ኬሳ ማጻፋ 12:16 - Geeshsha Maxaafa

¹⁶ Koyro gallas geeshsha duulata shiiqite; hara geeshsha duulata qasse laappunththa gallas shiiqite; asay wuri maanaas quma kaththofe attiin he gallassata ubbaan aykkoka ooththofte; intte ooththana miishshi hessa xalla.

ጋሞ ማጻፋ

¹⁶ ኮይሮ ጋላስ ጌሻ ዱላታ ሺቂቴ፤ ሃራ ጌሻ ዱላታ ቃሴ ላፑን ጋላስ ሺቂቴ፤ ኣሳይ ዉሪ ማናስ ቁማ ካፌ ኣቲን ሄ ጋላሳታ ኡባን ኣይኮካ ኦፍቴ፤ ኢንቴ ኦና ሚሺ ሄሳ ጻላ።

ኬሳ ማጻፋ 12:16 Referans Kwoze

ታይቦ ማጻፋ 28:18

Ba7aalezas koyro gallas goynnanaas shiiqite; he gallas ay oosokka ooththofte.

ታይቦ ማጻፋ 28:25

Laappunththo gallas goynnanaas shiiqite; he gallas ay oosokka ooththofte.

ኬሳ ማጻፋ 16:23

Izi isttas, «GODAY azazidayssi hayssa; wontoy shemppo gallassa, GODAAS geeshsha sambata. Hessa gishshas intte uukkanayssa uukkite; intte doyssanayssaka doyssite; palahidayssa wontos ashshite» gides.

ታይቦ ማጻፋ 29:12

« ‹Laappunththa aginay gelida tammanne ichchashanththo gallas goynnanaas shiiqite; he gallas ay oosokka ooththofte; laappun gallas gakkanaas GODAAS daase ba7aale bonchchite.

ታይቦ ማጻፋ 29:1

« ‹Laappunththa aginay gelida koyro gallas goynnanaas shiiqite; he gallas ay oosokka ooththofte; he gallassay zayey punettiza gallassa.

ሌዌታ ማጻፋ 23:35

He gallassatappe koyro gallas GODAA goynnanaas shiiqite attiin ay oosokka ooththofte.

ሌዌታ ማጻፋ 23:27

«Laappunththo aginay gelidaappe guye tammanththa gallassay nagarappe maareteththa gallassa; he gallas ay kaththika moopite; GODAA goynnanaas shiiqite; Xoossas taman xuugettiza yarsho shiishshite.

ሌዌታ ማጻፋ 23:21

He gallas awajja awajjidi GODAA goynnanaas issi bolla shiiqite attiin hara ooso ooththofte; hayssi intte dizaso ubbaan inttefe guyera yiza yeletas mernaas eqqi diza woga gido.

ኬሳ ማጻፋ 20:10

Gido attiin laappunththa gallassay GODAA ne Xoossaas Sambata. He gallas aykko oosokka ooththofa; neni woykko ne attuma nay, woykko ne macca nay, woykko ne attuma aylley, woykko ne macca aylley, woykko ne miizay, woykko ne deren diidi nees ooththiza hara dere as gidiin he gallassan ay oosokka ooththofte.

ኬሳ ማጻፋ 16:29

Ta inttes Sambata immidayssa akeekite; usuppunththa gallassan ta inttes nam7u gallassas kath immizayssi hessa gishshassa. Laappunththa gallas wurikka ba dizason dizason taakko; oonikka awakka booppo» gides.

ኬሳ ማጻፋ 16:5

Usuppunththo gallas istti hara wode maxizayssas nam7u kushe maxidi kaththetto» gides.

ዮሃኒሳ ሚሺራቾ 19:31

Hessafe guye Ayhudata daannati kaqettida asata meqeth wodirappe menththidi istti iza masqale bollafe woththana mala Philaxoosa woossida. Istti hessa ooththiday Ayhudati sambatas giigettiza gallas gidida gishshassinne he sambataykka daro gita ba7aale gidida gishshas Sambata gallas ahay masqale bolla gam7ontta mala koyida gishshassa.

ኬሳ ማጻፋ 34:18

«Ukeththa Ba7aale bonchchite; tani inttena azazida mala laappun gallassas irshoy gelontta uukettida uketh miite; hessaka intte Gibxeppe kezida Abibe aginan ooththite.

ዛሬ ማጻፋ 16:8

Usuppun gallas irshoy izan gelontta uketh miite; Laappunththo gallas GODAA intte Xoossaas goynnanaas issiso shiiqite; he gallas ay oosokka ooththofte.

ኢሳያሳ ቲንቢቴ 1:13

Hayssafe guye hayssa misatiza hada yarsho nam7anththo shiishshofte; intte cuwasiza exaaney tana shaattees; agina xeeron, sambata gallassataninne intte goynos shiiqiza gallassatan intte bonchchiza ba7aaleti iitateththan kumida gishshas tani heyta gencca aadhdhanaas dandaykke.

ታይቦ ማጻፋ 28:26

« ‹Kaththa shiishon ba7aale bonchchiza koyro gallas intte oorath gakkiza kaththaafe xeeraa GODAAS shiishshiza gallas goynnana shiiqiteppe attiin hara ay oosokka ooththofte.