ኤራንቻታ ማጻፋ 7:9 - Geeshsha Maxaafa

⁹ Eeyata hanqoy istta ki7o garsan diza gishshas neni hanqos eesotoppa.

ጋሞ ማጻፋ

⁹ ኤያታ ሃንቆይ ኢስታ ኪኦ ጋርሳን ዲዛ ጊሻስ ኔኒ ሃንቆስ ኤሶቶፓ።

ኤራንቻታ ማጻፋ 7:9 Referans Kwoze

ያቆቤ ኪታ 1:19

Dosettida ta ishatoo! Hayssa yuushshi qopite; asi wurikka siyanaas eesoto; haasayassinne hanqos eesotoppo.

ሌሚሶ ማጻፋ 14:17

Elle hanqettiza asi eeya ooso ooththees; yo7o qachchiza asi dosettenna.

ሌሚሶ ማጻፋ 16:32

Wolqqama as gidanaappe dandaya as gideth lo7o; bana haarizaadey katama wolqqan haarizaadefe aadhdhees.

ማርቆሳ ሚሺራቾ 6:19

Herodiyaada hessa gishshas hoollottada iza wodhisanaas koyadus shin dandayabeekku.

ዮናሳ ቲንቢቴ 4:9

Histtiin Xoossay Yoonaasas, «Tumu neni ha gosey gishshas hanqettanaas bessizee?» gides. Yoonaasikka, «Ee! Hayqqana gakkanaas hanqettanaas taas bessees» gides.

2ሳሜላ ማጻፋ 19:43

Hessafe guye Isra7eele asay Yuhuda asaas, «Nuna kawozappe tammu kushey gakkees; hessafe bollarakka inttefe nuus aadhdhiza maatay dees; histtiin intte nuna aazas kadhidetii? Nu kawozi simmana mala koyro oychchiday nuna gidokkonii?» gida. Gido attiin Yuhuda asay immida zaaroy Isra7eele asay immida zaaroppe keehi mino.

2ሳሜላ ማጻፋ 13:22

Abeseloomey Aminoone bolla iita gidiin lo7o gidiin issi qaalakka phoqqibeenna; gaasoykka Aminooney iza michcho Ti7imaaro kawushshida gishshas keehi ixxides.

2ሳሜላ ማጻፋ 13:28

Abeseloomey ba aylletas, «Aminooney woyne ushshaa uyidi maththottanaashe gakkanaas naagettite; hessafe guye tani inttena, ‹Aminoone shocite› giza wode intte iza wodhite; inttena azaziday tana gidida gishshas babbofte, minnite, xalite» gi azazides.

ማርቆሳ ሚሺራቾ 6:24

Naya elela kezada ba aayeyo, «Kawoza ay oychchoo?» gadus. Aayiyakka, «Xammaqiza Yohannisa hu7e qanxxada imma ga» gadus.

2ሳሜላ ማጻፋ 13:32

Gido attiin Dawite isha Shame7e naa Iyoonadaabey, «Kawo nayta ubbaa wodhi wursidaa misatissidi ta goday qoppofo; iza michcho Ti7imaaro wolqqanththi oykkida wodeppe doommidi Abeseloomey gixxi dendida yo7o gidida gishshas Aminooney xalla hayqqides.

ሜቴ ማጻፋ 4:8

Hessafe guye Qayeeley ba isha Aabeele, «Ane gede dembaso boos» gides. Biidi istti demban dishin Qayeeley ba isha Aabeele bolla dendidi wodhides.

ሌሚሶ ማጻፋ 14:29

Dandayanchcha asas gita akeekay dees; elle hanqettiza asi gidikko ba eeyateth qonccisees.

ኤራንቻታ ማጻፋ 7:10

Neni, «Ha wodey kase aadhdhida wodetappe ays lo7idee?» ga oychchofa; heytantta mala oyshata oyshoy aadho erateth gidenna.

ሌሚሶ ማጻፋ 25:8

Ne ayfezan be7ida ubbaa markkattanaas dubbusha baanaas eesotoppa; ays giikko neni markkatta simmiin, hara asi ne markkateththay bala gididayssa qonccisikko neni yeellatana.

ዮናሳ ቲንቢቴ 4:3

Abeet GODAWU! Ha7i ta shemppo ekka; paxa duussafe taas hayqoy lo7o» gi woossides.

ዮናሳ ቲንቢቴ 4:8

Arshey mokkiza wode Xoossay xuuggiza carko arshey mokkiza baggafe yeddides; hessafe dendidayssan Yoonaasi daaburana gakkanaas away Yoonaasa hu7e xuuggides; histtiin izi, «Paxa daanaappe taas hayqoy lo7o» gides.