ኣስቴሪ ማጻፋ 10:1 - Geeshsha Maxaafa

¹ Kawo Arxekisisi ba haariza dere ubbaa bolla biidi abba lanqe gakkanaas dizayta bolla giira yeggides.

ጋሞ ማጻፋ

¹ ካዎ ኣርጼኪሲሲ ባ ሃሪዛ ዴሬ ኡባ ቦላ ቢዲ ኣባ ላንቄ ጋካናስ ዲዛይታ ቦላ ጊራ ዬጊዴስ።

ኣስቴሪ ማጻፋ 10:1 Referans Kwoze

ኢሳያሳ ቲንቢቴ 24:15

Hessa gishshas arshey mokkiza baggara dizaytoo, abban diza haruroti GODAA Isra7eele Xoossaa, sunththaa dhoqqu dhoqqu histtite.

ዬ ማጻፋ 72:10

Tarseese kawotinne harurota kawoti izas giira ehana. Saabanne Saaba kawoti izas kushe genththo ehana.

ሉቃሳ ሚሺራቾ 2:1

He wode biitta bollan diza asi wurikka taybettidi xaafettana mala Oroome kawo Awugisxoosappe awajjay kezides.

ዳኔላ ቲንቢቴ 11:18

Hessafe guye abba achchan diza dereta bolla meto gaththidi istta haarana; gido attiin olanchchata halaqay iza otoreteththaa purshisana; izi ooththida ubbaa iza bolla zaarana.

ኢሳያሳ ቲንቢቴ 11:11

He wode GODAY nam7anththo ba kushe miccidi attida asaa Asooreppe, pudeha Gibxeppe, dugeha Gibxeppe, Tophphiyappe, Elaameppe, Sana7ooreppe, Hamaateppenne abba gaxan diza deretappe shiishshana.

ኣስቴሪ ማጻፋ 8:9

Siwaana geetettiza heedzdzanththo aginan, nam7u tammanne heedzdzanththo gallassan, Mardikiyoosi kawo keeththa xaafeta xeygidi Ayhudatas, Hindefe Tophphiya gakkana diza 127 dereta haariza daannatas, hara shuumetas biza dabdaabbe xaafissides. He dabdaabbeti istta qaalan qaalaninne xaafettiza maaran qasse Ayhudata qaalaninne istta xaafo maara mala xaafettana mala ooththides.

ኣስቴሪ ማጻፋ 1:1

Kawo Arxekisisi Hinde biittafe Tophphiya biitta gakkanaas diza 127 dereta haariza wode hayssafe kaallizayssi hanides;

ሜቴ ማጻፋ 10:5

Haytanttafe abba doonan diza asay wuri ba biittan biittan, ba qaalan qaalan, ba qommon qommoninne, ba kawoteththan kawoteththan shaakettides.