ኤራንቻታ ማጻፋ 9:5 - Geeshsha Maxaafa

⁵ Shemppora paxa diza asi ba hayqqanayssa erees; gido attiin hayqqidayti aykkoka erettenna; istta qofsiza miishshi ubbay dogettees; istti go7ettana miishshika deenna.

ጋሞ ማጻፋ

⁵ ሼምፖራ ፓጻ ዲዛ ኣሲ ባ ሃይቃናይሳ ኤሬስ፤ ጊዶ ኣቲን ሃይቂዳይቲ ኣይኮካ ኤሬቴና፤ ኢስታ ቆፍሲዛ ሚሺ ኡባይ ዶጌቴስ፤ ኢስቲ ጎኤታና ሚሺካ ዴና።

ኤራንቻታ ማጻፋ 9:5 Referans Kwoze

ኢሳያሳ ቲንቢቴ 26:14

Istti hayqqida; simmidi shemppora paxa de7ettenna; istta shemppoy simmi yeenna; neni istta qaxxayadasanne dhayssadasa; istta hassa7issiza miish ubbaa pitta dhayssadasa.

ኤራንቻታ ማጻፋ 1:11

Beni wode hanida hanota zaaridi hassa7issiza miishshi deenna; sinththafe yaanaytikka isttafe kaalli yaanaytan qofettettenna.

ዬ ማጻፋ 6:5

Hayqqida asi ooninne nena qoppenna; duufon nena galatizay deenna.

Ibirawe 9:27

Hessaththoka asi issito hayqqees; hessafe kaallidi pirda sinththan eqqanaas giigi uttides.

ኢዮቤ ማጻፋ 14:21

Iza nayti bonchcho demmidaakkoka izi erenna; kawuyizaakokka izi xeellenna.

ኤራንቻታ ማጻፋ 2:16

Aadho eranchchayka eeyaza mala mernaas hassa7ettenna; sinththafe yaana layththatan nam7ayka dogettana; eeyay hayqqiza mala aadho eranchchasikka hayqoy attenna.

ዬ ማጻፋ 109:15

Istta nagaray GODAA sinththan ubbato beetto; istta akeekissiza miishshi biitta bolla dooppo.

ኤራንቻታ ማጻፋ 8:10

Qasse iitati bonchchon moogettishininne geeshsha kataman sabettishin, Xoossa asati geeshsha kataman dogettishin ta be7adis; hessi ubbayka hada.

ኢሳያሳ ቲንቢቴ 63:16

Abrahaamey nuna erontta aggiko, Isra7eeleykka nuna akeekontta aggikokka neni nuus aawa. Abeet GODAWU, neni nuus aawa; Beniisofekka doommidi ne sunththay nuna wozzizayssa.

ኤራንቻታ ማጻፋ 7:2

Gibira keeth buussafe yeeho keeth buussi lo7o; gaasoykka hayqoy as ubbaas wurseththa; shemppora paxa diza asi ubbay hessa ba wozinan woththanaas bessees.

ኢዮቤ ማጻፋ 30:23

Asa ubbaas qaada gidida hayqos ne tana aaththada immanayssa ta erays.

ኤራንቻታ ማጻፋ 9:4

Hayqqida gaammofe paxa diza kanay kiya; hessaththoka shemppora paxa dizayta giddon diza asas hidotay dees.

ኤራንቻታ ማጻፋ 9:10

Ne kushey ooththanaas demmidayssa ubbaa ne kumeththa wolqqan ooththa; ays giikko neni baana duufon oosoy, halchchoy, erateththinne aadho erateththi deenna.

2ሳሜላ ማጻፋ 14:14

Biittan gukkida haaththi simmonttayssaththo nuni ubbayka hayqqoos; Xoossi biittafe goodettida asi iza sinththafe baqati bidason attontta mala simmi yaana oge izas giigssees attiin iza shemppoy dhayana mala koyenna.

ዬ ማጻፋ 88:13

Abeet GODAWU! Neni tana maaddana mala ta neekko waassays; maalado maalado ta woosay ne sinth gakko.

ሉቃሳ ሚሺራቾ 20:32

Wurseththan maccassaya hayqqadus.