ኬሳ ማጻፋ 10:27 - Geeshsha Maxaafa

²⁷ Gido attiin GODAY kawoza wozina minththida gishshas izi istta yeddanaas koyibeenna.

ጋሞ ማጻፋ

²⁷ ጊዶ ኣቲን ጎዳይ ካዎዛ ዎዚና ሚንዳ ጊሻስ ኢዚ ኢስታ ዬዳናስ ኮዪቤና።

ኬሳ ማጻፋ 10:27 Referans Kwoze

ኬሳ ማጻፋ 10:20

Gidikkoka GODAY kawoza wozina minththida gishshas Isra7eele nayta yeddontta ixxides.

ኬሳ ማጻፋ 4:21

GODAY Muse, «Neni Gibxe simmada biza wode tani nees immida wolqqan neni ooththana malaatata ubbaa Gibxe kawo Paaroone sinththan neni ooththanayssa baloppa. Histtiinkka izi asaa yeddontta mala tani iza wozina muumisana.

ኬሳ ማጻፋ 14:8

GODAY Gibxe biitta kawo wozina minththiin minoteththara buro buussa bolla diza Isra7eele asaa gooddides.

ኬሳ ማጻፋ 14:4

Tani kawoza wozina minththana; izi istta gooddana; tani kawoza baggaranne iza olanchchata ubbaa baggara bonchchettana; Gibxe asaykka tani GODAA gididayssa erana» gides. Histtiin Isra7eele asay izi yootida mala ooththides.

ዮሃኒሳ ኣጁታ 9:20

Hayta ha boshatan hayqoppe attida asa zereththati kase ba ooththida iita oosoppe simmidi maaroteththan gelibeettenna. Daydanththas worqqafe, birappe, xarqimalappe, shuchchafe, miththafe oosettidi xeellanaas woykko hayththan siyanaas woykko hemettanaas dandayontta eeqatas goyno aggibeettenna.

ኬሳ ማጻፋ 10:1

Hessafe guye GODAY Muses, «Gibxe kawaakko guye simma ba; ays giikko tani Gibxe asaa wostta qaxxaydaakkonne malaata istta giddon wostta ooththidaakko intte intte naytassinne intte nayta naytas yootana mala, qasse intteka tani GODAA gididayssa erana mala, ta malaata istta giddon ooththanaas iza wozinanne daannata wozina minththa woththadis» gides.

ኦሮሜ ኣሳስ 9:18

Hessa gishshas Xoossi maarana koyzaade maarees; iza wozina muumisana koyzaade wozina muumisees.

ኬሳ ማጻፋ 11:10

Museynne Aarooney hayta malaatata ubbaa kawoza sinththan ooththikoka GODAY kawoza wozina minththida gishshas izi Isra7eele nayta ba dereppe yeddontta ixxides.