ኬሳ ማጻፋ 12:27 - Geeshsha Maxaafa

²⁷ intte isttas, ‹Hayssi GODAA bonchchanaas yarshiza Paaziga yarsho; ays giikko GODAY Gibxe biittan Isra7eele asaa keeth aggi aadhdhidi Gibxe asaa wodhidi nuna ashshida gishshassa› giite» gides. Hessafe guye asay biitta bolla gufanni goynnides.

ጋሞ ማጻፋ

²⁷ ኢንቴ ኢስታስ፥ ‹ሃይሲ ጎዳ ቦንቻናስ ያርሺዛ ፓዚጋ ያርሾ፤ ኣይስ ጊኮ ጎዳይ ጊብጼ ቢታን ኢስራኤሌ ኣሳ ኬ ኣጊ ኣዲ ጊብጼ ኣሳ ዎዲ ኑና ኣሺዳ ጊሻሳ› ጊቴ» ጊዴስ። ሄሳፌ ጉዬ ኣሳይ ቢታ ቦላ ጉፋኒ ጎይኒዴስ።

ኬሳ ማጻፋ 12:27 Referans Kwoze

ኬሳ ማጻፋ 4:31

Isttika ammanida. GODAY isttako yidayssanne istta waaye be7idayssa siyida mala biitta bolla gufanni goynnida.

ኬሳ ማጻፋ 12:11

Miish, oges gidiza may7o may7idi, intte caamma tohon aaththidi intte guufe intte kushen oykkidi eeson miite; hayssi tana GODAA intte bonchchiza Paaziga yarsho.

1ቆሮንቶሴ ኣሳስ 5:7

Intte ha7i irshoy baynda ooraththa bukeeso gidana mala kase caala irshoza intte giddofe diggite; nu Paaziga dors gidida Kirstoosi nuus yarshettides.

ኬሳ ማጻፋ 12:23

GODAY Gibxe bayra nayta wodhanaas he biittara hemettiza wode suuth keeththa qosilaththataninne qoreta bolla be7idi karera aadhdhi baana; wodhizayssi intte soo gelidi inttena wodhontta mala iza GODAY diggana.

ናሂሚያ ማጻፋ 8:6

Izray Gita Xoossaa galatides; asay wuri ba kushe pude denththidi «Amiin! Amiin!» gi zaarides; biitta bolla wuri gufannidi Xoossas goynnides.

2ታሪኬ ማጻፋ 29:30

Kawo Dawitinne nabe Aasaafey xaafida galata mazamure GODAAS yexxana mala kawo Hizqiyaasinne halaqati Leweta azazida; histtiin Leweti ufayssan galatishe gulbatidi goynnida.

2ታሪኬ ማጻፋ 20:18

Iyoosaafixey gaden gufanni goynnides; Yuhuda asaynne Yerusalaame asay ubbay GODAA sinththan gufanni goynnides.

1ታሪኬ ማጻፋ 29:20

Hessafe guye Dawiti duulata shiiqida asaas, «GODAA intte Xoossaa galatite» gides; histtiin ubba asay GODAA bantta aawata Xoossaa galatida; GODAA sinththan gufannidi goynnidanne kawaa bonchchida.

ዛሬ ማጻፋ 16:5

Intte Paaziga yarsho GODAA intte Xoossay inttes immiza ay katamatankka coo shukkofte.

ዛሬ ማጻፋ 16:2

GODAA intte Xoossay ba sunththi xeygettana mala dooridason intte iza bonchchana mala intte meheppe, woykko dorsafe issaa Paaziga ba7aalen yarsho shiishshite.

ኬሳ ማጻፋ 34:25

«Intte taas suuththa yarsho yarshiza wode irsho yeggidi uukkida ukeththara yarshofte. Paaziga bonchchiza gallassas yarshida yarshofe maalados aykkoyka attofo.

ኬሳ ማጻፋ 34:8

Histtiin Musey heerakka biitta bolla gufanni goynnidi,

ኬሳ ማጻፋ 12:28

Isra7eele asay biidi GODAY Musenne Aaroone azazida mala ooththides.

ኬሳ ማጻፋ 13:14

Wodeppe ne nay nena, ‹Hayssi aaza wogaa?› gi oychchiko, neni izas, ‹GODAY nuna ba wolqqama qesen aylleteththa biitta Gibxeppe kessides;

ዬ ማጻፋ 44:1

Abeet Xoossawu! Beni aadhdhida wode ne ooththida gita miishshaa nuni siyidos; nu aawata wodekka ne ooththidayssa istti nuus yootida.

ኬሳ ማጻፋ 13:8

«He gallas neni ne naytas, ‹Tani hayssa ooththizay tani Gibxeppe keziza wode GODAY taas ooththidayssa zaari qoppanaassa› ga yoota.

ዬ ማጻፋ 78:5

Izi Yaaqoobe zaretas azazo, Isra7eele asaas woga immides; kase nu aawati bantta nayta he wogata tamaarsana mala azazides.