ዳኔላ ቲንቢቴ 4:12 - Geeshsha Maxaafa

¹² Iza hayththay cilila; iza ayfey dere ubbaas gidana gakkanaas darides; iza kuway do7atas shempizaso gidides; salo kafotikka iza haggata bolla ba keeththa keexxidi izan deettes; shemppora diza medheteththati wurikka he miththaza ayfe meettes.

ጋሞ ማጻፋ

¹² ኢዛ ሃይይ ጪሊላ፤ ኢዛ ኣይፌይ ዴሬ ኡባስ ጊዳና ጋካናስ ዳሪዴስ፤ ኢዛ ኩዋይ ዶኣታስ ሼምፒዛሶ ጊዲዴስ፤ ሳሎ ካፎቲካ ኢዛ ሃጋታ ቦላ ባ ኬ ኬጺዲ ኢዛን ዴቴስ፤ ሼምፖራ ዲዛ ሜቴቲ ዉሪካ ሄ ሚዛ ኣይፌ ሜቴስ።

ዳኔላ ቲንቢቴ 4:12 Referans Kwoze

ሉቃሳ ሚሺራቾ 13:19

Issi asi Sanafice geetettiza miththa ayfe ba gaden tokkiin mokka diccada gita gidiin kafoti izi hagga giddon duussaso giigsana gakkanaas diccida sanafice mith misatawus» gides.

ሂዚቄላ ቲንቢቴ 17:23

Dhoqqu gida Isra7eele zuma hu7en tokkana; izi haggata kessana; ayfe ayfana; lo7o ziga gidana; dumma dumma qommo kafoti ubbay heen baas duussaso keexxana; iza haggata kuwan shempana.

ኤርማሳ ዚላስ 4:20

Nuni iza kuwa garsan utti de7ana gi qoppidayssa, Xoossi tiydayssa, nuus de7o shemppoka gididayssa bantta woximaden oykkida.

ማርቆሳ ሚሺራቾ 13:32

«Qasse he gallassay gishshas woykko he saatey gishshas ta Aawappe attiin Salo Kiitanchchata gidiinkka Naaza gidiinkka oonikka erenna.

Maatosa 13:32

Barzaafe miththa ayfey hara miththa ayfe ubbaafe daro laafa gidikkoka diccada miththa ubbaafe gita gidawus. Salo kafotikka izi hagga bolla keexxidi daana gakkanaas gita mith gidawus» gides.

ማርቆሳ ሚሺራቾ 4:32

Zerettada diccidaappe guye qasse atakilteta ubbaafe aadhdhiza gishshas kafoti yiidi he atakiltey haggata kuwa giddon shempeettes» gides.

ሂዚቄላ ቲንቢቴ 31:17

Kawoteththata giddofe izara zuppetidayti, iza kuwa garsan de7idayti, mashshan siifettidaytara gayttanaas duge duufon wodhdhida.

ዳኔላ ቲንቢቴ 4:14

Izikka ba qaala dhoqqu histtidi, ‹Hayssa miththaza qanxxite; iza haggata ubbaa guurite; iza hayththa ubbaa yuudite; iza ayfeza laallite; iza kuwa garsan diza do7atinne iza haggata bolla diza kafoti baqatetto.

ኢዮቤ ማጻፋ 12:24

Kaaleththizaytas akeekay paccana malanne ogey baynda bazzo biittan toylattana mala izi ooththana.

ኢዮቤ ማጻፋ 14:7

Qanxxettida miththa uththaska hidotay dees; nam7anththo simmi aacanaassinne haggata kessanaas dandayees.

ኢዮቤ ማጻፋ 14:9

Irxxa demmiko nam7anththo aacees; oorath tokettida miththa mala haggata kessees.