ኤራንቻታ ማጻፋ 3:14 - Geeshsha Maxaafa

¹⁴ Xoossay ooththidayssi ubbay mernaas de7anayssa ta erays; izi ooththidayssa bolla gujjanaas woykko izappe guuththanaas dandayettenna. Xoossi hessa ooththiday asay iza bonchchana malassa.

ጋሞ ማጻፋ

¹⁴ ጾሳይ ኦዳይሲ ኡባይ ሜርናስ ዴኣናይሳ ታ ኤራይስ፤ ኢዚ ኦዳይሳ ቦላ ጉጃናስ ዎይኮ ኢዛፔ ጉናስ ዳንዳዬቴና። ጾሲ ሄሳ ኦዳይ ኣሳይ ኢዛ ቦንቻና ማላሳ።

ኤራንቻታ ማጻፋ 3:14 Referans Kwoze

ያቆቤ ኪታ 1:17

Lo7o imoteththinne kumeththa anjjoy wuri bolla salo poo7ota Aawappe wodhdheettes; iza achchan yaanne haa yuuyiza eeshoykka deenna.

ዬ ማጻፋ 33:11

GODAA halchchoy mernaas eqqi daana; iza wozina qofaykka yeletappe yeleta gakkanawu daana.

ኦሮሜ ኣሳስ 11:36

Wurikka izappe, izan, izassa; izas bonchchoy mernaappe mernaas gido! Amiin.

ሃዋሬታ ኦሶ 5:39

Xoossafe gidikko qasse intte istta teqqanaas dandayekketa; oonee erizay intte Xoossara ooyettishe beettanakko» gides.

ሌሚሶ ማጻፋ 30:6

Iza qaala bolla aykkoka gujjofa; gujjiko izi nena seerana; neni wordanchcha gididayssaka izi qonccisana.

Titosas 1:2

iza ammanoynne erateththay kaseppe oykkidi wordotontta Goday daro wodeppe kase ba immida mernaa de7o hidota mala.

ሌሚሶ ማጻፋ 21:30

Asi ba eran, akeekaninne halchchon GODAARA eqettanaas dandayenna.

ኤፌሶኔ ኣሳስ 3:11

Xoossi nu Godaa Yesus Kirstoosa baggara hayssa poliday ba mernaa qofaa mala.

ሃዋሬታ ኦሶ 4:28

Hayssanka ne wolqqaninne ne shenen kase ne qoppidayssa istti polida.

ሃዋሬታ ኦሶ 2:23

Xoossi kase ba qachchidayssa izas beni erateththaa mala hayssaade intte kushen aaththi immides. Intteka iita asata kushen kaqetti hayqqana mala ooththideta.

ኢሳያሳ ቲንቢቴ 46:10

Wurseththan hananayssa koyrotta, buroppe yaanayssa beni yootadis; ‹Ta halchchoy mino; tana ufayssizaaz ubbaa ta ooththana› gadis.

ኤራንቻታ ማጻፋ 7:18

Issaa oykkidi hankkoyssaka yeddontta agoy lo7o; Xoossas yayyiza asi shikkalateth ixxees.

ኤራንቻታ ማጻፋ 5:7

Daro agumoynne daro haasayay hada; hessa gishshas neni Xoossas yayya.

ሌሚሶ ማጻፋ 19:21

Asa wozinan daro halchchoy dees; gido attiin GODAA qofay polettees.

ዬ ማጻፋ 76:10

Neni as hanqikokka hessi ne bonchchos gidees; olappe attidayti ne ba7aale bonchchana.

ዬ ማጻፋ 64:9

He wode asay ubbay Xoossas yayyana; Xoossa ooso qonccen yootana; izi ooththidayssaka yuushshi qoppana.

ዮሃኒሳ ኣጁታ 15:4

Godoo, nees babbontta asinne ne sunth bonchchontta asi oonee? Neni nerkka geeshsha; ne tumaa pirday qonccida gishshas dereti wuri yiidi ne sinththan nees goynnana» gi yexxida.

ዳኔላ ቲንቢቴ 8:8

Deyshsha orgezi keehi minni minni wolqqati bides; gido attiin izi ba wolqqan minni minni bida wode izas gita kacezi meqqi wodhdhides; he kacezasohozan hara oyddu gita kaceti mokkida; istti ubbayka salo carko oyddata bagga simmi diccida.

ኤራንቻታ ማጻፋ 12:13

Hekko ubbaa miishshi yootettides; yo7o ubbaas kuushshi hayssa; Xoossas yayya; iza azazo naaga; hessika asa naas imettida kumeththa ooso.

ዛሬ ማጻፋ 32:4

«Izi nuus miixa; iza oosotikka kumeththa; Iza ogeti wurikka suure; izi balettontta ammanettida Xoossa; izi suurenne xillo Xoossa.

2ሳሜላ ማጻፋ 22:31

«Xoossa ogey kumeththa; GODAA qaalay muuruta; izan ammanettidayta ubbaas izi gondalle.

ኤራንቻታ ማጻፋ 5:6

Nena ne doonay nagaran yeggontta mala ne doona shiishsha; qasse Xoossa Keeththa oosanchcha sinth shiiqada, «Ta hayssa qoppontta adinettadis» gooppa. Xoossa hanqeththada ne ooso ays dhayssisay?