ዛሬ ማጻፋ 8:2 - Geeshsha Maxaafa

² GODAA intte Xoossay inttes immida azazota intte naagizaakkonne naagonttaakko intte wozinan diza qofa eranaas, inttena paaccanaassinne inttena ashkesanaas oyddu tammu layth kumeth meto giddora aaththidi izi inttena wostti wostti kaaleththidaakko ane yuushshi qopite.

ጋሞ ማጻፋ

² ጎዳ ኢንቴ ጾሳይ ኢንቴስ ኢሚዳ ኣዛዞታ ኢንቴ ናጊዛኮኔ ናጎንታኮ ኢንቴ ዎዚናን ዲዛ ቆፋ ኤራናስ፥ ኢንቴና ፓጫናሲኔ ኢንቴና ኣሽኬሳናስ ኦይዱ ታሙ ላይ ኩሜ ሜቶ ጊዶራ ኣዲ ኢዚ ኢንቴና ዎስቲ ዎስቲ ካሌዳኮ ኣኔ ዩሺ ቆፒቴ።

ዛሬ ማጻፋ 8:2 Referans Kwoze

ያቆቤ ኪታ 1:3

Gaasoykka intte ammano paaceteththi inttes dandaya immizayssa intte ereeta.

1ጴጽሮሳ ኪታ 1:7

Hessi he paacezi intte bolla gakkizay intte ammanozi tumu gididayssa qonccisanaassa. Dhayana worqqayka taman paacettees; worqqafe aadhdhi bonchcho gidida intte ammanoykka hessaththo paacettanaas bessees. Hessi paacettida intte ammanoy Yesus Kirstoosi qoncciza gallas galatas, bonchchossinne sabas inttena gaththana.

ዛሬ ማጻፋ 8:16

Inttena ashkesanaasinne paaccanaas wurseththankka lo7o gidana mala kase intte aawati mi erontta manna bazzo biittan inttes immides.

ኬሳ ማጻፋ 16:4

Histtiin GODAY Muses, «Tani inttes saloppe miza kath bukisana; asay ubba gallassika kezidi hachchis hachchis gidanaaz xalala maxana koshshees. Asay ta azazo kaallizaakkonne kaallonttaako tani istta hessan paacca xeellana.

ዛሬ ማጻፋ 2:7

GODAA intte Xoossay intte ooththida ubbaa inttes keehi anjjides; intte hayssa wolqqama bazzozara kanththi biza wode ishalsi oykkides; ha oyddu tammu layth kumeththaan GODAA intte Xoossay inttenara diza gishshas aykkoyka inttes paccibeenna.

2ታሪኬ ማጻፋ 32:31

Gido attiin Yuhuda biittan hanida malalisiza malaata gishshas oychchanaas Baabiloone haarizayti kiittida asati Hizqiyaasakko yida wode Xoossi iza paaccanaassinne iza wozinan dizayssa ubbaa eranaas iza yeddi bessides.

ኬሳ ማጻፋ 15:25

Musey GODAAS waassiin GODAY iza issi mith bessides; Musey he miththaa haaththaan yeggiin haaththay mal7ides. Heen GODAY isttas woganne maara kessidessinne istta paaccides.

ያቆቤ ኪታ 4:10

Godaa sinththan intte inttena kawushshite; izi inttena dhoqqu dhoqqu histtana.

ዮሃኒሳ ሚሺራቾ 2:25

Izi asa wozinan dizaa ubbaa eriza gishshas oonikka izas asa gishshas yootanaas koshshibeenna.

ያቆቤ ኪታ 4:6

Gido attiin izi ba kiyateth nuus gujji immees; Maxaafaykka, «Xoossi otoranchchatara eqettees; ashketas gidikko ba kiyateth immees» giday hessassa.

ዛሬ ማጻፋ 29:5

Tani inttena oyddu tammu layth kumeth bazzon kaaleththishin intte may7oy ceeggibeenna; intte tohon aaththida caammayka wuribeenna.

ሉቃሳ ሚሺራቾ 18:14

«Ta inttes yootays; Xoossa sinththan Farsaawezi xilloteth demmibeenna; hayssi qaraxizayssi gidikko xillidi baso simmides; bana dhoqqisizay wuri ziqqi gaana; bana ziqqisizay gidikko dhoqqu gaana» gides.

ኣሞጼ ቲንቢቴ 2:10

Tani inttes Amoore dere biitta immanaas inttena Gibxeppe kessadis; oyddu tammu layth kumeth bazzora kaaleththa ehada laatissadis.

ኢሳያሳ ቲንቢቴ 2:17

Moodhettizaadey kawuyana; otoranchchay kundana; he gallas GODAY xalla dhoqqu dhoqqu gaana;

ሌሚሶ ማጻፋ 17:3

Worqqaynne biray taman paacettizayssa mala GODAY asaa wozina pilggi xeellees.

ዬ ማጻፋ 136:16

Izi ba asaa bazzora kaaleththides; iza siiqoy mernaassa.

ዬ ማጻፋ 106:7

Nu aawati Gibxen de7iza wode, ne malalisiza ooso qoppibeettenna. Ne siiqo daroteththaa istti akeekibeettenna; Zo7o abba lanqen makkallida.

ዬ ማጻፋ 81:7

Intte meto wode tana xeygideta; histtiin tani inttena ashshadis; tani shaara giddora dadan inttena alladis; Mariiba geetettiza pultto haaththa matan tani inttena paaccadis.

ዬ ማጻፋ 77:11

GODAWU! Ne oosota tani qoppana; neni beni wode ooththida malalisiza oosota ubbaa ta yuushsha qoppana.

ኢዮቤ ማጻፋ 33:17

Hessa mala ooson asi nagara ooththontta mala diggees; otoreteththaaka isttafe denththees.

2ታሪኬ ማጻፋ 33:12

Minaasey tuggatida wode GODAA ba Xoossaa koyides; ba aawata Xoossaa sinththan banateththaa keehippe kawushshides.

ዛሬ ማጻፋ 13:3

GODAA intte Xoossay intte iza kumeththa wozinappenne kumeththa shemppofe dosizaakko eranaas koyidi he kaayizayssa yeddida gishshas izi gizayssa mulekka siyopite.

ዛሬ ማጻፋ 7:18

Gido attiin intte isttas yayyofte; GODAA intte Xoossay Gibxe kawo bollanne he dere asaa ubbaa bolla ooththidayssa yuushshi qopite.

ዛሬ ማጻፋ 1:3

Gibxeppe istti kezidaappe oyddu tammanththo layththan tammanne issinththa aginay gelida koyro gallas Musey derezas erisana mala GODAY izas yootida qaala ubbaa isttas yootides.

ሜቴ ማጻፋ 22:1

Hessafe guye Xoossi Abrahaame paaccides; Xoossi, «Abrahaamee!» gi xeygiin Abrahaamey, «Yee!» gi koyides.

ዮሃኒሳ ኣጁታ 2:23

Tani izi nayta hayqon qaxxayana; asa qofanne asa amo shaakka erizay tana gididayssa woosa keeththati wuri erana; tani inttes issaas issaas izaade ooso mala immana.

2ታሪኬ ማጻፋ 33:19

Qasse iza woosaynne Xoossay izas woosettidayssi, izi ooththida nagaraynne naaqoy ubbay Minaasey bana kawushshanaappe kase ooththida zumbullata bolla goynnizasoti, izi essida Asheeri misletinne eeqa xoossati ubbay nabeta Taarike Maxaafan xaafetti uttida.

ኬሳ ማጻፋ 16:35

Isra7eele asay ba daana biitta bi gakkanaas oyddu tammu layth kumeth manna mida; Istti Kanaane biitta zawa gakkanaas manna mishe de7ida.

ኬሳ ማጻፋ 20:20

Musey asaas, «Xoossi inttena paaccanaas, iza yashshi intte wozinan kumiin intte nagara ooththontta mala yida gishshas babbofte» gides.

ታይቦ ማጻፋ 14:33

Intte nayti intte ammanontta ixxida gaason inttefe wurseththan hayqqizaade ahay bazzo biittan kundi attana gakkanaas 40 layth kumeth gita meto ekkishe hayssa ha bazzozan toylattana.

ዳናታ ማጻፋ 2:22

Ha Isra7eele asay kase bantta aawata mala ta oge kaallizaakkonne kaallonttaako tani istta paaccanaas hayssa ha dereta taas ola massara ooththada isttan go7ettana» gides.

ዳናታ ማጻፋ 3:4

GODAY Muse baggara kase Isra7eele aawatas immida azazo istti azazettizaakkonne azazettonttaako shaakki eranaas isttas paace gidana mala he attida asata heen ashshides.

ናሂሚያ ማጻፋ 9:19

«Ne maarotay gita gidida gishshas istti heen bazzo biittan dhayi attana mala aggabeekka; gido attiin istti gallas tuussa mala shaaran omars tuussa mala taman istti baanaas bessiza ogera istta kaaleththo aggabeekka.

ሂዚቄላ ቲንቢቴ 20:19

GODAY tani intte Xoossa. Ta maara kaallite; ta wogaa naaganaas minnite.

ዛሬ ማጻፋ 32:7

«Kase beni wodeza yuushshi qoppite; daro yeletata layththaaka akeekite; Intte aawata oychchite; istti inttes yootana; kase cimatakka oychchite; istti inttes qonccisi yootana.

ዬ ማጻፋ 103:2

Ta shemppoyee! GODAA galata! Izi nees ooththida kiyateththa ubbaa dogoppa.

ኤርማሳ ቲንቢቴ 2:6

Isttika, ‹Nuna Gibxeppe kessiday, bazzon samida ogera, kundukurcco biittara, melanne dhuma biittara, asi aadhdhonttasora nuna kaaleththi ehida GODAY awan dizee?› gi oychchibeettenna.