ኬሳ ማጻፋ 10:21 - Geeshsha Maxaafa

²¹ Hessafe guye GODAY Muses, «Gibxe biittan girdi gida dhumay dhumana mala ne kushe pude salo denththa» gides.

ጋሞ ማጻፋ

²¹ ሄሳፌ ጉዬ ጎዳይ ሙሴስ፥ «ጊብጼ ቢታን ጊርዲ ጊዳ ማይ ማና ማላ ኔ ኩሼ ፑዴ ሳሎ ዴን» ጊዴስ።

ኬሳ ማጻፋ 10:21 Referans Kwoze

ዩሁዳ ኪታ 1:6

Hessaththoka ba bonchcho naagontta ixxidi ba dizaso yeddida kiitanchchata intte yuushshi qopite; Xoossi istta gita pirdaa gallas gakkanaas mernaa qashos girdi gida dhuman naagi woththides.

2ጴጽሮሳ ኪታ 2:17

Heyti he asati haaththi baynda pulttota; gote carkon biza shaara mala; istta sakkanna dhumay naagees.

2ጴጽሮሳ ኪታ 2:4

Haray attoshin nagara ooththida kiitanchchatas Xoossi mishettontta istti ciimma gidida dhuma olla giddon de7idi pirda gallas gakkanaas naagettana mala gede gaannamen yeggides.

ሉቃሳ ሚሺራቾ 23:44

He wode gadey seeta gallas gidishin biidi uddufun saate gakkanaas kumeththa biitta bolla dhumay dhumides.

ማርቆሳ ሚሺራቾ 15:33

Usuppun saateppe doommidi uddufun saate gakkanaas biittay wuri dhumides.

Maatosa 27:45

Gallas usuppun saateppe biidi uddufun saate gakkanaas kumeththa biittay dhumides.

ሌሚሶ ማጻፋ 4:19

Gido attiin nagaranchchata ogey sakkanna dhuma mala; istti aazan dhuphettanaakkoka erettenna.

ዬ ማጻፋ 105:28

GODAY dhuma kiittidi he biitta dhumisides; gido attiin Gibxe asati iza azazo ixxis gida.

ዛሬ ማጻፋ 28:29

Gallassa seetan neni qooqey tattafettiza mala tattafettana; ne ooththiza ubbay nees giigontta ixxana; neni ne de7o ubbaan un7etashenne bonqqettashe daana; nena maaddiza asekka demmaka.

ኬሳ ማጻፋ 9:22

Hessafe guye GODAY Muses, «Gibxe biitta ubbaa bollan, asaa bolla, mehe bollanne biittafe mokkiza ubbaa bolla shachchi bukkana mala ne kushe salo denththa» gides.

ዩሁዳ ኪታ 1:13

Istti yeellachchiza ba oosoza wolqqama abba dambala mala goppontto coppu histtizayta; girdi gida dhumay istta mernaas naagizayssanne coo mela waayettiza xoolintteta malakko!

ኤራንቻታ ማጻፋ 6:4

Gaasoykka coo hada yiidi dhuman bees; iza sunththika dhuman kamettides.

ኤራንቻታ ማጻፋ 2:14

Era asa ayfey izaades hu7e bolla dees; eeyay gidikko dhuma giddora hemettees; gido attiin istta nam7aa qaadaykka issino gididayssa akeekadis.

ዬ ማጻፋ 78:49

Ba mino hanqo, bosha, bashshinne dhayssiza kiitanchchatan istta bolla yeddides.

ዬ ማጻፋ 35:6

GODAA kiitanchchay istta gooddo; istta ogeykka dhumanne hallith gido.

ዮሃኒሳ ኣጁታ 8:12

Oydanththo kiitanchchay ba zayeza punnides; arshes cigoy, aginas cigoy, xoolinttetas cigoy shocettides; hessa gishshas heytantta poo7oppe cigoy dhumides; hessa malankka gallassaafe cigoy omars gidides; hessaththoka omarsafe cigoy poo7oy baynda dhuma gidides.

ኬሳ ማጻፋ 7:19

GODAY Muses, «Neni Aaroones, ‹Ne guufe oykkada Gibxe haaththata bolla, shaafata bolla, zara haaththata bollanne eellida haaththi dizaso ubbaa bolla ne kushe piddisa› ga; izi ba kushe piddisikko haaththi wuri suuththan laamettana; Gibxe biitta ubbaan, haray attoshin, miththafenne shuchchafe wooci kessida haath tigiza miishshata ubbaan suuththi kumana» gides.

ሂዚቄላ ቲንቢቴ 32:7

Ta nena dhayssiza wode salota goozana; istta xoolinttetakka dhumisana; awakka shaaran kammana; aginaykka ba poo7o diggana.

ዛሬ ማጻፋ 1:30

Inttefe sinththara biza GODAA intte Xoossay kase intte ayfen be7ishin Gibxeta bolla ooththoyssa mala ha7ikka izi intte gishshas olettana.

ዛሬ ማጻፋ 4:34

Woykko GODAA intte Xoossay intte xeellishin Gibxe biittan inttes ooththizayssaththo paacen, malaatan, malalisiza miishshan, olan, mino qeseninne micettida kushen, qasse yashissiza ba wolqqan hara kawoteththata giddo gelidi issi kawoteth baas ekkanaas baaxetida hara xoossi dizee?

ኢዮቤ ማጻፋ 5:14

Gallassay isttas dhuma gidees; buro seeta gallassan omars dhuma giddon diza mala istti tattafettana.