; Ne sunththaa gitasana; nekka haratas anjjo gidana.

ኬሳ ማጻፋ 10:9

Histtiin Musey, «Nuni nu qeeri naytara cimatara, nu attuma naytara macca naytara, nu mehaaranne miiza wudetara issife baana; ays giikko nuni bizason GODAAS ba7aale bonchchanaas koshshees» gides.

ኬሳ ማጻፋ 13:20

Istti Sukooteppe dendidi bazzo doonan diza Etaame geetettizason uttida.

ታይቦ ማጻፋ 1:2

«Attumasaa issaa issaa sunththan sunththan xaafada Isra7eele asaa qommon qommoninne zarkken zarkken qooda.