ኤራንቻታ ማጻፋ 12:13 - Geeshsha Maxaafa

¹³ Hekko ubbaa miishshi yootettides; yo7o ubbaas kuushshi hayssa; Xoossas yayya; iza azazo naaga; hessika asa naas imettida kumeththa ooso.

ጋሞ ማጻፋ

¹³ ሄኮ ኡባ ሚሺ ዮቴቲዴስ፤ ዮኦ ኡባስ ኩሺ ሃይሳ፤ ጾሳስ ያያ፤ ኢዛ ኣዛዞ ናጋ፤ ሄሲካ ኣሳ ናስ ኢሜቲዳ ኩሜ ኦሶ።

ኤራንቻታ ማጻፋ 12:13 Referans Kwoze

ዛሬ ማጻፋ 10:12

Isra7eele asawu! GODAY inttefe koyzay hayssafe kaallizayssa; GODAA intte Xoossaa yayyite; iza oge kaallite; iza siiqite; kumeththa wozinappenne kumeththa shemppofe izas ooththite.

ሚኪያሳ ቲንቢቴ 6:8

Asa nawu! Izi nena lo7o miish bessides Xoossi neeppe koyzay aazee? Lo7o ooththana mala maaroteth ne dosana malanne Xoossa sinththan neni ashketeththara baana mala gidennee?

ዛሬ ማጻፋ 6:2

Intte he biittayn adussa layth daana mala intte, intte naytinne intte nayta nayti bantti diza wode ubbaan Xoossas yayyanaassinne ta immida azazota, maaratanne wogata ubbaa naaganaas bessees.

ዬ ማጻፋ 111:10

Aadho erateththas koyroy GODAAS yashshateththa; iza azazo ooththizaytas lo7o akeekay dees. GODAY mernaas galatetto!

ኢዮቤ ማጻፋ 28:28

He wode asas, ‹Hekko erateth guussi Xoossas yashshateththa; akeeka guussi iitappe haako› gides.»

ዬ ማጻፋ 145:19

Izi baas yayyiza ubbaas amo kunththees. Qasse izi istta waasoza siyidi istta ashshees.

ኤራንቻታ ማጻፋ 8:12

Nagaranchchay xeetuto iita miish ooththishin iza layththay aduqqikokka, Xoossa bonchchizaytassinne Xoossa yayyizaytas lo7oy hananayssa ta erays.

ሉቃሳ ሚሺራቾ 1:50

Iza maaroy izas babbizaytas naa naa gakkanaas daana.

ሌሚሶ ማጻፋ 19:23

GODAAS yashshi de7os kaaleththees; hessa mala asi woppan dees; iitaykka iza bochchenna.

ሌሚሶ ማጻፋ 1:7

Aadho erateththas koyroy GODAAS yashshateththa; eeyati gidikko aadho erateththinne seera kadheettes.

ዬ ማጻፋ 147:11

GODAY baas yayyizaytaninne iza siiqon ammanettizaytan ufayettees.

ኤራንቻታ ማጻፋ 5:7

Daro agumoynne daro haasayay hada; hessa gishshas neni Xoossas yayya.

ዮሃኒሳ ኣጁታ 19:5

Hessafe guye, «Izas yayyiza iza oosanchchati wurikka guuththatinne gitati nu Godaa galatite» giza qaalay iza algaafe kezides.

1ጴጽሮሳ ኪታ 2:17

As ubbaaka bonchchite; ammanizayta siiqite; Xoossas babbite; kawo bonchchite.

ሌሚሶ ማጻፋ 23:17

Nagaranchchata bolla qanaatoppa; gido attiin ubbato GODAAS yashshateth aggofa.

ዛሬ ማጻፋ 4:2

Ta inttes immiza wogaa bolla aykkoka gujjofte; aykkoka izappe pacinchchofte; GODAA intte Xoossay inttes ta baggara immida wogaas azazettizayta gidite.

ሜቴ ማጻፋ 22:12

«Naaza bolla ne kushe woththofa; iza aykkoka ooththofa; neni ne mexi issi naazakka tana diggontta gishshas neni Xoossas yayyiza as gididayssa tani ha7i eradis» gides.

ኤራንቻታ ማጻፋ 6:12

Hadanne eesho mala elle aadhdhiza guuththa layththatan asas lo7o miishshi hananayssa erizay oonee? Qasseka izi hayqqidaappe guye salo gufanththon haniza miish izas yootana dandayzay oonee?

ኤራንቻታ ማጻፋ 2:3

Hessi wuri haniinkka aadho erateth demmanaas ta wozinan amottada tana woyne ushshan ufayssanaassinne eeyateth oykkanaas baaxetadis; qasse asay sa7a bolla diza qaanththa layththan salo gufanththon diza miish ubbaa bolla ooththidaakko istta go7izaazi aazakko ta erana koyadis.

1ሳሜላ ማጻፋ 12:24

Intte gidikko GODAAS yayyite; kumeththa wozinappe ammaneteththan izas goynnite; izi inttes ooththida gita yo7ota balopite.

ኤራንቻታ ማጻፋ 3:14

Xoossay ooththidayssi ubbay mernaas de7anayssa ta erays; izi ooththidayssa bolla gujjanaas woykko izappe guuththanaas dandayettenna. Xoossi hessa ooththiday asay iza bonchchana malassa.

ኤራንቻታ ማጻፋ 7:18

Issaa oykkidi hankkoyssaka yeddontta agoy lo7o; Xoossas yayyiza asi shikkalateth ixxees.

ኤራንቻታ ማጻፋ 8:5

Izas azazettiza asi ubbay qohettenna; aadho erateththi diza wozinay likke wodenne bessiza ooso oge shaakki erees.

ዛሬ ማጻፋ 4:10

Siina zumaa bolla GODAA intte Xoossaa sinththan intte eqqida wode izi tana, ‹Intte de7iza wode ubbaan istti taas yashshateth taamarana mala, bantta naytakka tamaarsana malanne ta qaalaa siyana mala deraa taakko shiishsha› gidayssa akeekite.

ዛሬ ማጻፋ 10:20

GODAA intte Xoossaas yayyite; izas xalla goynnite; izan ammanettidi iza sunththan caaqqite.

1ካዎታ ማጻፋ 2:3

GODAA ne Xoossaa azazo naaga; iza ogetan hemetta; Muse wogan xaafettida mala iza awajjata, azazota, wogatanne maarata naaga; histtiko neni ooththiza miish ubbaynne neni biza soho ubbay nees injjetana.