ኤራንቻታ ማጻፋ 4:1 - Geeshsha Maxaafa

¹ Tani qasseka salo gufanththon diza qoho ubbaa be7adissinne akeekadis; qohettidayta afunth be7adis; istta minththeththiza asikka deenna; wolqqay istta qohiza asata kushen dees; istta minththeththiza asikka deenna.

ጋሞ ማጻፋ

¹ ታኒ ቃሴካ ሳሎ ጉፋንን ዲዛ ቆሆ ኡባ ቤኣዲሲኔ ኣኬካዲስ፤ ቆሄቲዳይታ ኣፉን ቤኣዲስ፤ ኢስታ ሚንዛ ኣሲካ ዴና፤ ዎልቃይ ኢስታ ቆሂዛ ኣሳታ ኩሼን ዴስ፤ ኢስታ ሚንዛ ኣሲካ ዴና።

ኤራንቻታ ማጻፋ 4:1 Referans Kwoze

ኤራንቻታ ማጻፋ 3:16

Qasseka tani salo gufanththon hara miish be7adis; pirda sohon makkallateththi dees; suure pirda sohon geney dees.

ኤራንቻታ ማጻፋ 5:8

Dere garsan manqoy sugettiin, pirday pacciin, maatay yedhettiin ne be7ikko heytanttan keeha malalettofa. Issi issi halaqaas izappe bollara halaqay dees; qasse ubbatappe bollara hara halaqati deettes.

ኢሳያሳ ቲንቢቴ 5:7

Ubbaafe Wolqqama GODAA woyne tokkiza gadey Isra7eele asaa. Yuhuda asay izi ufayettiza atakilte. Istti suure pirda pirdana giidi naagides; gido attiin suuth gussishin be7ides. Izi xilloteth koyides; gido attiin meto waaso siyides.

ያቆቤ ኪታ 5:4

Intte intte wozinan woththite; intte kath maxishe peydaytas istta wolqqa waagaa intte qanxxontta aggida gishshas intte bolla waassishe intte achchan deettes. Kath maxizayta waasoy ubba dandayza Godaa hayththan gakkides.

Maatosa 26:56

Gido attiin hayssi wurikka hanidayssi kase nabeti Geeshsha Maxaafatan yootidayssi polettanaassa» gides. He wode Yesusa kaallizayti iza yeggidi dhayda.

ሚልካሳ ቲንቢቴ 3:5

«Hessa gishshas ta intteko pirdana yaana; muurennizayta, laymatizayta, wordo markka markkattizayta, wordo caaqo caaqqizayta, ooso oosisidi miishsha diggizayta, am7etanne yi7o nayta dechchizayta, bete asatas pirda tuccizayta, taas babbonttayta bolla markkattanaas ta ellesays» gees Ubbaafe Wolqqama GODAA Xoossay.

ኤርማሳ ዚላስ 1:9

Izi tunateththi izi may7o bolla beettides; sinththafe izi bolla hananayssa iza qoppabeekku; izi kundeththi daganththizaaz gidides; iza, «Ta Godaa Xoossoo! Ta metotiza metoza be7a; ta morkketi tana xoonida» ga woossiinkka izo minththeththizay oonikka beettibeenna.

ኤርማሳ ዚላስ 1:2

Iza giddoththi camo yeeho yeekkawus; izis afunththayka shagalara goggees; izi laggetappe izo minththeththizay oonikka deenna; ubbatikka izo kaddida; zaaridikka izis morkke gidida.

ኢሳያሳ ቲንቢቴ 51:23

Tani hessa nena un7eththizayta kushen woththana. Istti nena, ‹Nuni ne bollara hemettidi aadhdhana mala zaqulla› gida. Histtiin istti aadhdhana gakkanaas ne zokko isttas biitta malanne oge mala ooththadasa» gees.

ዬ ማጻፋ 42:9

Ta Xoossawu taas Zaallawu! «Ne tana ays dogadii? Ta morkketi tana qohishin ta ceecashe ays de7oo?» gays.

ዬ ማጻፋ 42:3

Asay ubbato, «Ne Xoossi awan dizee?» giza wode taas gallassinne omars afunththi quma gidides.

ዬ ማጻፋ 12:5

GODAY, «Hiyeesati un7ettida gishshassinne, metotanchchata waaso gishshas ha7i tani dendana; tani istti amottiza saroteththan istta woththana» gees.

ኢዮቤ ማጻፋ 35:9

«Asi haray darssi qohishin waassees; baappe wolqqatizaade kusheppe bana ashshi ekkanaades magannees.

ኢሳያሳ ቲንቢቴ 59:7

Istta tohoti nagarakko woxxeettes; xillo suuth gussanaas eesoteettes; istti iita qofa qoppeettes. Bashshinne qohoy istti aadhdhida oge ubbaas malata.

ሚልካሳ ቲንቢቴ 3:18

He wode qasseka xillonne nagaranchcha giddon Xoossas ooththizayta giddoninne ooththonttayta giddon diza dummateththa intte beyandeta.

ሚልካሳ ቲንቢቴ 2:13

Qasse intte ooththana hara miish GODAAS yarsho shiishshizasoza intte ayfunthan meeshana; hessafe guye intte yarshoko xeellontta gishshassinne ufayssan ekkontta gishshas intte yeekkananne waassana.

ኤራንቻታ ማጻፋ 7:7

Gene oosoy aadho eranchcha eeya kessees; maganxoy asas wozina moorees.

ሌሚሶ ማጻፋ 28:3

Hiyeesata un7eththiza daannay kath dhayssiza wolqqama ira mala.

ዬ ማጻፋ 142:4

Tani ta yuusho simma xeelliza wode tana maaddanay oonikka deenna; ta baqata attanaasoyka deenna; ta shemppoys wudettiza asikka deenna.

ዬ ማጻፋ 80:5

Neni istta yeeho quma mala mizadasa; qasse afunththa haaththa mala ushshadasa.

ዬ ማጻፋ 69:20

Cashshi ta wozina madunththiin ta hidota qanxxadis. Taas qadhettiza as koyadis; gido attiin issi asikka deenna. Tana minththeththiza as koyadis; gido attiin issaadeka demmabeekke.

ኢዮቤ ማጻፋ 16:4

Intte ta sozan gidiin tani intte sohon gididaakko kadhen tani hu7e qaaththada ha7i intte gizayssa ubbaa intte bolla lo7eththa haasayanakkoshin.

ኢዮቤ ማጻፋ 6:29

Inttes qoho gidontta mala simmite, tani likke asakko!

ዳናታ ማጻፋ 4:3

Yaabiney biratappe oosettida uddufun xeetu para-gaareti izas diza gishshassinne izi Isra7eele asaa nam7u tammu layth kumeth keehi un7eththida gishshas istti maado demmanaas GODAAKKO waassida.

ዛሬ ማጻፋ 28:48

Hessa gishshas neni gafan, saamon, kalloteththaninne meto ubbaan GODAY ne bolla yeddiza ne morkketas ne haarettana; GODAY nena dhayssana gakkanaas ne morgen birata qambara waaxana.

ዛሬ ማጻፋ 28:33

Ne biittaa kaththa ayfenne ne daabura kessida ubbaa hara dere asi maana; neni ne de7o ubbaan un7ettidaadenne qohettidaade gidana.

ኬሳ ማጻፋ 1:22

Hessafe guye kawoy ba asaa ubbaa, «Ibraawetappe yelettiza adde naa ubbaa Nayle geetettiza Shaafa haaththan olite; gido attiin macca nay yelettiko paxa aggite» giidi azazides.

ኬሳ ማጻፋ 1:16

«Ibraawe maccassati yeliza wode intte yelissishin yelettidayssi attuma naa gidikko wodhite; gido attiin macca naa gidikko wodhopite»

ሌሚሶ ማጻፋ 19:7

Manqo iza dabbo ubbay ixxees; histtiin iza laggeti ay keena izappe baqatanee! Kaalli aadashidikka izi istta demmenna.

ኤራንቻታ ማጻፋ 8:9

Salo gufanththon haniza miish ubbaa tani pilgga be7adis; asi as qohanaas daannatiza wodey dees.

ኤርማሳ ቲንቢቴ 16:7

Kayottizayta minththeththanaas shoch ehanay deenna; qasseka aaway hayqqida woykko aaya hayqqida as minththeththanaas shochcha ushshu ehanay deenna.

ኤርማሳ ዚላስ 1:16

«Morkkey nu bolla goobides; nu naytikka barkka attida; nuna zori minththeththizayti nuuppe haakkida; hessa gishshas ta yeekkayssinne afunththa gussays.

ኢዮቤ ማጻፋ 9:24

Biittay iita asata kushen aadhdhi imettishin izi pirdiza asata ayfe goozees; hayssa ooththiday Xoossa gidontta aggiko haray oonee?

ዬ ማጻፋ 69:21

Tani gafida wode taas cammiza kath immida. Tani saamettida wode taas caala phanqida ushshu immida.

ዬ ማጻፋ 142:5

Abeet GODAWU! Ne tana maaddana mala ta neekko waassays; ta zemppoy nena; ta shemppora paxa dishin ta qaaday nena.

ሌሚሶ ማጻፋ 29:2

Xillo asati maata oykkiza wode asay ufayettees; gido attiin iita asati biitta haariza wode asay oolees.

ኤርማሳ ዚላስ 1:17

Xiyoona ba kushe miccadus; izo minththeththizaadey deenna; Yaaqoobe zaretas shooroti izas morkke gidana mala Xoossi azazo kessides; Yerusalaameykka istta giddon tuna miishsha mala qoodettadus.

ኣሞጼ ቲንቢቴ 3:9

Ashdoodeninne Gibxen diza miixatan diza ubbaas, «Samaariya zumata bolla shiiqite; heen isttan oosettiza gene oosonne bul7aketizayssa xeellite» gi awajjite.

ኣሞጼ ቲንቢቴ 3:10

GODAY, «Hayti dereti lo7o ooso erettenna. Makkallaninne genen ekkida miishshan ba miixa kunththeettes.