ዳኔላ ቲንቢቴ 7:1 - Geeshsha Maxaafa

¹ Baabiloone kawo Belishaxoorey kawotida koyro layth Daaneeli ba algan ichchi dishe agumonne ajjuuta be7ides; hessafe guye ba be7ida agumoza xaafides.

ጋሞ ማጻፋ

¹ ባቢሎኔ ካዎ ቤሊሻጾሬይ ካዎቲዳ ኮይሮ ላይ ዳኔሊ ባ ኣልጋን ኢቺ ዲሼ ኣጉሞኔ ኣጁታ ቤዪዴስ፤ ሄሳፌ ጉዬ ባ ቤኢዳ ኣጉሞዛ ጻፊዴስ።

ዳኔላ ቲንቢቴ 7:1 Referans Kwoze

ኣሞጼ ቲንቢቴ 3:7

GODAY ba xuura ba oosanchcha nabetas koyrotti yootontta dishe aykkoka ooththenna.

ኢዩኤሌ ቲንቢቴ 2:28

GODAY, «Hayssafe guye tani asa ubbaa bolla ta Ayana gussana; intte macca naytinne attuma nayti tinbite haasayana; cima asaykka agumo agumettana; yelaga naateththati ajjuuta beyana.

ዳኔላ ቲንቢቴ 5:1

Gallassatappe issi gallas kawo Belishaxoorey shiyan qoodettiza gita shuumetas keehi gita gibira giigsides; izi asaara woyne ushshu uyishe qamisides.

ዳኔላ ቲንቢቴ 4:5

Gido attiin gallassatappe issi gallas tani ta hiiththan ichcha dashe daro daganththiza agumonne ajjuuta beyadis.

ዳኔላ ቲንቢቴ 1:17

Xoossika he oyddu naateththatas aadho erateth, xaafo erateththinne akeeka immides; Daaneelas gidikko hessafekka bollara ajjuutanne agumo birshiza erateth dees.

ኤርማሳ ቲንቢቴ 23:28

Agumettiza nabey ba agumaa yooto; ta qaalay izan dizaadey gidikko he qaala ammaneteththan yooto; happassinne kaththa ayfes ay gaytoteththi dizee?

ዮሃኒሳ ኣጁታ 1:19

Hessa gishshas neni be7idayssa ha7i dizayssanne guyeppe hananayssa xaafa.

ኢምባቆ ቲንቢቴ 2:2

Xoossi Imbaaqos, «Waayisontta nababettana mala nees ajjuutan qonccidayssa saleeda bolla lo7eththa wooca xaafa.

ዳኔላ ቲንቢቴ 7:15

«Tani Daaneeli hayssa ta be7ida ajjuutan keeha metotadis; ta shemppoyakka ceecadus.

ዳኔላ ቲንቢቴ 7:13

«Asa naa misatizaadey salo shaaray iza giddoththi oykkiin yizayssa omars ajjuutan beyadis; iza gede beni beniisofe dizayssako shiishshida.

ዳኔላ ቲንቢቴ 2:1

Nabukadanaxoorey kawotida nam7anththo layththan agumo agumettides; he agumoza gaason keehi ceeciin dhiskoy izas dhaydes.

ታይቦ ማጻፋ 12:6

GODAY isttas, «Hekko ha7i ta inttena gizayssa akeeki siyite! «Intte giddon nabeti diikko, tani tana isttas ajjuutan qonccisays; agumon istta haasayssays.

ሜቴ ማጻፋ 46:2

Xoossi omars agumora iza, «Yaaqoobe, Yaaqoobe» gi xeygiin izi, «Yee!» gi koyides.

ዮሃኒሳ ኣጁታ 10:4

Laappun dadati ba giirissaa sissida mala ta xaafana gaada qoppadis shin, «Ha laappun dadati yootoyssa qum7a woththa attiin xaafoppa!» giza qaala saloppe siyadis.

2ቆሮንቶሴ ኣሳስ 12:1

Ceeqeteththan aykko go7ay baynda aggikokka ceeqettanaas koshshiko Goday taas qonccisi immidayssaninne izi bessida ajjuutan ta ceeqettana.

ኦሮሜ ኣሳስ 15:4

Nuni Geeshsha Maxaafatappe demmiza dandayaynne minoteththi nuus daana mala koyroppe xaafettidayssi wurikka nu izappe nuus timirte demmana mala xaafettides.

ዳኔላ ቲንቢቴ 8:1

Belishaxoorey kawotida heedzdzanththo layththan tani Daaneeli hayssafe kase be7idayssafe hara ajjuuta beyadis.

ዳኔላ ቲንቢቴ 7:7

«Hessafe guye oydanththo do7aza ta beyadis; izikka keehi babisiza, daganththizaazinne wolqqama do7a; he do7azas puuzereththizanne menththereththiza birata misatiza gita achchati deettes. Izi mishin attidayssa ba tohotan yedhdheettes; kase aadhdhida do7ata ubbaafe izi dumma; izas tammu kaceti deettes.

ዳኔላ ቲንቢቴ 5:30

He gallassa omars Baabiloone kawo Belishaxoorey asa kushen hayqqides.

ዳኔላ ቲንቢቴ 5:22

«Belishaxoore! Neni iza naa gida uttada hessa ubbaa erashe neni nena ziqqi histtabeekka.

ሂዚቄላ ቲንቢቴ 1:1

Heedzdzu tammanththa layththan, oydanththo aginan, ichchashanththo gallassan, tani Koboore shaafan di7ettidi bidayta giddon dashe saloti doyettiin Xoossa ajjuuta be7adis.

ኤርማሳ ቲንቢቴ 36:4

Hessa gishshas Ermaasi Neeriya naa Baaroke xeygides; histtidi GODAY izas yootidayssa ubbaa Baarokes yootiin izi xaaththa maxaafan xaafides.

ኤርማሳ ቲንቢቴ 27:7

Iza derey haras haarettana gakkanaas kawoteththati ubbay izas, iza naassinne izas naa naas haarettana. Hessafe guye daro kawoteththatinne gita kawoti iza haarana.

ኢሳያሳ ቲንቢቴ 30:8

Ha7i ba; saleedan isttas xaafa; xaaththa maxaafa bollaka cadda; hessi buroppe yaana wodetan mernaas markka gidana.

ኢሳያሳ ቲንቢቴ 8:1

GODAY tana, «Gita xaaththa waraqata ekkada, ‹Maher-shalal hash-baaz› gaada nababettiza pidalen xaafa.

ኢዮቤ ማጻፋ 4:13

Asay omars wolqqama dhisko seerida wode, tana iita agumoy agunththides.

ሜቴ ማጻፋ 15:1

Hessafe guye GODAA qaalay ajjuutan Abraamekko yiidi, «Abraame, babbofa! Tani nees gondalle; ne anjjoy keehi gita» gides.

ኤርማሳ ቲንቢቴ 36:32

Hessafe guye Ermaasi hara xaaththa maxaafa ekkidi Neeriya naa xaafe Baarokes immides; histtiin Baarokey Yuhuda kawo Iyo7aaqemey taman xuuggida xaaththa maxaafa qaala ubbaa Ermaasi izas doonan yootiin xaafides. Qasse Ermaasi hessa misatiza hara qaalakka gujjiin ubbaaka Baarokey xaafides.

ሂዚቄላ ቲንቢቴ 40:2

Xoossa ajjuutan izi tana Isra7eele biitta efidi dhoqqa zuma bolla woththides; he zumaappe dugeha baggara katama misatiza gimbe keeththata be7adis.

ዳኔላ ቲንቢቴ 2:26

Kawozikka Bilxxasoore geetettida Daaneela, «Ta agumettida agumoza iza birsheththaara ne taas yootanaas dandayay?» gi oychchides.

ዳኔላ ቲንቢቴ 4:13

«Tani ta hiiththan ichcha dashe ajjuutan issi geeshsha kiitanchchay saloppe duge wodhdhishin be7adis.