ዛሬ ማጻፋ 10:12 - Geeshsha Maxaafa

¹² Isra7eele asawu! GODAY inttefe koyzay hayssafe kaallizayssa; GODAA intte Xoossaa yayyite; iza oge kaallite; iza siiqite; kumeththa wozinappenne kumeththa shemppofe izas ooththite.

ጋሞ ማጻፋ

¹² ኢስራኤሌ ኣሳዉ! ጎዳይ ኢንቴፌ ኮይዛይ ሃይሳፌ ካሊዛይሳ፤ ጎዳ ኢንቴ ጾሳ ያዪቴ፤ ኢዛ ኦጌ ካሊቴ፤ ኢዛ ሲቂቴ፤ ኩሜ ዎዚናፔኔ ኩሜ ሼምፖፌ ኢዛስ ኦቴ።

ዛሬ ማጻፋ 10:12 Referans Kwoze

ዛሬ ማጻፋ 6:5

GODAA ne Xoossaa ne kumeththa wozinappe, ne kumeththa shemppofenne ne kumeththa wolqqafe siiqa.

ሚኪያሳ ቲንቢቴ 6:8

Asa nawu! Izi nena lo7o miish bessides Xoossi neeppe koyzay aazee? Lo7o ooththana mala maaroteth ne dosana malanne Xoossa sinththan neni ashketeththara baana mala gidennee?

ሉቃሳ ሚሺራቾ 10:27

Addezi zaaridi, «Ne Godaa Xoossaa ne kumeththa wozinappe, ne kumeththa shemppofe, ne kumeththa wolqqafenne ne kumeththa qofappe siiqa; ne laggeka ne hu7e mala siiqa gees» giidi zaarides.

ዛሬ ማጻፋ 5:33

Ubba miishshi inttes lo7o gidana malanne intte laattana biittayn inttes layththay aduqqana mala Xoossi inttena azazidayssa ubbaa polite» gides.

ዛሬ ማጻፋ 11:13

Hessa gishshas GODAA intte Xoossaa siiqite; kumeththa wozinappenne kumeththa shemppofe izas ooththite; tani hach inttes immiza azazota polite.

Maatosa 22:37

Izikka zaaridi, « ‹Ne Godaa Xoossa ne kumeththa wozinappe, ne kumeththa shemppofe, ne kumeththa qofappe dosa.›

ሶፎናሳ ቲንቢቴ 3:9

He wode asay ubbay GODAA sunth xeygana malanne sigan izas haggazana mala ta istta doona geeshshana.

ዬ ማጻፋ 34:9

Intteno geeshsha asatoo! GODAAS yayyite; ays giikko izas yayyiza ubbatas aykkoyka paccenna.

ዛሬ ማጻፋ 4:29

Gido attiin intte heen dishe GODAA intte Xoossaa kumeththa wozinappenne kumeththa shemppofe koykko intte iza demmana.

Ibirawe 12:28

Hessa gishshas nuni mulekka qaaxxontta kawoteth laattana gishshas ane Xoos galatoos; qasseka iza ufayssiza ogera bonchchoossinne yashshateththan ane izas goynnoos.

ሂዚቄላ ቲንቢቴ 11:20

Hessa gishshas istti ta azazo polana; ta wogaakka naagana. Istti ta dere gidana; tanikka istta Xoos gidana.

ዬ ማጻፋ 145:20

GODAY bana siiqizayta ubbaa naagees; gido attiin iitata ubbaa dhayssana.

ዬ ማጻፋ 128:1

GODAAS yayyizaytinne iza ogen hemettizayti ubbay anjjettidayta.

ዬ ማጻፋ 81:13

«Ta derey tana siyidaakkoo! Isra7eele asay ta oge kaallidaakko!

ኢያሶ ማጻፋ 22:5

GODAA aylle Musey inttena azazida azazozanne wogaa intte naagite. GODAA intte Xoossa siiqite; iza ogeta ubbaan simerettite; iza azazota polite; izakka minththi oykkite; intte kumeththa wozinappenne kumeththa shemppofe izas ooththana mala izi immida azazotanne wogata minththi naagite» gides.

ዛሬ ማጻፋ 30:20

GODAA intte Xoossaa siiqite; iza qaala siyite; izakko shiphi giite; hessaththo hanikko GODAY kase intte aawatas, Abrahaames, Yisaaqassinne Yaaqoobes immanaas caaqqida biittan intteninne intte nayti adussa layth de7ana.

ዛሬ ማጻፋ 30:16

GODAA intte Xoossaa siiqana mala, iza ogen hemettana malanne iza azazota, maaratanne iza wogata naagana mala, tani hach inttes immiza GODAA intte Xoossaa azazota intte naagikko intte shemppora paxa de7ananne corattana; qasse intte laattanaas geliza biittan GODAA intte Xoossay inttena anjjana.

1ዮሃኒሳ ኪታ 5:5

Yesusi Xoossa naa gididayssa ammanizaadefe attiin alame xoonizay haray oonee?

1ዮሃኒሳ ኪታ 2:15

Hayssa alameza woykko ha alamezan diza ay miishsheka dosopite; oonikka ha alameza dosikko Aawaa siiqoy izaade achchan deenna.

ኦሮሜ ኣሳስ 8:28

Xoossi bana dosizaytassinne iza shene mala xeygettidaytas ubbaas ooththiza miish ubbaaka lo7os ooththizayssa nu eroos.

ሉቃሳ ሚሺራቾ 11:42

«Intteno Farsaawetoo! Inttes aayye ana! Aanugappenne xalotappe qasseka dumma dumma kaththafe tammaafe issino kesseeta; gido attiin tumu pirdanne Xoos dosanayssa aggi aadhdheeta; gidikkoka intte aggi aadhdhanaas bessenna; hankkoyssa aggontta intte ooththana bessizaytikka hayta.

ኢዮቤ ማጻፋ 36:11

Istti Xoossas azazettidi ooththiko, banttas attida layththa dureteththaninne ufayssan ongana.

ዛሬ ማጻፋ 6:13

Intte GODA Xoossaas yayyite; izas xalla goynnitenne iza sunththan xalla caaqqite.

ሃዋሬታ ኦሶ 9:31

He wode Yuhudaninne Galilan, Samaariyankka diza ammanizayti saron diidi kaseppe minnida; qasseka Xoossa yashshateththan simerettishe Xillo Ayanan minettidanne kaseppe qoodan dari dari bida.

ኦሮሜ ኣሳስ 1:9

Ta intte gishshas ubba wode ay mala qoppizaakkonne Xoossa naa mishiraachcho sabbakon ta kumeththa wozinappe izas ooththiza Xoossay taas markka.

ዬ ማጻፋ 18:1

Abeet GODAWU! Ne taas wolqqa immida gishshas ta nena siiqays.

1ጺምቶሳስ 1:5

Ha azazozas waanna ayfe yo7oy gidikko geeshsha wozinappe lo7o qofara hessaththoka tumu ammanoppe beettiza siiqo.

ኬሳ ማጻፋ 23:25

GODAA intte Xoossaas goynnite; histtiko, izi inttena kaththaninne haaththan anjjana; ta intte giddofe harge diggana.

ዛሬ ማጻፋ 6:2

Intte he biittayn adussa layth daana mala intte, intte naytinne intte nayta nayti bantti diza wode ubbaan Xoossas yayyanaassinne ta immida azazota, maaratanne wogata ubbaa naaganaas bessees.

ዛሬ ማጻፋ 6:24

Hessafe guye hach hanidayssaththo nuus ubba wodekka lo7o gidana malanne nuni shemppora paxa de7ana mala, nuni azazota, wogatanne maarata naagana malanne GODAA nu Xoossaas yayyana mala azazides.

ዛሬ ማጻፋ 10:11

Hessafe guye izi tana, «Ha7i ne ba! Tani kase istta aawatas immida hidota qaalaa mala istti he biittayo laattana mala deraa kaaleththa» gides.

ዛሬ ማጻፋ 10:13

Inttes lo7ana mala tani hach inttes immiza GODAA azazotanne wogata naagite.

ዛሬ ማጻፋ 11:1

Hessa gishshas GODAA intte Xoossaa siiqite; izi inttefe koyza iza wogaa, maaraanne azazota ubba wode polite.

ኢያሶ ማጻፋ 24:14

«Hessa gishshas ha7ikka GODAAS yayyite; kumeththa wozinappe ammaneteththan izas haarettite; kase intte aawati Efiraaxise shaafappe he pinththaninne Gibxe biittan goynnida eeqa xoossata inttefe haassite; GODAAS xalla goynnite.

1ካዎታ ማጻፋ 3:3

Solomooney GODAA siiqees; ba aawa Dawite wogaa mala dees; gido attiin zumbullata bolla yarsho yarsheessinne exaane cuwasees.

ዬ ማጻፋ 119:2

Izi yootidayssa ooththizaytinne ba kumeththa wozinappe iza koyzayti anjjettidayta.

ኤራንቻታ ማጻፋ 12:13

Hekko ubbaa miishshi yootettides; yo7o ubbaas kuushshi hayssa; Xoossas yayya; iza azazo naaga; hessika asa naas imettida kumeththa ooso.

ዛሬ ማጻፋ 5:29

Isttassinne istta zereththatas mernaas ubbaa miishshi lo7o gidana mala istti taas yayyanaassinne ta azazota ubba wode naaganaas hayssa mala wozinay dizaakko ay mala lo7ooshaa!

ዛሬ ማጻፋ 26:16

GODAA ne Xoossaa wogatanne maarata ne naagana mala hekko hach nena azazides; hessa gishshas neni kumeththa shemppofenne kumeththa wozinappe naaga.

ዛሬ ማጻፋ 27:10

Hessa gishshas tani nees hach immiza azazotanne wogata ne wursa naagada GODAA ne Xoossaa qaalas azazetta» gides.

1ሳሜላ ማጻፋ 12:20

Sameelikka isttas, «Babofte; hayssa ha iita ubbaa ooththideta; gido attiin intte kumeththa wozinappe GODAAS goynnite; GODAA kaallanaappe guye goopite.

2ካዎታ ማጻፋ 10:31

Gido attiin Iyuy GODAA Isra7eele Xoossa wogaa ba kumeththa wozinappe naagibeenna; Iyorba7aameykka Isra7eele asaa oosisida nagaraappe haakkibeenna.

2ካዎታ ማጻፋ 18:3

Iza aawa Dawiti GODAA sinththan ooththida mala izikka lo7o ooththides.

2ካዎታ ማጻፋ 18:6

Izi GODAARA oyketti uttides; izi GODAA kaaloppe guye gibeenna; GODAY Muses immida azazotakka naagides.

1ታሪኬ ማጻፋ 28:9

«Ta naa Solomoone, ne aawaa Xoossaa era! Neni kumeththa wozinaninne lo7o qofan izas ooththa; GODAY wozina ubbaa pilggi xeellees; giddo qofa ubbaa izi erees; neni iza koykko izi nees beettana; gido attiin ne iza aggizaa gidikko izikka nena mernaas aggaagana.

2ታሪኬ ማጻፋ 15:12

GODAA bantta aawata Xoossaa bantta kumeththa wozinappenne bantta kumeththa shemppofe koyanaas qaala gelida.

ዬ ማጻፋ 81:14

Tani istta morkketa isttas gulbatissana; istta baaligaaratakka ta shocanakkoshin.