ኤራንቻታ ማጻፋ 9:11 - Geeshsha Maxaafa

¹¹ Tani salo gufanththon hara miish be7adis; woththan xoonoy pilatatas olan xoonoy wolqqamatas gidenna; kaththi aadho eranchchatas, dureteththi kiphatanchchatas, sabay eranchchatas gidenna; gido attiin ubbatikka wodeynne qaaday gaththida mala haneettes.

ጋሞ ማጻፋ

¹¹ ታኒ ሳሎ ጉፋንን ሃራ ሚሽ ቤኣዲስ፤ ዎን ጾኖይ ፒላታታስ ኦላን ጾኖይ ዎልቃማታስ ጊዴና፤ ካ ኣ ኤራንቻታስ፥ ዱሬቴ ኪጳታንቻታስ፥ ሳባይ ኤራንቻታስ ጊዴና፤ ጊዶ ኣቲን ኡባቲካ ዎዴይኔ ቃዳይ ጋዳ ማላ ሃኔቴስ።

ኤራንቻታ ማጻፋ 9:11 Referans Kwoze

ኤርማሳ ቲንቢቴ 9:23

GODAY, «Aadho eranchchay ba aadho erateththan ceeqettofo; wolqqamay ba wolqqan ceeqettofo; woykko durey ba dureteththan ceeqettofo.

ኤራንቻታ ማጻፋ 3:17

Tanikka ta wozinan, «Ubbaa yo7ossinne oosos wodey diza gishshas Xoossi xillozanne wordanchchaza pirdas shiishshana» gaada qoppadis.

ኤራንቻታ ማጻፋ 3:14

Xoossay ooththidayssi ubbay mernaas de7anayssa ta erays; izi ooththidayssa bolla gujjanaas woykko izappe guuththanaas dandayettenna. Xoossi hessa ooththiday asay iza bonchchana malassa.

ኤፌሶኔ ኣሳስ 1:11

Wursika ba shene mala ooththiza iza shenen koyrokka izi qoppi woththidayti nuni izan doorettidos.

2ታሪኬ ማጻፋ 20:15

GODAA Ayanay Yahazi7eele bolla wodhdhiin, «Kawo Iyoosaafixe, Yuhudaninne Yerusalaamen diza asay ubbay siyite! GODAY inttena, ‹Olaa olettanay Xoossa attiin inttena gidontta gishshas ha daro olanchchata gaason yayyoftenne dagammofte.

ዛሬ ማጻፋ 8:18

Intte durettana mala inttes wolqqanne minoteth immiday GODAA intte Xoossaa gididayssa yuushshi qopite; izi hessaththo ooththiday kase intte aawatas gelida caaqo qaala minththanaassa.

ኤራንቻታ ማጻፋ 4:4

Hessaththoka asay ba amottidayssa demmanaas keehi daaburdi ooththees; gido attiin he daaburay ba lagge bolla qanaateteththan dendon gididayssa tani akeekadis. Hessika hada; carko oykkanaas yedeththiza mala.

ኤርማሳ ቲንቢቴ 46:6

Pilatay baqati attenna; minoykka kessi ekki attenna; pudeha baggan Efiraaxise Shaafa matan dhuphetti kundida.

ኤራንቻታ ማጻፋ 7:13

Ane Xoossay ooththidayssa wozinan woththa! Izi bokkasidayssa ooni luulisana dandayzee?

ኤራንቻታ ማጻፋ 4:1

Tani qasseka salo gufanththon diza qoho ubbaa be7adissinne akeekadis; qohettidayta afunth be7adis; istta minththeththiza asikka deenna; wolqqay istta qohiza asata kushen dees; istta minththeththiza asikka deenna.

ኤራንቻታ ማጻፋ 2:12

Hessafe guye tani aadho erateththi, eeyateththinne gooshshateththi aazakko pilgga eranaas qofa doommadis; kawo sohon kawotida hara kawoy kase oosettidayssafe hara ay ooththanee?

ኢዮቤ ማጻፋ 34:29

Xoossi co7u giikko oonee iza bolla pirdanay? Izi ba zokko zaarikko oonee iza beyanay?

2ሳሜላ ማጻፋ 17:14

Abeseloomeynne Isra7eele asay kumeth, «Akxofeele zoreppe Arkke dere as Hushe zorey lo7ees» gida; GODAY Abeseloome bolla bash ehanaas lo7o gidida Akxofeele zorey ekettontta mala ooththides.

ሚልካሳ ቲንቢቴ 3:18

He wode qasseka xillonne nagaranchcha giddon Xoossas ooththizayta giddoninne ooththonttayta giddon diza dummateththa intte beyandeta.

1ሳሜላ ማጻፋ 17:50

Hessaththo histtidi Dawiti Filisxeeme addeza shuchchaninne yanbarshan caddi wodhi xoonides.

ዳኔላ ቲንቢቴ 4:35

Biitta bolla diza dereti wurikka iza achchan qeeri uu7e mala; salon diza oosanchchata bollanne biitta bolla diza deraa bolla izi ba dosidaaz ooththees; iza shene digganaas dandayzaynne ‹Ne hayssa aazas ooththay?› gaanay oonikka deenna.

2ሳሜላ ማጻፋ 17:23

Akxofeeley istti iza zoreza ekkontta ixxidayssa be7idi ba hareza caani ekkidi ba keeththi diza katama bides; baso maarasi giigsidaappe guye ba kushen cuuletti hayqqides; hessaththo hayqqidi ba aawa duufon moogettides.

ዛሬ ማጻፋ 8:17

Hessa gishshas, «Nuni nu wolqqaninne nu minoteththan duretidos» gi qoppofte.

1ሳሜላ ማጻፋ 6:9

Gido attiin izi awa baanaakko xeellite; izi Beeti-Shemishe baggara kase ba yida dere bizaa gidikko, hayssa wolqqama metoza nu bolla gaththiday GODAA. Izi hee bontta aggiko metozi nu bolla dingate gakkides attiin iza kushey nuna shoconttayssa nu erana» gida.

ዬ ማጻፋ 76:5

Gooba olanchchati bonqqettida; isttafe issoyka ba kushe denththana dandaybeenna; istti wolqqama dhisko dhiskida.

ሌሚሶ ማጻፋ 1:5

Aadho eranchchati ha leemisota siyidi erateth gujjeettes; akeekanchcha asatikka lo7o zoreta ekkeettes.

ኤራንቻታ ማጻፋ 9:2

Xillota woykko nagaranchchata gidiin, suureta woykko iitata gidiin, geeshshata woykko tunata gidiin, yarsho shiishshizayta woykko yarsho shiishshonttayta gidiin ubbatasikka wurseththa qaaday issino. Lo7o asas hanzayssa mala nagaranchchaska hanees; caaqqizayssas hanizayssa malakka caaqos babbizaytas hanees.

ዛካራሳ ቲንቢቴ 4:6

Qasseka, «GODAY Zerubaabeles yootida qaalay hayssa, ‹Ta ayananpe attiin wolqqaninne minoteththan gidenna› gees Ubbaafe Wolqqama GODAY.

ኤራንቻታ ማጻፋ 9:3

Salo gufanththon ubbaa bolla gakkiza iitateththi hayssa; ubbaas wurseththa qaaday issino; hessafe bollarakka asa wozinay iitateththan kumidessinne gooyides; wurseththankka hayqqida asan gayttees.

ኤርማሳ ቲንቢቴ 48:14

«Intte, ‹Nuni mino olanchchata› gaanaas waani dandaydetii?