ኤራንቻታ ማጻፋ 3:17 - Geeshsha Maxaafa

¹⁷ Tanikka ta wozinan, «Ubbaa yo7ossinne oosos wodey diza gishshas Xoossi xillozanne wordanchchaza pirdas shiishshana» gaada qoppadis.

ጋሞ ማጻፋ

¹⁷ ታኒካ ታ ዎዚናን፥ «ኡባ ዮኦሲኔ ኦሶስ ዎዴይ ዲዛ ጊሻስ ጾሲ ጺሎዛኔ ዎርዳንቻዛ ፒርዳስ ሺሻና» ጋዳ ቆፓዲስ።

ኤራንቻታ ማጻፋ 3:17 Referans Kwoze

2ቆሮንቶሴ ኣሳስ 5:10

Nuni wurikka Kirstoosa pirda wombora sinth shiiqanayssi attenna; nuuppe issoy issoy biitta bolla ba ooththiday iita gidiin woykko lo7o gidiin ba ooso mala bessiza waaga baas ekkana.

ኤራንቻታ ማጻፋ 12:14

Xoossay ooso ubbaa bolla, geemmida yo7o ubbaa bolla, lo7o gidiin iita gidiinkka pirdana.

Maatosa 16:27

Asa Nay ba Aawa bonchchoranne salo kiitanchchatara yaana; issaas issaas iza ooso mala izaade waaga immana.

ኤራንቻታ ማጻፋ 3:1

Ubbaasikka wodey dees; saloppe garsa baggara oosettizayssas ubbaas wodey dees.

ኤራንቻታ ማጻፋ 11:9

Haysso yelagazoo! Ne naateteththa layththan ufayetta; ne naateteththa layththan ne wozinan ufayetta; ne ayfey xeellida ubbaanne ne wozinay amottida ubbaa pola; gido attiin ne ooththida ooso ubbaa gishshas Xoossi nena pirdas shiishshanayssa era.

ዬ ማጻፋ 98:9

GODAY sa7a bollan pirdanaas yaana; izi ha sa7a bolla xilloteththan asa bollaka suureteththan pirdana.

ሜቴ ማጻፋ 18:25

Xillota wordotara gaththa wodhizayssinne xillotanne wordota issi ayfen xeellizayssi hessi neeppe haakko; ha biitta ubbaa bolla pirdiza neni xillo pirdikii?» gides.

ዮሃኒሳ ኣጁታ 20:2

He daweza oykkidi shii layth qachchides; hessi dawezi Daabulosa woykko Xala7e geetettiza kase beni shooshshaza.

ዮሃኒሳ ኣጁታ 11:18

Ayzaabey hanqettides; kase hayqqidayti pirda demmiza wodey gakkides; kase ne oosanchchata nabetassinne geeshshatas ne sunththaaka bonchchizaytas, guuththatassinne gitatas, neni isttas istta waaga immiza wodey ha7i gakkides. Biittaa dhayssidayta ne dhayssanaas wodey gakkides» gida.

1ቆሮንቶሴ ኣሳስ 4:5

Hessa gishshas pirdana wodey gakkontta haara ay yo7okka pirdofte; Goday yaana gakkanaas naagite; izi dhuma giddon qotettidayssa buro qoncce kessana. Asa wozina giddon diza qofaakka qoncce kessana; he wode issi issi asi baas bessiza galata Xoossa achchafe ekkana.

ሃዋሬታ ኦሶ 17:31

Izi ba dosidaade baggara biitta bolla xilloteththan pirdana gallas bare woththides. Izakka hayqoppe denththidi as ubbaas hayssa tumateththa erisides.

ሃዋሬታ ኦሶ 1:7

Izikka isttas, «Aaway ba shenen woththida wode eroy inttes imettibeenna.

ዮሃኒሳ ሚሺራቾ 5:22

Aaway oona bollaka pirdenna; gido attiin pirda maata ubbaa ba naazas immides.

ዳኔላ ቲንቢቴ 12:9

Izikka taas, «Daaneela! Hayssa alameza wurseththi gakkanaas hayssi tinbite qaalazi gordettidi maatamen shocettida gishshas neni ba.

ዳኔላ ቲንቢቴ 12:4

«Daaneela! Neni alame wurseththi gakkanaas hayssa maxaafaza gordada maatamen shoca; he wode asay erateth darsanaas yaanne haa woxerettana» gides.

ዳኔላ ቲንቢቴ 11:40

«Wurseththa wodey gakkishin dugeha bagga kawoy pudeha bagga kawoza bolla olas worajjana; pudeha bagga kawoy para-gaaren, toganinne markabetan go7ettidi olaa eqettana; di7o haaththa mala daro dereta worajji oykkana.

ኤራንቻታ ማጻፋ 8:6

As metoy keehi un7eththikokka ubbaa miishshaska likke wodeynne bessiza ooso ogey dees.

ኤራንቻታ ማጻፋ 2:1

Tani ta wozinan, «Ane taas gita ufays immizay aazakko, qasse lo7o miishshi aazakko eranaas koyays» ga qoppadis; gido attiin hessi hada.

ኤራንቻታ ማጻፋ 1:16

Tanikka ta wozinan, «Taappe kase Yerusalaame haarida ubbatappe tani gitanne aadho eranchcha gidadis; tani aadho erateththaninne eran keeha loohadis» ga qoppadis.

1ታሶሎንቄ ኣሳስ 5:1

Ta ishatoo! Hessi hanana wodeza gishshas nu inttes xaafanaas koshshenna.

ዬ ማጻፋ 96:13

Ays giikko GODAY yaana; izi sa7a bollan pirdanaas yaana; izi ha sa7a bolla xilloteththan, asa bollaka tumateththan pirdana.