ዳኔላ ቲንቢቴ 9:7 - Geeshsha Maxaafa

⁷ «Abeet GODAWU! Neni xillo; nuni gidikko nees ammanettontta gishshas nuna biitta ubbaa bollan ne laallida Yuhuda asay, Yerusalaame asaynne kumeththa Isra7eele asay matan gidiin haahon diza ubbay ha7i yeellatidos.

ጋሞ ማጻፋ

⁷ «ኣቤት ጎዳዉ! ኔኒ ጺሎ፤ ኑኒ ጊዲኮ ኔስ ኣማኔቶንታ ጊሻስ ኑና ቢታ ኡባ ቦላን ኔ ላሊዳ ዩሁዳ ኣሳይ፥ ዬሩሳላሜ ኣሳይኔ ኩሜ ኢስራኤሌ ኣሳይ ማታን ጊዲን ሃሆን ዲዛ ኡባይ ሃኢ ዬላቲዶስ።

ዳኔላ ቲንቢቴ 9:7 Referans Kwoze

ዳኔላ ቲንቢቴ 9:14

GODAA nu Xoossay ba ooththiza ooso ubbaan xillo; GODAY nu bolla bash ehanaas modhettibeenna.

ዳኔላ ቲንቢቴ 9:8

Abeet GODAWU! Nuni wurikka nena qohida gishshas nu kawota, nuna ayssizaytanne kase nu aawatanne nuna yeellay gakkides.

ኤርማሳ ቲንቢቴ 3:25

Nuni yelagateththafe doommidi hach gakkanaas, nunikka nu aawatikka GODAA nu Xoossa bolla nagara ooththidos; GODAAS nu Xoossaas azazettibeekko; hessa gishshas ane nuni yeellateth gullunttidi ichchoos; qasse kawushshateththi nuna afala mala kammo» geettes.

ዬ ማጻፋ 44:15

Ta ubba wode kawuyadis; ta sinththi yeella may7ides.

ዛሬ ማጻፋ 4:27

GODAY inttena hara kawoteththata giddon laallana; intte bi laalettidason inttefe amardayti xalla attana.

ኦሮሜ ኣሳስ 6:21

ha7i qasse intte yeellatiza miishshatappe he wode ay go7a demmidetii? Hessa he hanozas go7ay hayqo.

ኣሞጼ ቲንቢቴ 9:9

«Be7ite kath zayzaren zayzariza mala Isra7eele asaa Ayzaabe kawoteththa giddon zayzarana mala ta azazana; gido attiin isttafe issaadeyka wora wodhdhi dhayenna.

ሂዚቄላ ቲንቢቴ 36:31

He wode intte intte iita ogenne tunida intte oosota intte akeekana; intte nagara gishshassinne harassiza intte oosota gishshas intterkka intte inttena bashashettana.

ሂዚቄላ ቲንቢቴ 16:63

Tani ne ooththida mooro ubbaa atto gida wode ne qohoy ne wozinan karppi gi geliza wode ne yeellatana; ne kawushshateththafe dendidayssan ne doona mulekka doyakka» gides.

ኤርማሳ ቲንቢቴ 24:9

Biitta bolla kawoteththata ubbaa sinththan harassettizaytanne cayettidayta gidana; istta laalla yeddizaso ubbaan istti qidhes, leemisos, kadhessinne qanggeththas ta istta ooththana.

ኤርማሳ ቲንቢቴ 12:1

Abeet GODAWU! Tani nenara palamettiza wode ubbaankka ne xillo. Iita asati ooththizayssi isttas ays injjetizee? Ammanettonttayti ays ishalo duus dizoo?

ኢሳያሳ ቲንቢቴ 45:16

Eeqa xoossata medhdhizayti ubbay yeellatana, guuxxana issi bolla kawuyana.

ኢሳያሳ ቲንቢቴ 11:11

He wode GODAY nam7anththo ba kushe miccidi attida asaa Asooreppe, pudeha Gibxeppe, dugeha Gibxeppe, Tophphiyappe, Elaameppe, Sana7ooreppe, Hamaateppenne abba gaxan diza deretappe shiishshana.

ዬ ማጻፋ 119:137

Abeet GODAWU! Neni xillo; ne pirdayka likke.

ዬ ማጻፋ 51:14

Abeet Xoossawu, tana ashshiza Xoossawu! Tani shemppo wodhontta mala tana maadda; ta inxarsayka ne xilloteththa gishshas ililisan yexxo.

ዬ ማጻፋ 51:4

Ta nena xalla qohadis; qasseka ne sinththan iita ooththadis. Hessa gishshas ne qaxxayda qixaaten, ne ta bolla pirdida pirdankka ne xillo

ናሂሚያ ማጻፋ 9:33

Ne nuna qaxxayana gaada ne ooththidayssi wuri likke; nuni nagara ooththikokka neni ne ammaneteththan minna eqqadasa.

ኢዝራ ማጻፋ 9:13

«Hayssi nu bolla gakkida metoy nu ooththida iita oosoppenne mooroppe dendidayssanna; gidikkoka neni nu Xoossay nuna qaxxayday nu qaxxayettanaas bessizayssafe guuththa; hessafekka bollara nu hayqoppe attidi shemppora paxa daana mala ooththadasa.

ዛሬ ማጻፋ 32:4

«Izi nuus miixa; iza oosotikka kumeththa; Iza ogeti wurikka suure; izi balettontta ammanettida Xoossa; izi suurenne xillo Xoossa.

ኢዝራ ማጻፋ 9:15

GODAA Isra7eele Xoossawu! Neni tumu pirdiza Xoossa; gido attiin nuni guuththati dhayoppe attidi de7on daana mala ooththadasa; nuni ne sinththi shiiqana bessizayta gidokkoshin hekko nuni nu moorora ne sinththi shiiqidos.»

ኤርማሳ ቲንቢቴ 23:6

Iza kawoteththa layththan Yuhuday attana; Isra7eeleykka saron daana; iza sunththi, ‹GODAY Nuus Xilloteththa› geetettana.

ኤርማሳ ቲንቢቴ 33:16

He wode Yuhuda asay attana; Yerusalaame asaykka saron daana; izakka, ‹GODAY Nuus Xilloteththa› gaana.

ሂዚቄላ ቲንቢቴ 6:12

Haahon dizayti iita hargen hayqqana; matan dizayti mashshan kundana; qasse shemppora paxa attidayti koshan wurana; ta hanqoza hayssa malan istta bolla polana.

ዳኔላ ቲንቢቴ 9:18

Abeet Xoossawu! Ne hayththaa taakko zaarada ta woosaa siya; ne ayfe doy7ada nu dhayzayssanne ne sunththi xeygettida katamayo be7a; Nuni nena woossizay ne gita maaroteththaan ammanettidi attiin nu xilloteththan ceeqettidi gidenna.

ኤርማሳ ቲንቢቴ 4:17

Iza ta bolla makkallida gishshas kath naagiza asa mala istti Yuhuda giddoththana› giite.

ኤርማሳ ቲንቢቴ 7:19

Istti hayssa ubbaa ooththizay tana qohanaasee? Hayssan qohettidi yeellatanay bantta hu7es istta gidettennee?» gides.

ኤርማሳ ቲንቢቴ 32:32

Isra7eele asaynne Yuhuda asay, istta kawotinne shuumeti, istta qeesetinne nabeti ooththida iita ooso ubbaan tana hanqeththida.

ሂዚቄላ ቲንቢቴ 5:10

Hessafe dendidayssan ne giddon aawati bantta nayta, nayti bantta aawata maana; ta ne bolla pirda ehana; neeppe attidayta tani carkon laallana.