ዛሬ ማጻፋ 4:6 - Geeshsha Maxaafa

⁶ Intte istta naagitenne polite; intte hessaththo ooththizaa gidikko intte ay keena aadho eranchchatanne akeekizayta hara dere asay inttena be7ana; istti ha azazota siyiza wode, ‹Tumukka ha gita kawoteththay aadho eranchchanne akeekanchcha dere› gaana.

ጋሞ ማጻፋ

⁶ ኢንቴ ኢስታ ናጊቴኔ ፖሊቴ፤ ኢንቴ ሄሳ ኦዛ ጊዲኮ ኢንቴ ኣይ ኬና ኣ ኤራንቻታኔ ኣኬኪዛይታ ሃራ ዴሬ ኣሳይ ኢንቴና ቤኣና፤ ኢስቲ ሃ ኣዛዞታ ሲዪዛ ዎዴ፥ ‹ቱሙካ ሃ ጊታ ካዎቴይ ኣ ኤራንቻኔ ኣኬካንቻ ዴሬ› ጋና።

ዛሬ ማጻፋ 4:6 Referans Kwoze

ኢዮቤ ማጻፋ 28:28

He wode asas, ‹Hekko erateth guussi Xoossas yashshateththa; akeeka guussi iitappe haako› gides.»

ዬ ማጻፋ 111:10

Aadho erateththas koyroy GODAAS yashshateththa; iza azazo ooththizaytas lo7o akeekay dees. GODAY mernaas galatetto!

2ጺምቶሳስ 3:15

Ne guuththa naateththafe ha7i gakkanaas Yesus Kirstoosa ammanon atoteththi beettiza timirte immiza Geeshsha Maxaafata lo7eththa eradasa.

1ካዎታ ማጻፋ 4:34

Iza aadho erateththaa siyida sa7a kawota ubbaafe kiitettidayti iza aadho erateththaa siyanaas yida.

ያቆቤ ኪታ 3:13

Intte garsafe akeekara diza era asi oonee? Eray dizaa gidikko ane ba ooso ashketeththaninne aadho erateththara ba lo7o duussan besso.

ኤርማሳ ቲንቢቴ 8:9

Aadho eranchchati yeellatana; istti kawuyananne woximaden oykettana. GODAA qaalara istti eqettichchiin isttas aaza erateththi dizee?

ሌሚሶ ማጻፋ 1:7

Aadho erateththas koyroy GODAAS yashshateththa; eeyati gidikko aadho erateththinne seera kadheettes.

ዬ ማጻፋ 19:7

GODAA wogay suure; shemppo zaari cil7isees; GODAA azazoy ammanettizayssa; akeekay paccidaytas aadho erateth immees.

ሚልካሳ ቲንቢቴ 3:12

«Hessafe kaallidi intte derey kalo biitta gidida gishshas hara derey wurikka inttena intte anjjettida dereta gi xeygana» gees Ubbaafe Wolqqama GODAA Xoossay.

ዳኔላ ቲንቢቴ 1:20

Kawozi oychchida ay aadho erateththaninne akeekan izi ayssiza deren diza marotappe, saggatappe, tammu kusheppe aadhdhi beettida.

ሌሚሶ ማጻፋ 14:8

Akeekanchcha asas aadho erateththi ba oge naago; eeyata eeyateththi gidikko istta cimmees.

ዳኔላ ቲንቢቴ 4:9

Tanikka, «Eranchchatas halaqa gidida Bilxxasoore! Geeshsha xoossata ayanay nenan dizayssanne xuura yo7oy wurikka neeppe geemmonttayssa ta erays; hessa gishshas tani be7ida agumoza ne taas birsha.

ዛሬ ማጻፋ 29:9

Hessa gishshas intte ooththiza ooso ubbay inttes anjjettana mala hayta caaqo qaalata ubbaa minni kaallite.

ዛሬ ማጻፋ 32:46

izi, «Hayssa woga qaala ubbaa intte nayti lo7eththi naagana mala, istti ooththana malanne intte nayta intte azazana mala hach ta inttes markkattiza qaala ubbaa intte wozinan woththite.

ዛሬ ማጻፋ 32:47

Ha qaalay inttes de7oppe attiin coo mela qaalaa gidenna; ha qaala naagikko intte Yordaanoose pinnidi laattana biittankka adussa layth intte de7ana» gides.

ሂዚቄላ ቲንቢቴ 5:5

Ubbaa Haariza GODAY, «Dereta ubbaa izi yuushon woththada kawoteththata giddon woththida Yerusalaame katamaya hanno.

ሆሴኤ ቲንቢቴ 8:12

Ta isttas ta wogaa garsan diza daro miishshata xaafadis. Istti gidikko hada miishsha mala qoodida.

ዬ ማጻፋ 19:8

GODAA wogay likke; wozina ufayssees. GODAA azazoy geeshsha; ayfe poo7isees.

ሌሚሶ ማጻፋ 1:4

Erateththi paccidaytas akeeka, naateththatas erateththinne wozinamateth immizayta.

ሌሚሶ ማጻፋ 1:5

Aadho eranchchati ha leemisota siyidi erateth gujjeettes; akeekanchcha asatikka lo7o zoreta ekkeettes.

ሌሚሶ ማጻፋ 14:34

Xilloteththi kawoteththaa dhoqqu dhoqqu ooththees; gido attiin nagaray ay asikka kawushshees.

ኢሳያሳ ቲንቢቴ 42:21

GODAY ba xilloteththaa gishshas giidi, ba wogaa gitanne bonchcho kessida gishshas ufayettides.