ኤራንቻታ ማጻፋ 11:8 - Geeshsha Maxaafa

⁸ Asi keehi adussa layth ha sa7an de7ikko he ubbaankka ufayetto. Gido attiin dhuma gallassati dariza gishshas qoppo; buro yaana miishshi ubbayka hada.

ጋሞ ማጻፋ

⁸ ኣሲ ኬሂ ኣዱሳ ላይ ሃ ሳኣን ዴኢኮ ሄ ኡባንካ ኡፋዬቶ። ጊዶ ኣቲን ማ ጋላሳቲ ዳሪዛ ጊሻስ ቆፖ፤ ቡሮ ያና ሚሺ ኡባይካ ሃዳ።

ኤራንቻታ ማጻፋ 11:8 Referans Kwoze

ዮሃኒሳ ሚሺራቾ 12:35

Yesusi isttas, «Ha7i guuththa wodes inttenara poo7oy dees; gadey dhumontta poo7ora hemettite; qammara hemettizaadey izi awa bizaakko erenna.

ዛሬ ማጻፋ 32:29

Istti erata gididaakko hayssa istti kasetidi qoppana; bantta wurseththankka hananayssa yuushshi qoppanashin!

ኢዩኤሌ ቲንቢቴ 2:2

He gallassay dhumanne tulala gallassa; shaaranne sakkanna dhuma gallassa; wontta poo7oy eeson zumata gakkiza mala wolqqama booley biitta ubbaan may7ana; hessa malay hayssafe kase hanibeenna; hayssafe guyenkka wodenkka hanenna.

ኤራንቻታ ማጻፋ 7:14

Nees wodey lo7ishin ufayetta; gido attiin wodey iitishin hayssa wozinan woththa; Xoossi issaa ooththida mala harakka ooththides; hessa gishshas asi sinththafe hanana miish aykkoka pilggidi erana dandayenna.

ዩሁዳ ኪታ 1:18

Istti, «Wode wurseththan Xoossa sheneppe haakkidayti barkka ba iita amo kaallishe as qidhizayti yaana» giidi inttes kase yooti woththida.

ኤርማሳ ቲንቢቴ 13:16

Izi dhuma ehontta dishin dhumida zumata bolla intte tohoy dhuphettontta dishin GODAAS intte Xoossas bonchcho immite; Intte, «Poo7oy yaana» giidi naageeta; gido attiin izi dhuman laammana; sakkanna dhuma ooththana.

ኤራንቻታ ማጻፋ 8:15

Salo gufanththon asas muussafe, ushshafenne ufayeteththafe aadhdhiza hara miishshi baynda gishshas ba de7o layththan ufayeteththi lo7o gadis; hessa gishshas Xoossi salo gufanththon izas immida layththatan izi ba ooson ufayettana.

ኤራንቻታ ማጻፋ 8:12

Nagaranchchay xeetuto iita miish ooththishin iza layththay aduqqikokka, Xoossa bonchchizaytassinne Xoossa yayyizaytas lo7oy hananayssa ta erays.

ኤራንቻታ ማጻፋ 6:11

Haasayay darshin hada yo7oy darees; histtiin hessi as ay go7anee?

Maatosa 22:13

Kawoykka ba ashkarata, ‹Hayssa addeza tohonne kushe shiishshi qachchidi heen karen diza dhumaan kessi olite; heen yeehonne achcha garccech gidana.›

ኤራንቻታ ማጻፋ 6:6

Ufayssi baynda dishin nam7u shii layth de7ikkoka izas aaza go7ay dizee? Wurseththan nam7ayka issi soho baana deettennee?

ኤራንቻታ ማጻፋ 4:16

Iza sinththan qooday baynda derey dees; kawoteththafe izi kichchiza wode izi ooththidayssas oonikka iza galatenna. Hessika hada; carko oykkanaas yedeththiza mala.

ኤራንቻታ ማጻፋ 4:8

Yeloy woykko ishay baynda bizza asi dees; iza dafeteththaas zaway deenna; iza ayfey izas diza aqota kallibeenna; izikka, «Tani hayssa oosi daaburazinaa? Tani ta hu7e ufayssanayssa ays uuzettazinaa?» gides. Hessika hadanne tugga de7o.

ኤራንቻታ ማጻፋ 2:26

Xoossi bana ufayssiza asas aadho erateth, erateththinne ufays immees; gido attiin nagaranchchay Xoossa ufayssizaytas yeggi baana mala aqota dagasanaassinne ooththanaas wolqqa immees; hessika hadanne carko oykkanaas yedeththiza mala.

ኤራንቻታ ማጻፋ 2:19

Taappe guyera yaanayssi izi aadho eranchcha gidiin woykko eeya gidiin oonee erizay? Izi oona gidikkoka tani keeha daaburdayssanne ta aadho erateththan tani demmida ubbaa bolla goda gidana; hessika hada.

ኤራንቻታ ማጻፋ 2:17

Salo gufanththon haniza miishshi ubbay iitiza gishshas ha sa7a duussay tana iitees; hessi ubbayka hada; carko oykkanaas yedeththiza mala.

ኤራንቻታ ማጻፋ 2:15

Tani ta wozinan, «Eeya gakkiza qaaday tanakka gakkana; histtiin tani aadho eranchcha gidoyssas wodhey aazee?» gaada qoppadis. Qasse tani ta wozinan, «Hayssi ubbayka hada» gadis.

ኢዮቤ ማጻፋ 18:18

Izi Poo7osoppe gede dhuman goodettana; biitta bollafe izi kichchana.

ኢዮቤ ማጻፋ 15:23

Kafos wora attida kaththa mala izi wora attana; izi dhayana dhuma gallassay izaakko matidayssa izi erees.

ኢዮቤ ማጻፋ 14:10

Asi gidikko hayqqidi kase baynda mala hanees; hayqqidaappe guye awan beettanee?

ኢዮቤ ማጻፋ 10:22

Ta baanaasozi dhuma kuwaynne shiroy kumida biitta; heen diza poo7ozi dhuma mala.»

ኤራንቻታ ማጻፋ 9:7

Baada ne kath ufayssan ma; ne woyne ushshaaka ne wozinay ufayettishin uya; ays giikko Xoossi ne ooththida ooson ufayettees.

ኤራንቻታ ማጻፋ 11:2

Nees diza aqo laappun woykko osppun sohon shaakereththa woththa; ays giikko biitta bolla ay iitay yaanaakko neni erakka.

ኢዮቤ ማጻፋ 10:21

Hessika tani nam7anththo haa simmanaas dandayontta girdi gida dhumaso baanaappe sinththana.

ኢዮቤ ማጻፋ 14:12

asikka hessa mala hayqqidaappe guye haa simmenna; saloy aadhdhanaashe gakkanaas dendenna; dhiskofekka beeggenna.

ዬ ማጻፋ 49:20

Asi erateththi baynda ay duretikkoka izi do7a mala hayqqana.