ኤራንቻታ ማጻፋ 2:17 - Geeshsha Maxaafa

¹⁷ Salo gufanththon haniza miishshi ubbay iitiza gishshas ha sa7a duussay tana iitees; hessi ubbayka hada; carko oykkanaas yedeththiza mala.

ጋሞ ማጻፋ

¹⁷ ሳሎ ጉፋንን ሃኒዛ ሚሺ ኡባይ ኢቲዛ ጊሻስ ሃ ሳኣ ዱሳይ ታና ኢቴስ፤ ሄሲ ኡባይካ ሃዳ፤ ጫርኮ ኦይካናስ ዬዴዛ ማላ።

ኤራንቻታ ማጻፋ 2:17 Referans Kwoze

ኤራንቻታ ማጻፋ 2:11

Gido attiin hessa ubbaa ooththa simmada tani akeekiza wode tani keeha demmana gaada daaburda daabura ubbaa ta qoppiza wode ubbayka hada; salo gufanththon ay wodheykka deenna; ubbayka carko oykkanaas yedeththiza mala.

ዮናሳ ቲንቢቴ 4:8

Arshey mokkiza wode Xoossay xuuggiza carko arshey mokkiza baggafe yeddides; hessafe dendidayssan Yoonaasi daaburana gakkanaas away Yoonaasa hu7e xuuggides; histtiin izi, «Paxa daanaappe taas hayqoy lo7o» gides.

ኤራንቻታ ማጻፋ 4:2

Hessa gishshas tani, «Ha7i shemppora paxa dizaytappe kase hayqqidayti kiya» gadis.

ኢምባቆ ቲንቢቴ 1:3

Ne tana aazas qohoy darshin bessay? Hayssa mala gene oosoy oosettishin ne waana co7u gaada xeellay? Mooroynne makkallay ta sinththan dees. Ooshshinne palamay biitta bolla darides.

ዮናሳ ቲንቢቴ 4:3

Abeet GODAWU! Ha7i ta shemppo ekka; paxa duussafe taas hayqoy lo7o» gi woossides.

ሂዚቄላ ቲንቢቴ 3:14

Hessafe guye tana Ayanay pude dhoqqu histti haraso efides; tani camoninne hanqo ayanan kumada badis; GODAA gita wolqqay tana oykkides.

ኤራንቻታ ማጻፋ 6:9

Amon toylattanaappe ayfen be7oy kiya; hessika hadanne carko oykkanaas yedeththiza mala

ኤራንቻታ ማጻፋ 3:16

Qasseka tani salo gufanththon hara miish be7adis; pirda sohon makkallateththi dees; suure pirda sohon geney dees.

ኤራንቻታ ማጻፋ 2:22

Hessa gishshas salo gufanththon asi keehi dafettikonne daaburkko izas ay wodhey dizee?

ኤራንቻታ ማጻፋ 1:14

Salo gufanththon hanida hanota ubbaa ta be7adis; gido attiin ubbayka hada; carko oykkana yedeththiza mala.

ዬ ማጻፋ 89:47

Ta layththay ay keena qaanththako qoppa; ne asa naa coo hada medhdhadii!

ኢዮቤ ማጻፋ 14:13

«Hayqqidayta giddon ne tana qottidaakko aazee dizay! Ne hanqozi aadhdhana wodey gakkanaas ne tana qottidaakko! Qaxaro gallas qachchada ne tana qoppidaakko!

1ካዎታ ማጻፋ 19:4

Issi gallassa oge bazzon hemettides. Bishe sankkara miththa kuwa garsan uttidi, «Abeet GODAWU! Taas gidana; tani ta aawatappe aadhdhike. Ta shemppoyo ne ekka» giidi hayqo amotti woossides.

ታይቦ ማጻፋ 11:15

Ne tana hayssaththo waayisanaappe tani meto be7ontta mala ne taas mishettizaa gidikko ne tana ha7i wodhidaakko taas lo7o» gi woossides.

ኤራንቻታ ማጻፋ 1:17

Qasse tani aadho erateth, gooshshateththinne eeyateth shaakka eranaas keeha baaxetadis; gido attiin wurseththan hessika carko oykkanaas yedeththiza mala hada gididayssa eradis.

ኤራንቻታ ማጻፋ 4:3

Gido attiin ha nam7atappeka bollara mulekka yelettonttayta qaaday lo7o; gaasoykka istti salo gufanththon oosettiza qohoza mulekka be7ibeettenna.